​​Ichikdim. Sogʻindim seni, shekilli,
Tongim rangi sariq, xasta kunduzim.
Ihrab quyosh chiqar, oʻqchib oy shoʻrlik,
Osima —
Sen kimning qizi!

Koʻrpaga burkansam, koʻrpa ilvirar,
Yostiqqa yopishsam, ilvirar yostiq.
Oʻy menga sigʻmaydi, uy menga sigʻmas,
bosiriq — bosiriq...

Zirillar borligim yursam, yoʻl koʻnmas,
Qoyaga tirmashsam, puchmayar qoya.
Qargʻasam, qargʻishim duoga oʻxshar,
voooya...

Ichikdim. Sogʻindim seni, shekilli,
Xoʻrligim keltirar gʻalati gina.
Nimaga odamlar shod, hurram, mamnun,
Bizlar odammasmi,
Osima?!

(c) Abduvali Qutbiddin

Kartina: "Feruzarang daryolar diyori", Natalya Chepulskaya.

🎨 ZakovArt