Esimda, Shavkat Mirziyoyev o‘z chiqishlaridan birida «Biz ongli ravishda odamlarni ongsiz qilishga urindik», deb aytib o‘tgan edi. Bugungi holatni o‘sha siyosatning davomi deb baholashga haqimiz bor. Millatning kelajagiga befarq bo‘lgan rahbarlargina talabalarning kontrakt narxlarini otning kallasidek qilib qo‘yadi. XTV negizidagi har qanday islohot, har qanday harakat va mehnat, toki kontrakt summalari normallashtirilmagunicha, qadri bilinmaydi. Buni tushunish uchun professor bo‘lish shart emas, nazarimda.
Tushunaman, deputatlarimizning bunaqa mayda ishlar bilan shug‘ullanishga vaqtlari va toqatlari yo‘q, ular ayni vaqtda ham ko‘p ehtimollar bilan qandaydir muhim ishlar bilan band bo‘lishlari mumkin. Masalan, Ramzan Kadirov tushirilgan yangi futbolkani topib kiyish yoki qaysidir blogerni qoralash kampaniyasida qo‘ldan kelgancha yordam berib ishtirok etish, yoxud karantin davrida hukumatimiz tomonidan olib borilgan oqilona xatti-harakatlar to‘g‘risida katta konspekt yozish... Shunday bo‘lsa-da, o‘zimda jur’at topib, ularni biroz turtib qo‘yishga ijozat so‘ramoqchiman.
Hurmatli, xalq vakillari! Sizlar bexabar qolib ketganga o‘xshaysizlar, bugungi kunlarda yurtimiz bo‘ylab bir necha mingta talabalar Telegramda «Talabalar harakati» nomli gruppada birlashib, hukumatga kontrakt narxlarini arzonlashtirish borasida murojaat bilan chiqishmoqda. Ular tushkunlikka tushgan, bugungi siyosatdan qattiq g‘azabda. Talabalar — yurt kelajagi! Ularga yordam bering. Shu masalani kun tartibiga ko‘taring. Hukumatga kontraktlar narxlarini arzonlashtirish bo‘yicha aniq va ravshan takliflar kiriting.
Men bu haqda yozmas edim, zero oldinlari ham ta’kidlaganimdek, o‘zim tushunmagan mavzularga aralashishni yoqtirmayman. Ammo bugun ijtimoiy tarmoqlarda ushbu guruh adminlariga bosim bo‘lgani haqida xabarlar tarqaldi. Shundan so‘ng men har doimgidek, inson huquqlari poymol bo‘layotgani to‘g‘risida yozishga ahd qildim. Tanqid va e’tirozlarni to‘g‘ri qabul qila olmaydigan hukumat hech qachon fuqarolik jamiyatini qura olmaydi. Yo asling kabi ko‘rin, yoki ko‘ringaning kabi bo‘l...
Ⓜ️ fayzboguz
https://t.me/joinchat/AAAAAE0e0Hhc37QSeG25Nw
Tushunaman, deputatlarimizning bunaqa mayda ishlar bilan shug‘ullanishga vaqtlari va toqatlari yo‘q, ular ayni vaqtda ham ko‘p ehtimollar bilan qandaydir muhim ishlar bilan band bo‘lishlari mumkin. Masalan, Ramzan Kadirov tushirilgan yangi futbolkani topib kiyish yoki qaysidir blogerni qoralash kampaniyasida qo‘ldan kelgancha yordam berib ishtirok etish, yoxud karantin davrida hukumatimiz tomonidan olib borilgan oqilona xatti-harakatlar to‘g‘risida katta konspekt yozish... Shunday bo‘lsa-da, o‘zimda jur’at topib, ularni biroz turtib qo‘yishga ijozat so‘ramoqchiman.
Hurmatli, xalq vakillari! Sizlar bexabar qolib ketganga o‘xshaysizlar, bugungi kunlarda yurtimiz bo‘ylab bir necha mingta talabalar Telegramda «Talabalar harakati» nomli gruppada birlashib, hukumatga kontrakt narxlarini arzonlashtirish borasida murojaat bilan chiqishmoqda. Ular tushkunlikka tushgan, bugungi siyosatdan qattiq g‘azabda. Talabalar — yurt kelajagi! Ularga yordam bering. Shu masalani kun tartibiga ko‘taring. Hukumatga kontraktlar narxlarini arzonlashtirish bo‘yicha aniq va ravshan takliflar kiriting.
Men bu haqda yozmas edim, zero oldinlari ham ta’kidlaganimdek, o‘zim tushunmagan mavzularga aralashishni yoqtirmayman. Ammo bugun ijtimoiy tarmoqlarda ushbu guruh adminlariga bosim bo‘lgani haqida xabarlar tarqaldi. Shundan so‘ng men har doimgidek, inson huquqlari poymol bo‘layotgani to‘g‘risida yozishga ahd qildim. Tanqid va e’tirozlarni to‘g‘ri qabul qila olmaydigan hukumat hech qachon fuqarolik jamiyatini qura olmaydi. Yo asling kabi ko‘rin, yoki ko‘ringaning kabi bo‘l...
Ⓜ️ fayzboguz
https://t.me/joinchat/AAAAAE0e0Hhc37QSeG25Nw