NamMTIda "Yangi yil shou" dasturi bo‘lib o‘tdi!
Namangan muhandislik-texnologiya institutida talaba va professor-o‘qituvchilar uchun quvonchli va unutilmas tadbir – "Yangi yil shou" dasturi bo‘lib o‘tdi. Tadbirni institut birinchi prorektori va rektor maslahatchisi tabrik so‘zlari bilan ochib, yig‘ilganlarga samimiy tilaklar va yangi yil kayfiyatini ulashdilar.
Shou dasturda talabalar o‘zlarining iste’dod va ijodlarini namoyish etishdi. QVZ jamoalarining kulgili sahna ko‘rinishlari, turli parodiyalar va musiqiy chiqishlar zalni yanada qizitdi. Talabalarning mahorat bilan ijro etgan chiqishlari mehmonlarda iliq taassurot qoldirib, bayramona kayfiyat ulashdi.
Tadbir, nafaqat, ko‘ngilochar dastur, balki institut jamoasining birdamligi va ijodkorligini namoyon etuvchi unutilmas voqea bo‘ldi. Kelayotgan 2025-yil barcha uchun omadli, baxtli va muvaffaqiyatlarga to‘la bo‘lishini tilaymiz! Yangi yil muborak!
©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube