Muhaddis.uz | Расмий канал

#mutolaa
🌙 Ғафлатда қолманг! Бароат кечаси яқинлашмоқда...

Ғафлатда қолманг! Бароат кечаси: ризқлар тақсимланади, қисматлар белгиланади, гуноҳлар мағфират этилади
 

Эслатма! Бу йилги бароат кечаси 13 февраль пайшанба кунидан 14 февраль жумага ўтар кечасига тўғри келмоқда, иншаАЛЛОҲ.

 

✅ Бароат сўзи қандай маънони англатади?
“Бароат” сўзи араб тилида “озод бўлиш”, “нажот топиш” деган маъноларни англатади. Бу кечанинг бундай номланишига сабаб, унда Аллоҳ таолонинг раҳмати ва фазли ила беҳисоб инсонлар дўзахдан нажот топадилар.
 
❔Бароат кечаси қандай кеча?
Онамиз Оиша розияллоҳу анҳо айтадилар: Расулуллоҳ соллаллоҳу алайҳи васаллам мендан: “Эй Оиша бу кеча қандай кеча эканини биласизми?” деб сўрадилар. Мен: “Аллоҳ ва Унинг Расули билувчироқ”, дедим. Расулуллоҳ соллаллоҳу алайҳи васаллам: “Бу шаъбоннинг ўн бешинчи кечасидир. Аллоҳ азза ва жалла бу кеча бандаларига раҳмат назари билан қарайди ва мағфират сўровчиларни мағфират этади, раҳм сўровчиларга раҳм қилади, дилларида мусулмонларга нисбатан гина, адоват сақловчи кишиларни қандай бўлса, шундай ҳолатда қўйиб қўяди”, дедилар (Имом Байҳақий ривояти).
 
⏺Бароат кечасида нималар содир бўлади?
Оиша розияллоҳу анҳодан ривоят қилинади: Набий соллаллоҳу алайҳи васаллам: “Бу кечада (шаъбоннинг ўн бешинчи кечасида) нималар бўлишини биласизми?” дедилар.

Оиша розияллоҳу анҳо: “Ё Аллоҳнинг Расули, бу кечада нималар бўлади?” дедилар.
У зот алайҳиссалом: “У кечада Одам болаларининг бу йилда туғиладиганлари ва бу йилда вафот этадиганлари ёзилади ва у кечада уларнинг амаллари кўтарилиб, ризқлари нозил бўлади”, дедилар (Имом Байҳақий ривояти)...

📚БАТАФСИЛ

✅ MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

📢 Алишер Навоий ва Заҳириддин Муҳаммад Бобур таваллуд кунлари муносабати билан тадбир бўлиб ўтди

🗣 Имом Бухорий халқаро илмий тадқиқот маркази ходимлари ва Ҳадис илми мактаби устоз-талабалари иштирокида буюк алломаларимизнинг таваллуд кунларига бағишланган тадбир бўлиб ўтди.

🎙 Тадбирни марказ директори Ш.Зиёдов ва профессор Б.Тўраев кириш сўзи билан очиб беришди. Шунингдек, тадбирда марказ ходимлари ва устозлар буюк алломаларимиз мероси ҳақида маърузалар қилишди.

✅ Ҳадис илми мактаби ўқитувчиси, Мисрдаги Ал-Азҳар университети доктори Маҳмуд Ҳасан Мирзо Алишер Навоийнинг ғазалларидан бир парчасини ўқиб, тадбирга янада руҳий кайфият бағишладилар.

⏺ Тадбир илмий-маърифий руҳда ўтиб, иштирокчиларга улкан таассурот қолдирди.

Telegram | Facebook | Instagram | Twitter | Tiktok | YouTube

🗣Кутубхонамизда янги китоблар

✍️ Ҳадис илми мактабининг ахборот-ресурс маркази саховатпеша ҳомийлар томонидан ҳадя қилинган китоблар ҳисобидан янада бойиб бормоқда. Жумладан, яқин кунларда кутубхонага 147 та янги китоб олиб келинди.

📚Улар орасида "Файзул-Фурқон (Қуръони Карим маъноларининг изоҳли таржимаси)", "Қуръони Карим қиссалари ва комил инсон тарбияси", "Саҳиҳи Бухорий шарҳи 4-жилд", "Убайдуллоҳ ибн Масъуд садруш шариъа ва унинг “Шарҳул Виқоя” асари (таҳорат китоби)", "Биррул Валидайн (ота-онага яхшилик қилиш)", "Диний соҳа ходимларининг касб этикаси" каби турли мавзуларни қамраган китоблар мактабга эҳсон қилинди.

Шунингдек, Ҳадис илми мактаби ходими Фозил Тиловатовнинг муаллифлигида ва таржимаси билан нашр қилинган "Ҳорун Ар-Рашиднинг сўнги васияти", "Ҳелло Америка", "Салоҳиддин саҳро бургути", "Онамнинг дуоси", "Қорқизларнинг қотиллиги" каби китоблар ҳам шу ходим томонидан мактабга ҳадя қилинди.
Шу муносабат билан талабалар иштирокида кутубхонада мазкур китоблар кўргазмаси ўтказилди. Тадбирда ҳар бир китоб ҳақида маълумотлар берилди ва уларнинг мазмунан муҳимлиги хусусида сўз юритилди. Бу тадбир талабаларнинг илмий қизиқишини янада кучайтиришга ва уларнинг маънавий тараққиётига ҳисса қўшишга хизмат қилди.

#Янгилик #Кутубхона #Янги_Китоблар

Telegram | Facebook | Instagram | Twitter | Tiktok | YouTube

#maqola

Намозга киришаётганда қўллар қаергача кўтарилади? (Сунани Абу Довуд асосида)

Ҳанафий мазҳабимизда намозга киришда қўл қулоқ баробарида кўтарилади. Бизнинг ҳанафий уламоларимиз бунга кўплаб ҳадисларни ҳужжат қилиб келтиришади. Жумладан, Абу Довуд Сунанида келтиради:
“Баро ибн Озиб розияллоҳу анҳудан ривоят қилинади: «Расулуллоҳ соллоллоҳу алайҳи васаллам намозга кириш учун такбир айтсалар қўлларини то қулоқларининг юмшоғига яқин бўлгунча кўтарардилар». Абдурраззоқ, Ҳумайдий, Имом Аҳмад, Бухорий ва Дорақутнийлар ҳам шунга ўхшаш ривоят қилишган.
Воил ибн Ҳужр розияллоҳу анҳудан ривоят қилинади: «Расулуллоҳ соллаллоҳу алайҳи васаллам намозга кирганларида қўлларини қулоқ баробарида кўтарганликларини кўрдим». Бир муддатдан сўнг уларнинг(саҳобаларнинг) ҳузурига келдим. Намозга киришишда устларида бурнус ва кийимлари бўлган ҳолда қўлларини кўксилари баробарида кўтаришарди”.
Изоҳ: Бурнус – пахтадан бўлган узун либос.

👉 давоми

Жавоҳир Исомиддинов, ҲИМ талабаси

t.me/muhaddisuz

#hadis_sharhi
🗣 Каъб ибн Молик ал-Ансорий розияллоҳу анҳу ривоят қилади: Расулуллоҳ соллаллоҳу алайҳи васаллам дедилар: "Қўйлар ичига қўйиб юборилган икки оч бўри етказган зарар, бир инсоннинг мол-дунё ва обрў-эътиборга ҳирс қўйиши динига етказган зарарчалик катта бўлмайди" (Термизий ва Аҳмад ривоят қилган).

✍️ Ҳадис шарҳи:
Набий соллаллоҳу алайҳи васаллам ўз умматига ҳақиқатни тушунтириш, уларга таълим бериш учун гўзал усул билан мисоллар келтирар эдилар. Ушбу ҳадисда ҳам Набий соллаллоҳу алайҳи васалам бир мисол келтирдилар. Бу орқали инсоннинг мол-дунё ва обрў-эътиборга бўлган ҳаддан ташқари ҳирс қўйишидан келиб чиқадиган зарарнинг кўламини баён қилганлар.
У зот соллаллоҳу алайҳи васалам дейдилар: "Қўйиб юборилган икки оч бўри", яъни улар очликдан қийналгани учун эркин қўйиб юборилса, "қўйлар орасига", яъни подага кириб қолса, унда бўриларнинг ҳужуми туфайли қўйлардан фақат жуда оз қисми омон қолади, аксарияти ҳалок бўлади. "Етказган зарарчалик катта бўлмайди", яъни бу зарар бўрилар қўйларга етказадиган зарардан кам эмас, балки унга тенг ёки ундан ҳам кўпроқ бўлиши мумкин.
"Бир инсоннинг мол-дунё ва обрў-эътиборга ҳирс қўйиши динига етказган зарари" яъни инсоннинг мол-дунё ва обрў-эътибор излашга бўлган ҳаддан ташқари ҳирсининг динига етказадиган зарари, оч бўрилар қўйларга етказадиган зарардан ҳам каттароқдир. Чунки мол-дунё ҳирсига берилган киши уни қандай йўл билан топаётганига бепарво бўлиб қолади, ҳалол-ҳаромга ҳам аҳамият бермайди.
Шунингдек, мол-дунёга ҳирс қўйиш машҳурлик ва хўжакўрсинни мақсад қилган кишини шон-шарафга ташна қилиб қўяди. Ёки уни мансаб, обрў-эътиборни исташига олиб келади.
Ушбу ҳадисда мол-дунё ва обрў-эътиборга ҳаддан ташқари ҳирс қўйишдан қаттиқ огоҳлантириш бор. Чунки бу нарса инсоннинг динини барбод қилади.
Ҳадис бизга мол-дунё ва шуҳрат орқасидан қувиш динни қандай хавф остига қўйишини кўрсатади. Инсон бундай синовлардан сақланиши учун қаноатли бўлиши, ҳаромдан тийилиши ва обрў исташни эмас, балки Аллоҳнинг розилигини мақсад қилиши лозим.

Юнус Хўжамов, ҲИМ талабаси
Telegram | Facebook | Instagram | Twitter | Tiktok | YouTube

#Марғилон_алломалари

🌙 ҚАБРНИНГ КЎЧИРИЛИШИ

Хонақоҳий Ҳазрат Домланинг вафотларидан кейинги кароматлар қаторига қабрларининг кўчирилиши воқеасини ҳам келтириш жоиз.
Маълумки, 1928 йилда Марғилоннинг ипакчилар шаҳарчасида фаолият кўрсатаётган пиллакашлик цехи ипак камбинатига айлантирилади. Шу муносабат билан шаҳар марказидан унга олиб борадиган йўл қурилиш лойиҳаси режалаштирилади. Режа бўйича йўл Ҳазрат Домла ва бошқа кўлаб улуғ кишилар дафн қилинган қабристон устидан ҳам кесиб ўтиши керак эди.
Бундан хабар топган шаҳар уламолари ташвишга тушадилар. Чунки бу ерда нафақар Ҳазрат домла, балки икки буюк зот – Абдул Карим ҳазрат ва Мавлоно Калон ҳазрат қабрлари ҳам бор эди. Уларнинг безовта қилишнинг оқибати ёмон бўлиши мумкин эди. Буни олдини олиш учун улар қабрини кўчирмоқчи бўладилар. Бу ишга ҳожи Каримжон домла бош бўладилар.
Мазкур жараёнда бевосита иштирок этган ҳожи домланинг набиралари Рашидхон ота шундай хотирлайдилар: “ўшанда ҳазрат домла билан бу ердаги икки улуғ зот ҳам кўчириладиган бўлди. Вақт нозик бўлгани учун буни хеч кимга билдирлмади. Бу ишни кечаси қилинадиган бўлди. Бобом суякларни солиш учун бувимга айтиб, учта бўз халта тиктирдилар.
Кечанинг ярмига борганда бобом, Зайнобиддим Махдум, Охунжон қори ва Миряҳё қори домла тўртовлари қабристонга чиқишди. Улар орасида Ҳазрат домланинг асакалик шогирдлари Жума қори ҳам хозир эди. Ёз кечаси бўлгани учун осмон очиқ, юлдузлар кўп эди. Маслаҳатлашиб, аввал Катта Ҳазрат қабрини очдилар. Бу ерда бир даҳма бўлиб, унда Ҳазрат домланинг устозлари Халифа бува (Катта ҳазрат) нинг қабри жойлашган эди. Бу ер хозирги банк биноси ёнидаги мажнунтолнинг ўрни.
Сўнгакларни олиб, оҳисталик билан халтага жойладилар. Сўнга Калон ҳазра қабри очилиб халтаг жойланди. Навбат Ҳазрат домлага келди. Қабр очилди. Не кўз билан кўрилцинки, ҳазратнинг таналари қандай қўйилган бўлса ўшандай чиримаган ҳолда эди. Фақат кафанлар чириган эди. Барчалари ҳайратдан йиғлаб юбордилар. Сўнг вақтни ўтказмай у зотни оҳисталик билан чиқариб олдилар. Алоҳида кафан бичиб ўрадилар.
Ўшанда бизнинг от-аравамиз бўларди. Дарҳол бир кўрпа олиб чиқиб икки қавар қилиб солинди. Ҳазратни аравага узинасиига ёткизилди. Икки буюк зот бош томонларига қўйилди. Арава олдига бобом, қолган икки киши оёқ томонига ўтириб Сармозор қабристонига олиб кетдилар. Бу ерга етиб келгач янги қабр кавлаб ҳазрат домлани бу ердаги Эшон Абдураҳим - Сармозор ҳазратнинг ёнига дафн қиладилар. Икки зотнинг қабри ҳам шу ерга бино қилинди”. Ўшанда ҳазрат домланинг вафотига 14 йил, Катта ҳазратга 35 йил, Ҳалифа бувага 70 йил бўлган экан. Ҳазрат домла жасадларини чиримаслиги у зотдан содир бўлган каромат ва Аллоҳнинг улуғ марҳамати эди.

📖Устоз Раҳматуллоҳ Файзуллаевнинг: "Муҳаммад Юсуф Ҳазин" (ХОНАҚОҲИЙ ҲАЗРАТ МАРҒИНОНИЙ) китобидан.

Telegram | Facebook | Instagram | Twitter | Tiktok | YouTube