“Konstitutsiya-erkin va farovon hayotimiz garovi” shiori ostida Namanganda bayram tadbirlari oʻtkazilmoqda.
Bugun viloyat teatri binosida boʻlib oʻtgan tantanali tadbir ham aynan bosh Qomusimiz qabul qilinganligining 32 yilligiga bagʻishlandi. Tadbir teatr oldidagi hiyobonda tashkil etilgan “Konstitutsiya sayli” bilan boshlandi.
Namangan viloyati hokimi, Oʻzbekiston Respublikasi Oliy Majlisi senati aʼzosi Shavkatjon Abdurazzoqov barchani qutlugʻ sana bilan tabriklab, yangilangan Konstitutsiyaga kiritilgan oʻzgartish va qoʻshimchalar avvalo “inson qadri uchun” degan tamoyilga asoslanganligi bilan avvalgi muhim ijtimoiy-siyosiy ahamiyat kasb etishini taʼkidladi.
Tantanali marosimda soʻzga chiqqanlar yangilangan Konstitutsiyamizning mazmun-mohiyatiga batafsil toʻxtaldilar.
Shundan soʻng viloyat musiqali drama teatri jamoasi hamda viloyat sanʼat ustalari ijrosida katta konsert dasturi namoyish etildi. Mazkur tadbirda Namangan muhandislik-texnologiya instituti professor-o'qituvchilari hamda talabalari faol ishtirok etdilar.
©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube