#SHEʼRIYAT | HAYRONMAN

O‘zimdan olamga maʼno uchirdim,
Qay biri manzilga yetdi, hayronman.
Ming yillik dardlarni boshdan kechirdim,
Oʻtmishning qay biri oʻtdi, hayronman.

Gʻam zavol boʻlmasdan, kun zavol boʻldi,
Men boqqan har nuqta oʻzga hol boʻldi,
Aqlim shoshib qolgan, tilim lol boʻldi,
Qaysi ishq qalbimga botdi, hayronman.

Ezdi, tuproq qildi bulutlar meni,
Har doim chorladi umidlar meni,
Ammo, sigʻdirolmay hududlar meni –
Qancha oy, qancha yil oʻtdi, hayronman...

✍️ Abdurrohim Karaku‌ch
📝 Tarjimon: Mahbubiy
🎙 Sardorbek Muzaraimov