Muhandislik-texnologiya fakulteti talabalari Vatanparvarlik muzeyida: Tarix va g'urur saboqlari
Muhandislik-texnologiya fakulteti talabalari 2025-yilning 31-yanvar kuni, Yangi O'zbekiston bog'ida tashkil etilgan Vatanparvarlik muzeyiga sayohat qilishdi. Bu sayohatning asosiy maqsadi, talabalarimizni o‘z milliy tariximiz va yurtimizning buyuk shaxslarini tanishtirish, ularga vatanparvarlik tuyg‘usini oshirishdir.
Muzeyda o‘tgan ko‘rgazmalar va ekspozitsiyalar orqali talabalarimiz o‘zbek xalqining buyuk ajdodlari, ularning yurt himoyasidagi xizmatlari va mustaqillik yo‘lida ko‘rsatgan qat’iyatliligi haqida chuqur tasavvurga ega bo‘ldilar.
Sayohat davomida, talabalar muzeydagi turli tarixiy eksponatlar, qahramonlarning fotosuratlari, harbiy kiyimlar va boshqa milliy merosni ko‘rishdi. Har bir eksponatning o‘ziga xos tarixi va ma’nosi borligi, yoshlarni tarixga nisbatan chuqur hurmat hissini uyg‘otdi. Shuningdek, muzeyda o‘tkazilgan ekskursiya davomida tajribali gid tomonidan o‘zbek xalqining mustaqillik kurashi va unga erishish yo‘lidagi qahramonliklari haqida batafsil ma’lumotlar berildi.
Talabalar o‘zlarining ushbu sayohatni juda foydali deb hisoblashdi, chunki bu sayohat nafaqat ularga tarixni o‘rganish imkonini berdi, balki ular uchun vatanparvarlik, milliy g‘urur va o‘z yurtlariga nisbatan mas’uliyatni anglashga ham yordam berdi. Sayohat yakunida talabalar o‘z fikrlarini ifoda etib, bu kabi ekskursiyalarni kelgusida ko‘proq tashkil etish zarurligini ta’kidlashdi.
Bunday sayohatlar yoshlarni nafaqat ilmiy jihatdan, balki ma’naviy va axloqiy jihatdan ham shakllantiradi. Vatanparvarlik muzeylari, albatta, talabalarimizni milliy qadriyatlarimizga hurmat ko‘rsatish va o‘z yurtimizga muhabbatni yanada oshirishga undaydi.
©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube