oulusta

Meniyam har kun ko'rgan filmimning editini istoriyamga qo'ygim keladi.

https://t.me/boost/oulusta

​​My Favourite Cake (2024) #Comedy #Drama #Romance

Eron kinosida o'tgan yilning e'tiborga molik filmlaridan biri Berlin kinofestivalidagi premyerasida so'ng mukofotlar bilan uyiga qaytgan "My Favourite Cake" bo'ldi. Rejisyorlar Maryam Moghadam hamda Behtash Saneeha'lar filmi izlagan sevgisini juda kech yoshda topgan ikki inson orqali hozirgi kunda Eronda yuz berayotgan chuqur muammolarni yoritib beradi. Gohida ko‘ngilni ko‘taradigan, gohida ko'ngilni cho'ktiradigan film osonlikcha esdan chiqarilmaydigan finalga ega. Filmning kamchiligi esa, hikmat va ma'rifat dozasini oshirib yuborgan. Yana finalning asosiy zarbasidan keyin asta-sekin so'ndirilishi ham uncha yoqmadi. Shundayam bir marta ko'rishlik, boshqacha mazasi bor film.

IMDb: 7,5/10
KinoPoisk: -
OULUSTA: 7/10

🍿@OULUSTA

​​Bird (2024) #Drama

“Bird” bu qashshoq oilada ulg‘ayishga urinish hikoyasidir. Bosh qahramonimiz Bailey (12, Nykiya Adams) biz vayrona deb atashimiz mumkin bo'lgan darajadagi uyda o'gay akasi Hunter (14, Jason Buda) va o'ziyam hali boladek bo'lgan otalari Bug (28, Barry Keoghan) bilan yashashadi. Qahramonlarning yoshlarini alohida ko'rsatib o'tish maqsadga muvofiq bo'lardi, chunki ota-ona rolidagi personajlar ham o'z bolalaridan farqi yo'q, xuddi sayoq o'smirlardek. Va Bailey kunlarning birida Bird (Franz Rogowski) ismli g'alati yigit bilan tanishadi. "Bird" voqealardan ko'ra ko'proq qahramonlarning kundalik hayotiga e'tibor qaratadi va imkon qadar bizni ularning dunyosi bilan, Angliyada biz bilmagan quyi qatlamning haqiqatlari bilan tanishtiradi. Film shu mavzudagi ilgari siz-u biz ko'rgan filmlarga nisbatan yangi narsalar ko'rsatmaydi, lekin original personajlar, ajoyib ijrolar, muvaffaqiyatli operatorlik (kameraning haddan ortiq harakatda bo'lganini hisobga olmasam) va musiqa tanlovlarini taqdim etadi. Bosh roldagi Nykiya Adams yaxshi tanlov bo'lgan, lekin cast'da eng ko'p e'tiborimizni tortadiganlar Barry Keoghan va Franz Rogowski'lar albatta. Barry Keoghan yana bir bor o'zi uchun ideal rolni topibdi, ammo Franz Rogowski meni bu yerdagi ijrosi bilan hayron qoldirdi, albatta ijobiy ma'noda. Afsuski, film BAFTA va Cannes'da nomzod bo'lganini aytmaganda, katta kinomukofotlarda o'zini ko'rsatolmadi.

IMDb: 7,1/10
KinoPoisk: 7,1/10
OULUSTA: 7,5/10

🍿@OULUSTA

​​The Apprentice (2024) #Biography #Drama #History

Ko'pchilikka 3yil oldingi "Holy Spider" filmi bilan tanish bo'lgan eron-daniyalik rejissyor Ali Abbasi bu safar Trump biografiyasi bilan hammani e'tiborini tortdi. Filmda biz yosh Donald Trump'ning (Sebastian Stan) endigina boyib borayotgan 70-80-yillardagi davrini tomosha qilamiz. Shu bilan birga, biz uning hayotiga jiddiy ta’sir ko‘rsatgan advokat Roy Cohn (Jeremy Strong) bilan munosabatiga guvoh bo'lamiz. Ali Abbasi o‘zgacha bo‘lishga ko‘p ham urinmay, oddiy normal film suratga olgan, ammo film bilan nimani maqsad qilgani biroz shubhali. Trump'ning biografiyasi sifatida film juda zaif. Biroz yovuz qahramonning kelib chiqish hikoyalariga o'xshab ketadi, ammo bu ta'rifgayam juda mos tushmaydi. Roy Cohn hikoyasida erishgan nuqtasi bilan nimani maqsad qilgani ham ma'lum emas. Ma'lumi shuki, filmdagi ijrolar sifati. Men faqat MCU'dagi rollari bilan taniydigan Sebastian Stan hamda endi taniy boshlaganim Jeremy Strong o'zlarining kuchli ijrolari bilan ssenariyning kamchiliklarini yopish uchun qattiq harakat qilishgan. Sebastian Stan o'zining mimikalari bilan asta-sekin biz bugungi kunda ko'rib o'rganib qolgan Trump'ga aylangan. Jeremy Strong esa katta ko'lamdagi ijroni amalga oshirgan. Yanada yaxshiroq film bilan Oscar'ni oladigan darajadagi ijro bu. Ammo, menga ba'zi joylarida Al Pacino'ga taqlid qilayotgandek tuyuldi. Filmni tomosha qilganimdan so'ng bildimki, "Angels in America" serialida Al Pacino'ni shaxsan o'zi mana shu Roy Cohn obrazini jonlantirgan ekan.

IMDb: 7,1/10
KinoPoisk: 6,8/10
OULUSTA: 6,5/10

🍿@OULUSTA

​​Wicked: Part I (2024) #Fantasy #Musical #Romance

Bu yilgi kinomukofotlar mavsumining syurpriz filmlaridan biri men "In the Heights" filmi bilan taniydigan va muvaffaqiyatli myuzikl olishini isbotlagan Jon M. Chu tomonidan suratga olingan "Wicked" bo'ldi. "The Wizard of Oz" olamidan chiqqan myuzikl qog'ozda omadsizlikka uchraydigan filmdek ko'rinayotgandi. Lekin ilk namoyishlaridan e'tiboran ajoyib tarzda kutib olindi va Oscar favoritlaridan biriga aylandi. Filmning bosh sovrinni qo'lga kiritishini xohlaydiganlar ham oz emas. "Wicked" o'z olamini ishonarli tarzda tomoshabinga yetkazishni juda zo'r uddalagan. Bu yerda hozirgi ertagona kassa filmlari bilanmas, umuman "Harry Potter" va "Lord of the Rings"dek olamlar bilan qiyoslaydigan darajadagi yutuq haqida gap ketyapti. Rejisyorlik, production va kinematografiyasi nihoyatda yaxshi. Filmning eng yutuqli tomonlaridan biri bu ijrolardir. Cynthia Erivo'ning o'zi menga unchalik yoqmasa ham, bu yerdagi roliga juda mos tushgan. Bugun o'z nominatsiyasida yakuniy beshlikka kirdi. Lekin filmning asl syurprizi Ariana Grande bo'ladi. Musiqa dunyosidagi muvaffaqiyatlari bilan bizga tanish bo'lgan Grande juda yaxshi yozilgan rolini juda yaxshi ijro etgan. Bu muvaffaqiyatda personaji yaxshi yozilgani va bu personajga o'zining ham juda mos tushgani katta omildir. Oscar'ni qo'lga kiritish ehtimoli juda yuqori. Film bilan bog‘liq birgina asosiy muammom bu uning juda uzoq davomiyligi edi. Ikkita filmga bo‘linib yarmida tugagan film, bunga qaramay 2soat-u 40daqiqadek qo'rqinchli davomiylikka ega. Bu esa filmning vaqti-vaqti bilan takrorlanishlarga uchrashiga va tempini juda sekinlashishiga sabab bo'lgan. Myuzikllarni yaxshi ko‘radigan odam sifatida filmda faqat “Popular” qo'shig'i esda qolarli bo'lgan. Cast'da Ariana Grande'dek ajoyib ovoz turgani uchun men yanada yaxshiroq qo'shiqlar kutgandim. "Wicked" yuqori sifatli yaxshi ertak. Lekin yilning eng yaxshilaridan biri deb aytish qiyin.

IMDb: 7,7/10
KinoPoisk: 7,2/10
OULUSTA: 7,5/10

🍿@OULUSTA

Bugun ona diyorimiz vaqti bilan soat 18:30'da 97.Oscar kino mukofoti'ning yakuniy nomzodlari e'lon qilinadi. Shaxsiy taxminlarim:

Eng Yaxshi Film (10ta yakuniy nomzod tanlanadi)

Anora
*The Brutalist
*A Complete Unknown
Conclave
Dune: Part Two
Emilia Pérez
*Nickel Boys
A Real Pain
The Substance
Wicked


Eng Yaxshi Rejisyor (5ta)

Sean Baker (Anora)
*Brady Corbet (The Brutalist)
Edward Berger (Conclave)
Jacques Audiard (Emilia Perez)
Coralie Fargeat (The Substance)


Eng Yaxshi Aktyor (5ta)

*Adrien Brody (The Brutalist)
*Timothee Chalamet (A Complete Unknown)
Ralph Fiennes (Conclave)
Hugh Grant (Heretic)
Colman Domingo (Sing Sing)


Eng Yaxshi Aktrisa (5ta)

Mikey Madison (Anora)
Karla Sofia Gascon (Emilia Perez)
*Fernanda Torres (I'm Still Here)
Demi Moore (The Substance)
Cynthia Erivo (Wicked)


Eng Yaxshi Yordamchi Aktyor (5ta)

Yura Borisov (Anora)
Jeremy Strong (The Apprentice)
*Guy Pearce (The Brutalist)
Kieran Culkin (A Real Pain)
Clarence Maclin (Sing Sing)


Eng Yaxshi Yordamchi Aktrisa (5ta)

*Felicity Jones (The Brutalist)
Isabella Rossellini (Conclave)
Zoe Saldana (Emilia Perez)
Margaret Qualley (The Substance)
Ariana Grande (Wicked)

*Hali bu filmni yoki aktyor/aktrisaning ijrosini tomosha qilmaganman. Ko'plab kino nashrlarining taxminlari hamda Oscar oldi kinomukofotlaridagi yutuqlari inobatga olinib qo'shildi.

Jonli efir shu yerda bo'ladi.

Tomosha qilgan 2024-yilgi filmlarim (hozircha)

https://boxd.it/zDcAO

​​The Wild Robot (2024)

Davomiyligi: 1soat-u 42daqiqa
Rejissor: Chris Sanders
Janri: #Animation #SciFi

Dreamworks'ning bu yilgi eng ko'p shuhrat keltirgan filmi "The Wild Robot" IMDb'ning mashhur Top 250'taligiga bu yil kirgan sanoqli filmlardan biri edi. Sun’iy intellektning insoniyat bilan o‘zaro aloqasi haqidagi loyihalarga ortig'i bilan o‘rganib qoldik. “The Wild Robot”ning o‘ziga xosligi esa, u insoniyatdan butunlay uzoqda yashaydigan yovvoyi tabiat bilan aloqa o'rnatishga qaratilganligidir. Sun’iy intellekt hayotimizga har qachongidan ham ko‘proq kirib ulgurgan bir davrda, bosh qahramonimizni real qabul qilish har qachongidan ham osonroq bo'lgan. Bu qulaylik oddiy holatdek ko'rinishi mumkin bo'lsayam, filmning original mavzusi muhim ustunlik yaratib bergan. Filmning yaratgan vizual animatsion olamiyam nihoyatda ajoyib. Biroq, ilk qismdagi original mavzuning qiziqarligi, ikkinchi qismda klishe mavzularga aylangach pasaya boshladi. Shaxsan men uchun, "Inside Out 2"dan o'zib ketolmadi, ammo baribir so'nggi yillardagi eng yaxshi animatsiyalari qatorida tilga olinishga munosib film edi.

IMDb: 8,2/10
KinoPoisk: 8,4/10
OULUSTA: 8/10

🍿@OULUSTA

​​Conclave (2024)

Davomiyligi: 2soat
Rejissor: Edward Berger
Janri: #Drama #Mystery #Thriller

Ikki yil oldin "All Quiet on the Western Front" bilan shov-shuv ko'targan nemis rejissyori Edward Berger'dan bu yilgi mukofotlar mavsumi uchun og'ir figuralardan biri tashlandi. Oldingi filmi menga yoqmagan bo'lsayam, bu safar yaxshiroq ssenariyli film kutgandim, adashmabman. Eski papaning o'limidan so'ng yangi papa saylovidagi voqealar haqida hikoya qiladigan film asrlar davomida davom etib kelayotgan, ammo tafsilotlari ko'p ham ma'lum qilinmagan an'ananing parda orti voqealariga oydinlik kiritadi. Albatta, bu ishni qilish asnosida diniy amaldorlarni jiddiy tanqid qilishni ham unutmagan. Film bosh rolidagi Ralph Fiennes karyerasidagi eng yaxshi ijrolaridan birini ko'rsatgan. 28 yildan keyin birinchi bor Oscar nomzodligini olishi aniq ko'rinmoqda, mukofotni qo'lga kiritishiyam mumkin. Stanley Tucci, Isabella Rossellini, John Lithgow'lar boshqalar orasida ajralib turganlardan edi. Filmning operatorlik ishi va musiqadan foydalanishi ham juda muvaffaqiyatli. Ko'plab Oskar nominatsiyalari yo'lda desam adashmagan bo'laman.

IMDb: 7,4/10
KinoPoisk: 7,1/10
OULUSTA: 7,5/10

🍿@OULUSTA

​​My Old Ass (2024)

Davomiyligi: 1soat-u 29daqiqa
Rejissor va ssenarist: Megan Park
Janri: #Comedy #Drama #Romance

Vaqt bo'ylab sayohat to'g'risidagi filmlarini juda yaxshi ko'radigan odam sifatida ushbu janrdagi yangi yaxshi filmlar uchun eshigim doimo ochiq bo'lgan. Rejissor Megan Park tomonidan olingan "My Old Ass" filmi ushbu janrga yangilik nuqtai nazaridan u-bu narsalar qo'shishni uddalabdi. 18 yoshli Elliott bir sayohat chog'ida o'zining 39 yoshli holini uchratib qoladi. O'zi unchalik yoqtirmagan old ass'idan olgan qiziqarli tavsiya esa, Elliott'ni murakkab vaziyatlar tomon boshlab boradi. "My Old Ass" - juda tomoshabop, yengil romantik komediya. Film g'oyasining originalligi e'tiborni tortsayam, bu g'oyani sal uvol qilishgandek. Yanada yaxshiroq ssenariy bilan film boshqa darajaga chiqishi mumkin edi. Maisy Stella rolini ajoyib ijro qilganini va Aubrey Plaza 39 yoshida ham cast'ning muhim jilosi bo'lolganligini qo'shib qo'yishim kerak.

IMDb: 6,9/10
KinoPoisk: 6,5/10
OULUSTA: 7/10

🍿@OULUSTA