NODIR | SEO & Google Ads

Tezlik uchun 250$

Kanalimni kuzatib borayotganlar biladi oxirgi postlarim asosan saytni tezligi bilan bog’liq, rostini aytsam 2018 yillarda ham saytni tezligiga o’ta muhim deb qarardim. Bitta saytimni juda tez ochiladigan qilib qo’ygandim, shuni sababidan kuniga 200-254 mingta odam kirardi. Chunki tez ishlaydigan sayt nafaqat odamlar balki google ga ham yoqadi.

Shuning uchun saytni tez ishlaydigan qilish juda muhim omillardan biri hisoblanadi, Saytni tez ishlashiga ham erishdik, keyin qadam sayt doim 100% onlayn bo’b turishi ham SEO uchun juda muhim. Qancha sayt tez tez oflayn holatga tushib borsa bu sayt reytingiga salbiy ta’sir qiladi.

Bugun yana bir investitsiyaga qo’l urdim, ya’ni oylik 250$ tarif sotib oldim, garantiyasi 100% onlayn bo’b turadi sayt, serverda nimadir muommo bo’lsa ham, saytni cache dan olib foydalanuvchiga yetkazadi bu esa saytni 100% ishlab turishiga olib keladi.

To’g’rida o’zi topgan pulni o’ziga ham sarflash kerak. Sayt qancha o’sishni davom etgan sari, texnik tomonlama mas’uliyat ham oshib boradi. Qandaydir muommo sabab sayt bir nechta soat yoki daqiqa o’chib qolishi ham moddiy ham manaviy zarar olib keladi. Bu kichik trafik saytlarda bilinmasligi mumkin lekin yuz minglab, millionlab odam kiradigan sayt uchun katta yo’qotishga olib kelishi mumkin.

Nima demoqchiman, doim o’z sohangizni seving va yangiliklarni sinab ko’rishdan qo’rqmang, o’z sohasini ustalari doim yangilikni sinab ko’rishadi va xato qilishdan qo’rqishmaydi, shuning uchun ular doim oldinda bo’lishadi.

P.s: Saytingizni SEO bilan jonlantiring!

@nodir

Rasmlarni qancha muddatga keshlash kerak?

Ko’p saytlar sekin ishlaydi, sekin ishlagan saytda ko’p odam kirmaydi, kirgan odam ham ko’p bo’lmay chiqib ketadi, buni sayt egalari ko’p holatda bilishmaydi. Negadir saytga odam kirmiyabdi deb yurishadi.

O’zimda ham shu holat bir vaqtlar bo’lgan, hozir maksimal sayt tez ishlashiga e’tibor beraman, sayt sekin ishlashiga sabablar ko’p lekin eng keng tarqali rasmlar bilan bog’liq. Ko’p adminlar rasmni boricha yuklab qo’yadi. Misol uchun bitta iphoneda olingan sifatli rasm 5-10 mb bo’lishi mumkin, bunday rasmlardan 5-10 ta bo’lsa 50-100 mb bo’ladi. Agar 100-200 rasm bo’lsachi?

Saytni har bir qismiga mos ravishda rasm hajmi bilan joylash kerak, aslida 200x200px rasm ham bo’ladigan joyga 2000px lik rasm joylab qo’yish katta xato hisoblanadi. Wordpress da ham boshqa CMS larda ham tayyor pluginlar bor, shulardan foydalanib har bir joyga o’zini hajmidagi rasmni chiqarish kerak.

Rasmlarni hajmini to’g’irlab chiqdik ham deylik, endi keyingi masala bor, ramslarni server va brovzerda keshlashni sozlab qo’yish kerak. Misol uchun, bir marta kirgan odam 1 minutdan keyin yana saytga kirsa qayta yuklashi kerak emas. Har bir foydalanuvchi o’zini brovzeriga saqlab qo’yishi kerak. Buni oddiy sozlashlar orqali bajarib qo’ysa bo’ladi. Buni kim qiladi degan savol tug’ilishi mumkin to’g’rimi? Buni sayt adminlari qilishi kerak, sayt foydalanuvchisiga bog’liq narsa emas.

Rasmlarni brovzer va serverga keshlash sababli Terabaytlab trafiklarni tejash va saytingiz raketa uchadigan qilib olishingiz mumkin. Agar saytni tezlashtirib berish kerak bo’lsa xizmatga tayyormiz.

P.s: Saytingizni SEO bilan jonlantiring!

@nodir

Kirillcha yoki lotincha?

Ko'pchilik sayt yaratgan payti, saytni asosiy tilini qaysi tilda qilishni o'ylaydi, 100 dan oshiq sayt yaratgan bo'lsam, manda doim shu savol bo'ladi.

Kelajak uchun lotinchani tanlagan yaxshi, keyin kimlar uchun sayt qilayotganingizni ya'ni sayt nima yo'nalishda ochilishiga va qanday kontentlar joylanishiga qarab til tanlagan yaxshi.

Zamin saytini 2014 yil ochganimda asosan kirillcha yangiliklar ko'p o'qilardi, oradan 10 yil o'tdi, hozir asosiy sahifa kirillcha bo'lsa ham, lekin lotincha yangiliklar ko'p o'qiladi. Buni eng ko'p ko'rilayotgan sahifalar havolasidan bilib olaman.

Nima demoqchiman, sayt qilishda to'g'ri tanlovni boshidan qilish muhim narsa, kelajak uchun lotincha qilish to'g'ri deb o'ylayman. Kirillcha borgan sari hayotimizdan sekin chiqib keta boshlaydi.

Hozir ko'p yoshlarimiz lotinchadan foydalanadi va bu yoshlar katta bo'lib borayabdi, bu albatta lotincha kontentlarga talab oshib boradi, kimga qaysi yozuv qulay bo'lsa usha kontentni o'qiydi. Yoshlarga bo'lsa lotincha qulay.

P.s: Saytingizni SEO bilan jonlantiring!

@nodir

Passiv daromad!

Hozir daromad qilish juda qiyinlashib borayotgan zamonda yashayapmiz, albatta bir sohani ustasi bo‘lsangiz muammo bo‘lmaydi ko‘p holatda, lekin mutaxassis bo‘lguncha bo‘lgan davr bor va hammada har xil imkoniyat bo‘ladi.

2017 yil mani bitta qarorim hayotimni o‘zgartirib yuborgan, 2012 yildan boshlab sayt sohasiga kirib kelganman, lekin 2017 yilgacha SEO degan tushunchani bilmaganman, eshitgan bo‘lsam ham real hayotda sinab ko‘rmaganman, lekin 2017 noyabr oylarida bir sinab ko‘raychi nima ketdi deb boshlab ko‘rganman, shu qaror hayotimni juda o‘zgartirib yuborgan. 

Shunda tushunganman, yangi bilimlarni sinab ko‘rish kerak, yangiliklarga doim ochiq bo‘lish kerak, tavakkal qilishdan va yo‘qotishdan qo‘rqish kerak emas. Shundan boshlab doim yangi narsalarni sinab ko‘rishdan qo‘rqmayman va doim xarajat bo‘lsa ham sinab ko‘raman, o‘xshasa nimadir yangilik bo‘ladi va bir qadam oldinga chiqaman, o‘xshamasa tajriba bo‘ladi va boshqa ishni qilishga o‘tama.

Albatta inson o‘z sohasidan kelib chiqib sinab ko‘rish kerak, har xil sohaga sakrab yurish shunchaki umringizni o‘tqazib yuborishga olib keladi. Bir sohani o‘rganib ko‘ring, kelajagingizni shu sohada ko‘rsiz va juda berilib ishlasangiz, albatta bir kun natija bo‘ladi faqat sabr qilib o‘qib o‘rganib tajriba oshirish kerak.

Sal mavzudan chiqib ketdik, manda shunaqa tushuncha bor, inson qiynalib pul topishi kerak emas va aql bilan ish qilib daromadini oshirishi kerak, oshirganda ham bitta manbadan daromad qilishi kerak emas, Siz ham bitta manbaga qarab qolmang, kamida 10 ta manba qilib qo‘ying, sababi bozor o‘zgaruvchan va har xil holat bo‘lishi mumkin.

Albatta 10 ta manba qilib olish oson emas, lekin qiynalib pul topish ham oson emas, yaxshi narsalarga erishishni xohlaysizmi? demak mehnatni ham shunga qarab qilish kerak, boshida oson bo‘lmasligi mumkin lekin shunga harakat qilsangiz imkon topasiz.

Manda shunaqa, iloji boricha ko‘p vaqt olmaydigan va passiv daromad kelib turadigan ishlarni yoqtiraman va shunaqa manbalarni ko‘paytirishga harakat qilaman, yoshmiz harakat qilish kerak, pulsiz erkak hech kimga kerak emas, daromadingiz yaxshi bo‘lsa har tomonlama erkin fikrlaysiz va yaqinlaringizni ko‘proq foydangiz tegadi.

Bitta manbaga qarab qolmang, bir kun shu ko‘lmak qurib qolishi mumkin, albatta reja va maqsad bilan ish qiling. Yoshlikda katta energiya bo‘ladi, yosh o‘tgan sari hozirgi energiyani topolmay qolishingiz mumkin.

P.s: Saytingizni SEO bilan jonlantiring!

@nodir

Rasm yoki matn?

Ko‘p saytlarni kuzataman, bir xil muammo bo‘ladi yaʼni nima? onlayn do‘kon saytlarida baʼzilar tovarni xususiyatlarini rasm ko‘rinishda berib qo‘yadi, bu qanchalik to‘g‘ri? Albatta SEO tomondan qaraganda to‘g‘ri deb bo‘lmaydi. Mijozlarimiz rasm bilan emas odatda matn bilan qidirishadi tovar nomlarini va xususiyatlarini va boshqa narsalarni. Misol uchun: iPhone 16 pro max 256 gb black.

Shunda nima qilishimiz kerak? vizual tushuntirish yaxshi albatta lekin matn ham albatta saytda bo‘lishi kerak. SEO tomondan bu Sizga foydali bo‘ladi. Rasm va video ko‘rinishda kontentni boyitsangiz tovar va saytga bo‘lgan ishonch oshadi va konversiya oshishiga olib keladi. Oddiy misol eʼlonlar saytida biron bir tovar qidirganingizda tovar bo‘yicha rasmi ko‘p bo‘lsa va yetarlicha maʼlumot yozilgan bo‘lsa sotuvchi bilan bog‘lanish ehtimolingiz oshadi sababi tovar haqiqiy ekanligiga va Sizga kerakli tovarligiga ishonasiz. Lekin rasmi yo‘q va tovar haqida shunchaki bu «tovar nomi» sotiladi deb qo‘ysa ko‘p ehtimol bilan tovar sahifasini ochib ham ko‘rmaysiz va boshqa sotuvchidan olasiz.

Shunday qilib tovar ko‘proq sotishni va Ko‘proq matn, rasm va video bilan sahifani boyitishga harakat qiling, shunda saytga bo‘lgan ishonch oshadi va raqobatchilaringizda bir qadam oldinda bo‘lasiz. Shu bilan birga rasm va videoni optimizatsiya qilishni unutmang. Katta hajmdagi fayllar saytni toshbaqa qilib qo‘yadi, sekin ishlaydigan sayt o‘zingizga ham yoqmasligi aniq.

Postni kimga yuborishni bilasiz...

P.s: Saytingizni SEO bilan jonlantiring!

@nodi

2️⃣0️⃣2️⃣5️⃣

Yangilik saytlari nimadan katta daromad qiladi?

Bilamiz dunyoda xar xil noxush xabarlar bo‘lib turadi, misol uchun 25 dekabr kungi samolyot qulashi va qurbonlar bo‘lgani va O‘zbekiston sharoitida futbolchimiz Abduqodir Husanov, Eldor Shomurodov, Abbosbek Fayzullayev va boshqa xalqimizga qiziq bo‘lib turgan mavzular.

Internetda qancha hayp bo‘lsa va odamlar orasida keng tarqalsa, saytlarga shuncha ko‘p trafik bo‘ladi, qancha ko‘p trafik bo‘lsa sayt daromadi oshadi, sababi saytlar asosan reklamadan daromad ko‘radi. Shuning uchun OAV lar sal bir narsani uchini sezib qolsa ham ommaga shunaqa bo‘lishi mumkin bo‘lgan xabarlarni ham saytga chiqaradi, Bitta saytni ishlab turishi uchun yaxshigina mablag‘ talab qilinadi, shunchaki sayt ochib qo‘yishni o‘zi yetarli emas.

Shuning uchun yangilik saytlarida tasdiqlanmagan xabarlar ham chiqib turadi, sababi odamlarga shu mavzu qiziq va bilishga bo‘lgan xohish kuchli bo‘ladi, har qanday shu mavzuga oid xabarlarni o‘tqazib yuborishni xohlamaydi. Bundan asosan sayt egalari foyda ko‘radi. 

Bilasizlar yuqoridagi postlarimda serverda muammo bo‘lib qotib sayt ishlamay qolgan holat bo‘yicha yozib turdim, hozir statistikani ko‘rib vaziyatni tushundim, shu qotgan kun rekordlar darajada odam kirishlar bo‘lgan. 1 kunda googleni o‘zidan 150 mingga yaqin odam kirgan. 

Bir tomondan xursand bo‘ladi odam, daromad ham oshgan lekin stabil sayt ishlab turolmadi, juda ko‘p so‘rovlar bir vaqtni o‘zida bo‘lganligi sabab, daromadga va sayt ishlashiga salbiy taʼsir qildi. Agar yangilik sayt ochmoqchi bo‘lsangiz va ko‘proq trafik kelishi mumkin bo‘lgan postlar joylab tursangiz, serverni zo‘rini qo‘ying, oddiy oylik 10 ming so‘mlik hosting bo‘lmasin. Saytga odam ko‘paygan sari kuchliroq serverga o‘tib boring.

Keyingi postda qanday qilib AI orqali ishchi kuchini 2X kamaytirganim haqida bo‘ladi. O‘tqazib yubormang SEO qismi ham bo‘ladi.

P.s: Saytingizni SEO bilan jonlantiring!

@nodir

Yana o'sha muommo

Saytga kuniga 50 mingdan oshiq odam kira boshlagandan keyin serverda muommolar chiqa boshladi, sababi bir vaqtni o'zida so'rovlar oshib ketganligi sabab, vazifalarni bajarishga serverni kuchi yetmay qoldi.

Saytni cache yoqib sozlab qo'yganman, shunda ham so'rovlar ko'plik qilib va bir vaqtni o'zida 1000 ga yaqin odam kirishni boshlaganda serverni kuchi yetmay qoldi.

Shu bahonada cache qilishni boshqa texnologiyaga o'tqazib oldim, hozircha juda zo'r ishlavoti, muommolar bo'lmadi. Sayt ham juda tez ishlavoti. Ko'pchilikga qiziq bo'lishi mumkin, oldin fayl bilan cache qilardim, hozir RAM bilan cache qilishni sozlab qo'ydim. Memcache dan foydalandim, Siz ham sinab ko'ring, agar hosting ishlatsangiz bu imkoniyat bo'lmasligi mumkin, tekshirib ko'ring.

Hayotimiz ham shunaqa, bir vaqtni o'zida muommolar, sinovlar kela boshlagach, nima qilishni bilmay boshimiz qotib qoladi, yechim qidirib qilmagan ishimiz qolmaydi. Aslida ko'pincha muommolar tajribasizlik va ilmsizlikdan kelib chiqadi.

Sayt qotib qolmasligi uchun yangi texnologiyalardan foydalanish kerak va serverni yaxshisidan qo'yish kerak, inson shunaqa hokatga tushmasligi uchun huddi shunday ilmni va tajribani oshirishib borish kerak, bitta qoida imkon doim topiladi, fikrlash kerak.

Yangi texnologiyalarni o'rganing, yangiliklarni sinab ko'rishdan qo'rqmang, har bir urunib ko'rish tajribangizni oshiradi.

P.s: Saytingizni SEO bilan jonlantiring!

@nodir

Bugun harakat qiling— Ertaga shartlarni Siz qo’yasiz!

Bir paytlar reklama agentliklari bilan ishlashga urinib, ko’p marta rad javobini olganmiz. Saytimiz kam tanilgan, narxlar esa juda arzon edi — 100 ming so‘mga post qo‘yib berardik. Bugungi kunda esa shartlarni biz qo’yamiz, hozir taklifni ular berishadi.

Hozir sizni rad etayotganlar bir kun kelib o‘zlari yordam so‘rab chiqishadi. Muhimi, to‘xtamaslik. Harakatni davom ettiring, natija ko‘rinishni boshlaganda barchasi o‘zgaradi.

Hozir saytga ming minglab odam kiradi, o’qilishlar soni ham yaxshi raqamlarda, hozir o’xshamayotgan bo’sa, bir kun o’xshaydi faqat to’xtamang. Hozir reklamaga bo’lgan munosabat o’zgargan, oldin reklama beruvchilar kam edi, hozir reklamasiz biznesni tasavvur qilib bo’lmaydi.

Bir sohani tanlang va o‘sha yo‘nalishda eng yaxshisi bo‘ling. Sizning muvaffaqiyatingiz boshqalarning sizga bo‘lgan munosabatini o‘zgartiradi. Bugun mehnat qiling, ertaga shartlarni siz belgilaysiz!

Gazini bosing…

P.s: Saytingizni SEO bilan jonlantiring!

@nodir

5 yil oldin mani qiynagan muammo

Bundan 5 yil oldin, ko’p g’oyalar va loyihalar boshimni og’ritardi. Sababi? Bu sohada edi imkoniyatlarim va moliyaviy resurslarim borligi uchun ko’p narsalarni sinab ko’rgim kelardi. Lekin qaysi birini tanlashni bilmasdim. Hammasi «zo’r bo’b ketadigan"dek ko’rinardi.

Keyin o’ylab qoldim: inson bir sohada ko’karishi kerak! Har xil loyihalarni bir vaqtda boshlab, diqqatni bo’lish natijasida haqiqiy mahoratni qo’lga kirita olmaysiz. Bu xuddi o’rdak bo’lishga o’xshaydi: na yaxshi ucha olasiz, na suzasiz, na quruqlikda tez yura olasiz. Har joydan oz-oz bilasiz, ammo mukammal emas.

O’zimga shunday qaror qildim: bitta sohaga chuqur kirib boraman va o’sha yo’nalishda haqiqiy ekspert bo’laman. Faqat shunda yuqori natijalarga erishish mumkinligini angladim.

Siz ham bir yo’nalishni tanlang va usha sohaning yetakchisi bo’lishga harakat qiling! Fikrlaringiz bir joyga yig’ing va hozir qayerdasiz? nima ishlar bilan band bo’lib yuribsiz? Balki umuman fokusdan chiqib ketgandursiz.

P.s: Saytingizni SEO bilan jonlantiring!

@nodir

Saytingizga trafik ko’paytirishni 5 ta usuli

Onlayn biznesingizni rivojlantirish uchun veb-saytingizga tashrif buyuruvchilar sonini oshirish muhim ahamiyatga ega. Quyida shu bo’yicha 5 ta usullar keltirilgan.

1️⃣ Saytda blog yaratish orqali trafikni oshirish
Blog – foydali kontentni muntazam nashr etish orqali organik trafikni oshirish vositasi. Bu foydalanuvchilarning axborotga bo’lgan ehtiyojlarini qondirishga yordam beradi va saytingizni qidiruv tizimlarida yuqori o’rinlarga olib chiqadi.

2️⃣ Subdomenlarni joriy etish
Muayyan maqsadlar, auditoriya yoki hududlar uchun maxsus subdomenlar yaratish orqali saytning qidiruv tizimlaridagi ko’rinishini yaxshilash va yangi foydalanuvchilarni jalb qilish mumkin.

3️⃣ Ijtimoiy tarmoqlarda faoliyatni kuchaytirish
Ijtimoiy tarmoqlarda faol ishtirok etish, foydali va qiziqarli kontentni ulashish orqali brendingizni keng auditoriyaga tanitish va saytingizga qo’shimcha trafik jalb qilish mumkin.

4️⃣ SEO optimallashtirishni amalga oshirish
Saytning qidiruv tizimlariga moslashuvi, to’g’ri kalit so’zlardan foydalanish va sifatli kontent yaratish orqali organik trafikni oshirish mumkin.

5️⃣ Reklama kampaniyalarini o’tkazish
Kontekstli reklama, bannerlar yoki ijtimoiy tarmoqlardagi reklama kampaniyalari orqali saytingizga maqsadli auditoriyani jalb qilish va trafikni oshirish mumkin.

Ushbu usullarni qo’llash orqali veb-saytingizga tashrif buyuruvchilar sonini oshirishingiz va onlayn biznesingizni rivojlantirishingiz mumkin.

Ps: Saytingizni SEO bilan jonlantiring!

@nodir

18+ saytlar nega .UZ domenida yo‘q?

Yangiliklar saytini yuritganim uchun, elektron pochtaga ogohlantirishlar kelib turardi, Ogohlantirish shundaki nojo‘ya saytlar, qimorga oid saytlar o‘zini saytini saytdagi profiliga yoki xabarlardagi izohlarga yozib ketish holatlari ko‘p bo‘lardi.

SEO dan xabarim bo‘lgani uchun ko‘p nojo‘ya saytlar nima uchun bunaqa qilishini bilaman. Shu sabab ogohlantirish kelib turardi, shu sahifada shu mazmunda maʼlumot bor, olib tashlang yoki domenni bloklab qo‘yamiz degan maʼnoda. 

Nima demoqchiman, .UZ domeni doim tekshirilib turadi, shunchaki xohlagan mavzuda sayt qilib ketolmaysiz, qonun doirasida ishlash talab qilinadi. .UZ domeni toza ishlash uchun yaxshi, qing‘ir yo‘llarga to‘g‘ri kelmaydi.

2 kun oldin, 5 taga yaqin domenlarni ro‘yxatga olmoqchi edim, pulini to‘ladim, negadir bittasi ro‘yxatdan o‘tmadi, telefon qilishdi nega bu domenni olyapsiz? nima maqsadda ishlatasiz deb, nima maqsadda ishlatishimni tushuntirganimdan keyin ro‘yxatdan o‘tqazib berishdi. Tushunyapsizmi? hozirgi kunda aldovlar ko‘payib ketganligi uchun, dunyoda mashhur bo‘lgan domenlarga yaqin .uz variantini olishda tekshirib ko‘rishyabdi. Bu juda zo‘r xavfsizlik uchun eʼtiborsiz emas.

Maʼlumot uchun, shuning uchun .UZ domenda 18+ saytlar, azart o‘yinlarni saytlari yo‘q, kontentda ham ishtirok etsa ogohlantirish keladi. Shu tomoni juda yaxshi, nazorat qilib turishadi, bo‘lmasa bormi nimalar bo‘lib ketardi. 

TV da ham shunaqa nazorat bo‘lganda, kinolarimizni oilaviy tomosha qilib o‘tiradigan bo‘lardik. Afsuski unaqa emas.

P.s: Saytingizni SEO bilan jonlantiring!

@nodir

Sayt yaratishda asosiy xatolik: Texnologiya tanlashda adashmang!

Sayt yaratishda eng muhim qismlaridan biri, qaysi texnologiyada saytni qilish kerak? SEO bo‘yicha 7 yildan beri ishlab kelaman va mijozlarimda bo‘ladigan katta xatoliklardan biri to‘g‘ri texnologiyada sayt qildirmagani, to‘g‘ri ularda ham ayb emas, sababi tushunmaydi, sayt bo‘lsa bo‘ldi deb sayt yaratib qo‘yishgan.

Sayt nima maqsadda ochmoqchisiz shuni oldin aniqlab oling, ertaga ko‘proq trafik jalb qilish niyat bo‘lsa va blog joylab borish niyat bo‘lsa Tilda va kodda sayt qildirmang, Tildada sahifalar soniga qarab oylik to‘lov o‘zgarib boradi va har bir blog static qilib sahifa yaratib qo‘shib boriladi, kodda bo‘lsa har bir funksiya qo‘shimcha ish va ortiqcha mablag‘ talab qiladi, boshqa birovni kodiga boshqa dasturchi ishlagisi kelmaydi va boshqatdan sayt qilish yaxshi variant deb aytishi mumkin. Kodga tushunadigan mutaxassis topish ham muommo bo‘lishi mumkin. Topgan taqdiringizda ham qimmatga tushasiz. 

Bir martalik loyihalar, kichik sayt bo‘lsa bo‘ldi deydigan loyihalar uchun tilda bo‘ladi, Tilda zapuskchilar uchun ideal variant. Murakkab saytlar uchun kodda yozgan yaxshi, misol uchun portallar, katta internet do‘konlar va shunga o‘xshab murakkab funksiyali loyihalar uchun kodda yozish to‘g‘ri bo‘lishi mumkin, shunda ham SEO mutaxassis bilan maslahatlashgan holda qilinsa ertaga shuncha xarajat qilib sayt qildik nega odam kirmiyabdi deb vaqtingizni va mablag‘ingizni havoga uchirmaysiz.

Nega deysizmi ko‘p dasturchilar SEO dan xabari bo‘lmaydi, aslida xabari bo‘lmasligi tabiiy hol, chunki mutaxassisligi kod yozish. Tajribamdan kelib chiqib aytishim mumkin, O‘zimizda kodda yozilgan saytlarda umuman SEO uchun moslashtirilmagan va visual ishlaydigan qilib berishadi dasturchilar. Bu keyinchalik buyurtmachiga boshidan struktura noto‘g‘ri tanlanganligi sababli qimmatga tushadi.

Kichikroq va o‘rta loyihalar uchun wordpress yaxshi variant, faqat hosting va domenga pul to‘laysiz, cheksiz sahifalar yaratish mumkin, muhimi bepul. 2024 yil statistikasiga ko'ra dunyo bo'yicha 43-45% saytlar wordpressda ochilgan va CMS bozori bo'yicha 60% wordpressga to'g'ri keladi.

Xohlagan paytingizni SEO mutaxassis yollashingiz mumkin, Wordpress SEO bo‘yicha barcha standartlarga to‘g‘i keladi. Hostingga o‘rnatish ham oson. Ertaga loyihani optimizatsiya qilish niyatingiz bo‘lsa ham mutaxassis topish murakkab emas va qimmatga ishlashmaydi. Kompaniya saytlari, kichik internet magazinlar, blog saytlar va shunga o‘xshash loyihalar uchun ideal tanlov. O‘zimga ham maslahat so‘rab yozsangiz to‘g‘ri tanlov qilishingizga yordam berib yuboraman.

Dunyodagi barcha saytlar bo'yicha kichik statisika:

WordPress: 43-45%
Wix: 2-3%
Shopify: 4-5%
Tilda: 0.1-0.3%

Bu postni nimada sayt yaratamiz yoki sayt yaratish rejasi bor odamlarga yetkazib qo‘ying, ertaga 2-3X ortiqcha to‘lov qilishmasin.

P.s: Saytingizni SEO bilan jonlantiring.

@nodir

Endi premium domenlar auksionda sotiladi

Uzex premium domenlar va egasiz qolib ketgan domenlarni auksion orqali sotishni yo’lga qo’yibdi. Bu yaxshimi? albatta yaxshi lekin narxlar ko’tarilib ketadi.

Chiroyli domenlar va oldin ishlagan domenlar SEO tomondan qaraganda qiymati baland hisoblanadi. Yangi domen olib ishlatgandan ko’ra, eski ishlab turgan domenni olib ishlatish vaqt va mablag’ tomondan yaxshi baholanadi.

Endi domenlarni ham auksiondan sotib olib ishlatishimiz mumkin, hozircha domenlar soni juda kam, endi to’ldirib borilsa kerak.

P.s: Saytingizni SEO bilan jonlantiring!

@nodir