QO'SHNIMGA YOR BO‘LIB KELDI

Armon bilan uzoqlardan menga boqib,
To‘yi kuni ko‘zlaridan yoshi oqib.
Yuragimni hijronlarda yoqib yoqib,
Sevgan qizim qo'shnimga yor bo‘lib keldi.

Yupatmangiz to‘yib olay yig‘lab ona,
Bevafo yor alamidan yona yona.
O‘rtamizda bitta devor bitta xona,
Sevgan qizim qo'shnimga yor bo‘lib keldi.

Nima deyin ko‘nglimning zor nolasiga,
Kim qiz berar kambagʻalning bolasiga.
Yor yor aytib uzatdilar holasiga,
Sevgan qizim qo'shnimga yor bo‘lib keldi.

Hayotimda qayg‘uyimda shodimda u,
Hayolimdan ketmas sira yodimda u.
Qo‘shiq aytsam oxangida dodimda u,
Sevgan qizim qo'shnimga yor bo‘lib keldi.

G‘urur qo‘ymas ko‘ksimga musht urolmayman,
Sevgidan so‘z ketsa chidab turolmayman.
Yurak og‘rir o‘z ko‘chamdan yurolmayman,
Sevgan qizim qo'shnimga yor bo‘lib keldi.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟