“Masdar”: shamol parraklari hududga qushlar kirib kelishida xavf yuzaga kelmasligi uchun avtomatik tarzda to‘xtaydi

Navoiy viloyatining Tomdi tumanida qurilayotgan 500 MVt quvvatli shamol elektr stansiyasi parraklari hududga burgut va kalxat kabi qushlar kirib kelishida ularga xavf tug‘dirmaslik uchun avtomatik ravishda to‘xtaydi.

Bundan maqsad — qushlarga zarar yetkazmaslik va shu orqali ham ekologiyani asrashga hissa qo‘shish hisoblanadi.

BAAning “Masdar” kompaniyasi sun’iy intellekt orqali o‘zining shamol turbinalariga o‘rnatilgan datchiklari yordamida burgut va kalxat kabi qushlarning shamol parragiga urilib halok bo‘lishining oldini olishda avtomat tarzda o‘z ish faoliyatini to‘xtatib turuvchi tizim ustida ishlayotgani haqida film tayyorladi.

Ma’lumot uchun: yurtimizda barpo etilayotgan barcha shamol elektr stansiyalarida ushbu tizim o‘rnatilyapti va ular mana shu tizim asosida ishlaydi.

Telegram | Facebook | Instagram | Youtube