Nurobod tumani hokimligi

Nurobodda yangi nimstansiya foydalanishga topshirildi

Bugun Nurobod tumanining Chorvador mahallasi Mehr qishlog'i hududida yangi nimstansiya foydalanishga topshirildi.

Ochilish marosimida viloyat Xalq qabulxonasi, sektor rahbarlari, tuman hokimligi mas'ullari ishtirok etib, ushbu yangi nimstansiyaning tuman rivojida muhim o'rin tutishini alohida ta'kidlashdi.

Ushbu nimstansiyaning umumiy quvvati 4000 kVA ni tashkil etib, unga uzunligi 12 km bo'lgan 35 kV lik yerosti kabel tarmog'i yotqizildi.

Foydalanishga topshirilgan ushbu yangi nimstansiya tumanning Olg'a, Chorvador, O'rtabuz, Ittifoq mahallalaridagi 2500 dan ortiq xonadon ahlining uzluksiz elektr energiyasi bilan ta'minlashi va hududda ko'plab yangi ish o'rinlari yaratilishiga xizmat qilishi shubhasiz.

©️ @nur_press

Viloyat mas'ullari va tuman rahbarlari ishtirokida sayyor qabul o'tkazildi

Mamlakatimizda aholi murojaatlarini tinglash, og‘irini yengil qilish, xalq bilan yonma-yon bo'lish, fuqarolarning davlatdan rozi,farovon hayot kechirishlarini ta'minlash bugungi kundagi eng ustuvor vazifalardan biriga aylangan.

Ana shu ezgu maqsadlarni ko'zlagan holda bugun Nurobod tumani 18-son bolalar musiqa va sanʼat maktabida viloyat Xalq qabulxonasi mudiri M.Turdiyev, viloyat hokimi o'rinbosari, Oila va xotin-qizlar boshqarmasi boshlig'i Z.Saidova, tuman hokimi S.Berdiqulov, sektor rahbarlari, tumandagi korxona va tashkilotlar rahbarlari ishtirokida tuman fuqarolari uchun sayyor qabul bo'lib o'tdi.

Muammolar yuzma-yuz, oshkora aytilgan uchrashuvda fuqarolarning 100 dan ortiq murojaat va takliflari tinglandi.

Qabul davomida fuqarolardan asosan kadastr, elektr energiyasi, ichki yo'llar ta'miri, toza ichimlik suvi, bandlikni ta'minlash, adliya, soliq, tibbiyot, turli ijtimoiy va moddiy yordamlar olish va boshqa masalalar yuzasidan murojaatlar yo'llandi.

Rahbarlar har bir murojaatni atroflicha tinglab, aksariyat muammolar shu yerning o'zida ijobiy hal etilgan bo'lsa, ijrosi ma'lum vaqt va batafsil o'rganish talab etadigan murojaatlarning qonuniy yechim topishi yuzasidan mas'ullarga tegishli vazifa va topshiriqlar berildi.

©️ @nur_press

Bugungi kunda O‘zbekiston hududida:

🟣 yoshga doir eng kam pensiya miqdori – 834 ming so‘m;

🟣nogironlik pensiyalari, jumladan ish staji to‘liq bo‘lmagan chog‘dagi nogironlik pensiyasining eng kam miqdori – 920 ming so‘m;

🟣belgilangan yoshga doir eng kam pensiya miqdoridan (834 ming so‘mdan) 920 ming so‘mgacha pensiya oluvchilarning yoshga doir pensiyalari miqdori – 920 ming so‘m;

🟣 ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda – 745 ming so‘m;

🟣 boquvchisini yo‘qotganlik pensiyasi oluvchilarning bir nafar mehnatga qobiliyatsiz oila a’zosi uchun pensiyaning eng kam miqdori oyiga – 745 ming so‘m.

©️ @nur_press

Dunyoga tanitgan — milliy libosim!

Xalqimizning ming asrlik o‘tmishi, qadriyatlari va milliy madaniyatini aks ettiruvchi milliy liboslarimiz butun millatning ma’naviy qiyofasini o‘zida namoyon etadi desak, aslo mubolag‘a bo‘lmaydi.

Nurobod tumani bo'ylab milliy liboslar targ‘ibotiga bag‘ishlangan turli tadbirlar tashkil etilmoqda.

Nurobod tumani tibbiyot birlashmasi jamoasi ham ushbu chellenjda faol ishtirok etib, milliy liboslarimiz targ'ibotiga munosib hissa qo'shishdi.

©️ @nur_press