Сендан бошқа кимим бор...

Чақалоққа биринчи мактуб.

Инга деб янграган ингичка бонгни,
Қутлаб олаётган феруза тонгни.
Мурғак вужудингни, беғубор онгни,
Қаршилаб, мен масрур ва лол турибман.
Оппоқ йўргакка ўралган маъсум юзли чақалоқ,
Сўрғичингни сал қўйиб тур, сўзларимга сол қулоқ.
Кенгайтирди даврамизни бу дунёга келишинг,
Суюнтирди ҳаммамизни илк бор чақнаб кулишинг.
Дадажонинг лаб даҳанин таноби қочган,
Аяжонинг ноз-фироғи салгина ошган.
Қўлда тугун, шодлигидан кўзларида нам,
Суст қадамли бувижонинг бугун  хўп  илдам.
Неварамни кўрайин деб шошади у ҳам.
«Буғдой» бувинг, «Арпа» бувинг бугун жуда бой,
Бир-биридан қизғанади сени ҳойна-ҳой.
Миттигина қўлчаларинг темир бўлади,
Йигит бўлсанг дадажонинг кўнгли тўлади.
Ўқиб, ўниб-ўсганингни кўрайлик болам,
Бахтли бўлгин, ҳеч босмасин дилингни алам.
Фахримиз бўл, Хатирчининг бир чинори бўл,
Катта карвон йўлларида катта нори бўл.
Ихтиролар қилиб довруғ солгин оламга,
Шу эл десин, кўз тегмасин полвон боламга.
Бугун митти юрагингда орзулар ўссин,
Меҳр ўссин, шеър бўлгувчи туйғулар ўссин.
Тезроқ ўсгин, ҳаммамизни қувонтириб ўс,
Яхши инсон бўлишингга ишонтириб ўс.
Севгин болам, гулни севгин, шул Ватанни сев,
Душман кўзин олайтирса қалқон бўлиб қув.
Тилак тилай бугун сенга аллалар айтиб,
Улғаясан, бир гўзал қиз йўлингда кутиб.
Ҳамроҳ бўлар узоқ йўлда бахт сеникидир,
Бугун дейман: сени берган Оллоҳга шукур.
Сен ўсавер, шеърлар ёзиб дуо қиламан,
Бизга раҳмат келтирасан, буни биламан.

Нуртож Сайдолим кизи.

https://t.me/nurli_toj

Ўзликни англаш
Оилада бола туғилди.
Ота- она, қўни- қўшни, қавму қариндош, бобо- буви маҳалла куй қалби севинчга тўлди.
Болакайлар суюнчига югуришди.
Боболар азон ва такбир айтиш ва чиройли, мазмунли исм қўйиш суннат эканлигини эьтиборга олган ҳолда маслаҳатга шошилдилар.
Момолар бешик ясантириш, она- болага алоҳида эьтибор қаратиш, уларнинг соғлиги учун эҳсон чиқариш ишлари билан машғул бўлди.
Аввал бошлаб бўғирсоқ қилдилар, ширинтойларга ширинликлар улашдилар.
Ўзларига маьлум бўлган кўп болали ва қийналиб турган оилаларгаа Аллоҳ йўлида атаганларини етказдилар.
Ёши улуғларни зиёрат қилиб дуоларини олдилар.
Ақиқани тайин этдилар. Худо хоҳласа еттинчи кунга ўтказишни режалаштириб қўйдилар. Хом талаш усулини лозим кўрдилар, ҳаммани уйида қозон қайнашини ва зурёдлари ҳаққига ҳар уйда дуойи хайр бўлишини истадилар.
Албатта бундай чора тадбирлар оила бошлиқлари тарафидан белгиланади.Қариси бор уйнинг париси бор, деб бекорга айтилмаган. Катталар
чиройли исм қўйишни бирламчи вазифалардан деб биладилар.
Бобою бувижон неварасига энг чиройли, гўзал мазмунли исмлардан танлашар, мазмуни чиройли ва шафоат талаб исмлар ҳақида баҳс юритар хуллас эзгу туйғулар оғушида сайр қилишардилар.
Ўзбекнинг асрлар давомида сайқалланиб келинаётган урф одатлари, диний ва миллий қадриятлари, комилликка элтгучи ғоялари, камтарона муомала маданияти, хокисорлиги, содиқлиги, ўзини қўйиб ўзгага илиниши, ўзига зарар бўлсада кўнгил олишга интилиши ўзгани бахтиёр кўрса "бир қоп семириб" ўзини қўярга жой топа олмай қолиши, содда, кўнгил оқлиги азалдан аждод мерос.
Ўзгани бахтли кўрса ўзини қийналганига қарамасдан шукур қила оладиган,қўлида борини бериб шодлигига шерик бўла оладиган, дунё халқига эртаю кеч дуойи хайр юборадиган фидойи халқ.
Бу халқ ишонувчан, ҳаммани ўзидек билгани учун ҳам кўп қоқилди, йўқотди, алданди, оммавий маданият аталмиш ифлосликлар исканжасида баьзан рўҳий бўшлиқ сабабли ёш авлодлар орасида нохуш воқеалар юзага келди.
Бугунги кунда ҳар бир ҳолатдан сабоқ чиқарган халқ ва кўпни кўрган кексалар ўз маданиятига, урф- одатларига, миллий қадриятларига, муқаддас Каломи ва муборак ҳадиси шариф матнларига эьтиборни қаратиш, ўқиб ўрганиш, рўҳий оламини яхши ва пок туйғуларга тўйинтириш, ўтган ҳар бир хато, камчиликларга тавба, истиғфор айтиш жуда зарур эканлигини англаб етди.
Ота боболар меьроси- ўлкан хазина. Улардаги азаматлик, элга, юртга, оиласига содиқлик ва жўмардлик, сахийлик, илоҳий туйғуларининг юксак мақоми фақат шу миллатга хос олий фазилатким,(бошқа миллатларда ҳам бордир аммо дини ислом қаерда бўлса ўша ерда борлиги аниқ ва шубҳасиздир, чунки ислом дини инсониятни фидойиликка, неьмати шукроналикка даьват этади ) ўрганган авлоддан олимлар, валийлар, комронлар етилур, етишган ва яна ўз ўзанини топади, инШаАллоҳ.
Момоларни эса муомаласи, кийиниши, шарқона одобу ахлоқи сўзидан тортиб имо ишорасигача, ўтириб туриши, эркак зоти олдидаги ҳаёси, тинчликка, аҳилликка ҳарислиги, назм ва насрга ошнолиги ҳар бири ўрганса обру келтирадиган, юксакликка кўтарадиган қадриятларким миллатни ибодат даражасига элтур, сабоқ олган хор эмас, азиз бўлур.
Ана шу ширин туйғуларни муборак хаёлидан ўтказган юртим кексалари янги туғилган зурёдини мурғак онгини гўзал фазилатларга тўлғазиш, ёт ғоялардан асрашни ўз олдиларига муқаддас вазифа қилиб олдилар, демак бекорчи вақтлари йўқ, ўтмиш ва келажак олдида жавобгарлик ҳисси ҳар бирини куюнчак ва масьулиятли ташвишларидир.
Аллоҳ олдига юзи ёруғ ҳолатда бориш, Ўзбекистон келажагини нурли, фаровон йўлларга олиб чиқиш, йўқотганлари ўрнини афзали билан тўлдиришга ҳисса қўшиш бу ибодат, бу ҳар бир ватандошнинг фарзандлик бурчидир..
Зеро, "Ватанни севмоқ иймондандир."

Нуртож Сайдолим қизи 2 сентябр 2020
https://t.me/nurli_toj

АЛЛОҲ ЎЗИНГ АСРА

Ёлғону, беҳуда туҳматларидан,
Қисматнинг қаҳрли кулфатларидан,
Балодек ёприлган офатларидан,
Аллоҳ ўзинг асра бандаларингни.

Тош дилга муҳаббат,вафо бергучи,
Ўксиган кўнгилга наво бергучи,
Ўзингсан ҳар дардга даво бергучи,
Аллоҳ ўзинг асра бандаларингни.

Бандамиз кор бўлмас билганларимиз,
Хатодир гоҳ даврон сурганларимиз,
Кечир билиб,билмай қилганларимиз,
Аллоҳ ўзинг асра бандаларингни.

Ҳар дилда жўш урсин,орзу,,тилаклар,
Ҳаётбаҳш ҳисларга тўлсин юраклар,
Қиқирлаб бешикда кулсин гўдаклар,
Аллоҳ ўзинг асра бандаларингни.

Рўзғор тирикчилик десин ҳар одам,
Қадларни эгсин вақт,эгсин ширин ғам,
Ҳар не ишга қодир Яратган Эгам,
Аллоҳ ўзинг асра бандаларингни.

Аллоҳумма солли васаллим ва барик ала саййидина Муҳаммад.
https://t.me/nurli_toj

Узатилаётган қизга бир онанинг ўн насиҳатини ўқиб, бу амалларни қизларимиз бардавом қилсалар ниҳоятда бахтиёр бўлишларини кўз олдимга келтирдим.
Эрга аёл Аллоҳнинг омонати, ўз навбатида эр ҳам аёлга Аллоҳнинг омонатидир. Ҳар икки тараф масьулиятни, бурчларини, омонат мезонларини англаб сўнг турмуш қуриши, исломий билимга эга  бўлиб  никоҳланиши бахтли яшаб кетишнинг гаровидир.
Бахтли оилалар кўпайсин.Амин.🤲🤲🤲


Онанинг узатилаётган қизига ўн насиҳати.

Она қизим менинг,  номусим,  орим,
Ўзга  уйда яшаш  чекида борим.
Бугун сенга хожа нотаниш одам,
Унинг билан бир умр бўласан ҳамдам.
Чўридек бўлсанг гар итоатида,
У қул каби эврилар ҳар соатида.
Ўн насиҳат айтай,  эслаб қол,  болам,
Амал қилган қизга кенгдир тор олам.
Эрингга ҳурмат, қаноат, эьтиборда,
Сабрда, эьзозда турсанг бахт ёрда.
Кўз тушар, ҳид сезар жойларин покла,
Улгургин, авлодинг номини оқла.
Ҳеч кўзи тушмасин , хунукни йўқот,
Хушбўй ҳидла сийлаб, роҳатини тот.
Эринг ухлар вақтин бил, тургин ҳазир,
Овқатланар пайти таоминг ҳозир.
Қорни оч одамни жаҳли келар кез,
Уйқусизлик ғазабни келтиради тез.
Мулкин муҳофаза қилар посбони,
Бола—чақасига бўл меҳрибони.
Молини сақлашда бўлгин тежамкор,
Парвариши яхши бека кўп даркор.
Унинг буйруғига осийлик қилма,
Сирларин фош этиб қалбини тилма. 
Осийлик қилсанг, ғазабга дучор,
Сирин очсанг, макридан бўлурсан ночор.
Яна шуни билгин,  эй,  она қизим,
Қувнасин десанг гар иккала кўзим.
Эринг хафа бўлса кўринма хурсанд,
Хурсандми, хушнуд бўл, емагайсан панд.
Розилиги жаннат,  ғазаби дўзах,
Норизо айласанг, нор бўлур барзах.
Беш маҳал намозу, рўзадан кейин,
Эр ризоси билан жаннатинг тайин.
Ин шаь Аллоҳ.

Аллоҳумма солли васаллим ва баарик ала саййидина Муҳаммад.

Нуртож  Сайдолим қизи.
14 декабр,  2021 йил.

https://t.me/nurli_toj

Давоми👇

Бобо бу сўзни ички бир ҳасратда айтди, дард билан, муҳаббат билан, ҳали қабрига қўйиб улгурмаси қадрдонини қадри ўтгандан ўтиб айтди.Бундан кейинги неча кун умри қолган бўлса ҳар куни,  ҳар тунини ўйлаб айтди, бўзлаб айтди.
Бировнинг бошидан ўтгани, бошқа бировнинг қошидан ўтмас...
Ўлим ҳақ, хотимадан кейинги кунларда бу аёлку росмана солиҳа, ажойиб бир ҳалима экан аммо қайси жуфт орқада қолса ўшанисига қадри ўтади, эр ёки хотин фарқи йўқ талашиб тортишиб юрганларини ҳам қадри ўтади, эслайди,ёлғиз қолганда бўзлайди. Буни кексалик дейдилар, уларни кўнглини олиш қийин, уларни кўнгли ярим айниқса кексайган бобога аёлини қадри ўтади.
Амаким янгам ўтгандан сўнг асти чидолмай қолди, янгамга "сабр қиламан, йиғламайман" деб сўз берган бўлса ҳам, бошида гўё сўзиниинг устидан чиққандек мард кўринган бўлсада уч кунга чидади, бўлмади йиғлай бошлади.  Кексайганда ёш боладек кўнгли  нозик бўлиб қоларканми, ўзларидаги ўзгаришни ўзлари ҳам тушунмайди, сўраганга айтиб беролмайди, нурли юзларидан, жавдираган кўзларидан, оппоқ соқолларини ҳўл қилиб кўз ёшлари оққани оққан, юраклари сел бўлиб ҳар нарсадан баҳона топади, ўқигани ҳам йиғлатади, хотирлагани ҳам.
Ҳар галгидек Тафсир ўқийди, Қурьон ўқийди, намоз ўқийдию нимасидир кам, дастурхон бошида, келини олиб келиб берган косасида армонлар кўриниб кетар, эьтибор, эҳтиром,  ҳурмат жойида бўлсада барибир недир кам. Янгамни остонада ўтиргани кўзига кўринар, айтган сўзларини эслар уйнинг хоҳ у,  хоҳ бу бурчагидан бўйлари кўриниб кетар хуллас шоми туби қоронғу бўлаверади., бўлаверади,ўксийверади. Ялинганларга ваьдалар бераверади, "йиғламайман" дегани сари кўз ёши шашқатор, умр эса ўтиб бормоқда.
Яна бир амаким эса аёли оғир дардга учради, "сендан олдин кетай, орқангда қолмай" деб юрган амаким аёлини дардини кўтаролмади, уй юмушларини қилар, тун бўйи аёлига қараб чиқар,  аёлини дарди амакимни адо қиларди, таом еб турган ҳолатда бандаликни бажо келтирди. Айтганидек янгамдан (қариндош бўлгани боис опа дердим) бир ой олдин кетди. Ҳа,  эркакка ҳам,  аёлга ҳам кексайганда жуфтидан айрилиш оғир бўлар экан, иссиқ—совуғидан хабар олгувчиси кетдими, фарзанду набираларининг, келину қизларининг ҳол сўрашлари кўнглини кўтаролмас экан, аёл мардум ҳар қандай қийинчиликдан чиқиб кетаоларкан,  ўзини ўнглаб яшар ҳам экану, болам,  бўтам деб умрини поёнига сабр билан етаркану кекса боболардан оғир ўтаркан.
Ҳаётда кўриб турган бу ҳолатлардан кўз юмиб бўлмайди, Аллоҳ ўтганларни у дунёларини обод, жойларини жаннат этсин, тирикларга, жуфтидан айрилиб турган ёшу кексаларга сабри жамийл ато этсин.

Барчамизга борида қадрига етиб,  қадрланиб яшашни насиб этсин, хайрли тонг азизлар.

Аллоҳумма солли васаллим ва барик ала саййидина Муҳаммад
https://t.me/nurli_toj

Суянч.

Турмушнинг бошида эркак аёлига ҳимоя қўрғони, кексайганда эса аёл ҳимоя қўрғонига айланаркан.
Аёл ўзини силласи қуриб турган бўлса ҳам, турмуш ўртоғини безовта бўлмаслигини, ортиқча ҳаракат қилмаслигини, бошқалар эрига озор бериб қўймаслигини қатъий назоратга олиб турар экан.(айниқса эрининг вақтида таомланишини, оч қолиб кетмаслигини қаттиқ назоратга олиб қолар экан)

Аллоҳ барча аёллардан рози бўлсин!

Бора-бора эркак ҳам айнан аёлини ўша ғамхўрлигига ўрганиб қолар экан.

Кексалик келганида бутун турмуш давомида энг оғир юк барибир аёлингни зиммасида бўлганлигини тушуниб етар экансан.

Хаммада шундай бўлган. Фақат тан олишни хохламаймиз ёки буни фаҳмига бормаймиз.

Ҳаётда шундай жуфтликлар бор,  садоқати, вафоси оламга достон, кўпчилик эшитган бўлиши керак, ёдимда мангу сақланиб қолгани жуфтлик, хожасига умрини охиригача хизмат қилиб ўтган, сўнги лаҳза ҳам шу хизмат устида жон берган. Жаноза намозини ўқиган домлага хожаси йиғлаб ҳикоя қилиб берган; "Оёқларимда оғриқ бўларди, зир қақшарди, кампиримга эса тинимсиз уқалатардим, толиб тўхтаб қолса, уйқумдан ўйғониб кетардим яна талаб қилардим, кечаси билан уқалаб чиқарди, саҳарга бориб оғриқ тўхтар, аёлим эса намозига қўзғаларди.
Бугун кечаси ҳам одатдагидек ҳолатда, хизматимда бўлди, қўллари тўхтаб, қийшайиб ухлаб қолибди, раҳмим келди", ўрнингга ўтиб ётақол", дедим. Индамади, қаттиқроқ овозда чақирдим, садо йўқ, оёғимни қимирлатдим, у қўзғалди, қўллари оёғимдан узилди ва ёнига оғабошлади.Ҳолат бошқача эди," сенга нима бўлди",—деб бош кўтариб қарасам дунёдан ўтиб қолибди ,аёлимдаги итоат умрини охиригача бардавом бўлди, мен ундан мингдан—минг розиман. Ўзимни кечиролмаяпман, ҳатто сўнги йўлга ҳам оёққинасини узатиб оромида ўлмади, сиздан илтимосим бор эди, Каломни бошдан оёғини ўқиб хатм қилиб берсангиз, —"деди

Давоми бор. 👇

Нуртож

https://t.me/nurli_toj