Taniysanmi shu jajji qizni?🪐

Yo'l - birgina ketish emas, qaytish ham demakdir. Qay manzilga borsangiz ham, o'sha manzilda ortga qaytaradigan yo'l mavjud.
Birgina manzil bor, unga eltuvchi yo'llar zinhor ortga qaytarmaydi. Bu - "o'lim" nomli manzil...!
U manzil tomon ketgan yaqinlarimizni biz ham o'sha manzilga borgandagina uchratishimiz #mumkin

Ma'naviy xordiq🤍❤️

Ayni vaqtda Uchquduqdaman.
Aytilganidan ancha kech chiqdik yo'lga. Kelishimiz kerak bo'lgan vaqtdan 2 soat keyin keldik, lekin shunda ham maktabda darslarni boshlamasdan kutishibdi.
Juda chiroyli kutib olishdi. Yosh bo'lganim uchun bu yerdagi o'qituvchilar ko'rsatayotgan hurmat-ehtiromidan rosa xijolat bo'ldim.
Lekin judayam mehmondo'st ekanlar, bunaqa deb o'ylamagandim, rosti, Zarafshon, Uchquduq deyishsa odamovi, xo'mrayib turadigan odamlarni tushunardim☺️😁
Yoqimli uchrashuv, yoqimli tadbir, chiroyli yakun bo'ldi🤍🤍🤍
Sana Çok teşekkür ederim Uçkuduk🤍

3 soatdan buyon yo'ldamiz, men va haydovchidan boshqa hamma uyquda. Miriqib uxlab ketishyapti☺️

Shahar va insonlar yo'q joylarda osmon ham #musaffo

Kanalga post qo'yilmaydi, tark etishingiz mumkin.
Hammangizga #rahmat

Go‘yo siz ming yil kutgan narsangiz, nihoyat, yetib keldi va u endi kerak emas...

Jeyn Ostin

Amerikada saraton kasalligining so'nggi kunlarini yashayotgan bemor shifokorlariga og'riqsiz o'lishni xohlayotganini, shuning uchun bilak tomirlarini kesib o'lishini aytadi. Albatta, bu holat evtanaziyaga kirganligi sababli, bemorni evtanaziya bepul bo'lgan davlat - Shvetsariyaga yuborishadi. Bu yerdagi shifokorlar psixologik o'limni amalga oshirishda tajriba o'tkazmoqchi bo'ladilar va bemorni ruhiy jihatdan tayyorlaydilar. Ular bemorning bilaklari kesilgandan so'ng qanday o'lishini tasvirlaydi: "Bilagingiz kesilgandan so'ng, besh daqiqa ichida o'lasiz, sizda faqat 5 daqiqa bo'ladi" deyishadi
Ular bemorni kravatga yotqizadilar. Bemor ko'zlarini yopiq bo'lishini xohlagani uchun uning ko'zlarini bog'laydilar. Avvaldan muzlatgichga qo'yilgan pichoqni olib keladilar va uni suvga botirishadi. Ular bemorning qo'liga pichoqni orqa tomoni bilan qo'yib, kesayotgandek qilib ko'rsatadilar. Pichoq sovuq va undan suv oqayotgani uchun bemorga qo'li kesilgandek tuyuladi.
Keyin shifokorlar bemorga har o'tgan daqiqani aytib turishadi. Bu vaqt davomida ular bemorning yuragini apparatda kuzatib boradilar. Bemorning yurak urishi har daqiqada kamayib boraveradi. Va besh daqiqa o'tgach uning yuragi haqiqatdan ham urishdan to'xtaydi va bemor o'ladi.

P/s: Insonning ichidagi ruhiy holati uning kelajagini, qarorlarini va sog'ligini belgilaydi. Biror narsaga ishonish o'sha narsani amalga oshirishdagi katta omildir. Inson hamma narsaga ishonch orqali erisha oladi... Umid bilan... O'ylang, lekin yaxshi o'ylang... Insonlar o'zlari xohlagan narsaga erisha olmasligining birdan bir sababi, ularning shu narsaga erishishi haqidagi emas, erisha olmasligi haqidagi xayollaridir... #Umidli bo'ling...!

Bugun uyimizga #farishta keldi🤍🤍🤍

#happy_birthday

Esimni taniganimdan buyon, opam hamisha yonimdala, yaxshi-yomon kunlarimda, yig'laganimda, xafa bo'lganimda, kim bilandir urushib qolganimda, oyijonim bizdan uzoqda vaqtlarida, birortadan tayoq yeganimda, yiqilib jarohatlanganimda, oyijonimdan ayrilganimda, har doim... har doim o'z farzandiday g'amxo'rlik qilib qaraganlar. Hozir ham shunday. Kichkina paytimda biror ayb ish qilib qo'ysam, oyijonim meni jazolamoqchi bo'lsalar, opam doim men qildim, ukamni urushmang, deb tarafimni olardilar.
Biz opam bilan hech qachon urush qilmaganmiz, hech qachon bir birimizga yomon so'z ishlatmaganmiz. Opamdan xafa bo'lib yig'laganimni eslolmayman.
Yig'lasak ham birga yig'laganmiz. Kulsak ham. Ikkimizni ham dugonamiz bo'lmagan, ikkimiz ham qayerga borsak birga borganmiz. Men uchun opamning o'zi yetarli bo'lgan.
Hatto qo'shnilar, qarindoshlar, tengdoshlarimizni bizga havasi kelardi, hayron qolardi. Oyijonimni o'zlaridan ham bular hech urush qilishadimi, deb so'raganlar, erta katta qizingiz turmushga chiqsa ikkalasi ham qiynaladi, ayting bunaqa yaqin bo'lishmasin deb aytganlar bo'lgan.
Rost, opam turmushga chiqqanlaridan keyin ancha qiynaldim, opam ham. Ko'nikishimiz qiyin bo'ldi judayam.

Bugun opamning tug'ilgan kunlari, birga nishonlanmayotgan tug'ilgan kunlaridan ikkinchisi.
Koshki yana bola bo'lib qolsak, birga bo'lsak, tug'ilgan kun va bayramlarda oyijonim ikkimizni ham kelib o'pib-o'pib tabriklab qo'ysalar. Qaniydi, o'tmishga 1 kun qaytsak, oyijonim va opam bilan yana bir kungina birgalikda nishonlasak shu kunni.
Nima bo'lganda ham, bugun oyijonimga behisob rahmat aytaman, oyijon, yaxshiyam menga shunday opani tug'ib bergansiz. Ruhingiz hamisha shod bo'lsin, oyijon, biz har doim shunday bir-birimizga suyanch bo'lamiz.

Opa, birga yashamasak ham, xayolingiz har doim menda, bilaman. Siz sog'-salomat va baxtli yashasangiz bo'ldi. Umringiz uzoq bo'lsin. Sizday opamning borligi, mening eng katta baxtim...🤍
Tug'ilgan kuningiz muborak, quvonchim...🤍