⚡️NamMTI rahbariyatiga biriktirilgan yoshlar bilan ishlash tizimi yangi bosqichga ko'tarilmoqda

Xabaringiz bor, Namangan muhandislik-texnologiya instituti rahbariyatiga biriktirilgan viloyatimiz mahallalaridagi 49 nafar yoshlarning muammolarini oʻrganish va ularni hal etish boʻyicha ham institutda tizimli ishlar olib borilib, bu borada viloyat hududlaridagi yoshlarning taʼlim va tarbiyasiga koʻmaklashish, ularni boʻsh vaqtini mazmunli tashkil etishga ham alohida eʼtibor berilmoqda.

Bugun institut rektori, professor Odiljon Mamatkarimov boshchiligidagi ishchi guruhi a'zolari Namangan shahridagi "Ozod" mahallasida bo'lib, bir guruh mahalla yoshlari bilan uyma-uy yurib suhbatlar tashkil etishdi. Unda yoshlarning muammolari, taklif va tashabbuslariga quloq tutildi. Mazkur muammolarni ijobiy hal etish bo'yicha aniq manzillar va yo'l xaritalari belgilab olindi.

Ma'lumot uchun, NamMTI rahbariyatiga Namangan shahridagi "Ozod" mahallasidan 12 nafar yosh biriktirilgan bo'lib, ularning muammolarini ijobiy hal etish bo'yicha ham amaliy ishlar davom ettirilmoqda.

©️Namangan muhandislik-texnologiya instituti Axborot xizmati