MUDARRIS ABDULVALIY

#fikrat #islomdailm

📌 Ilm yoʻli bu — ?

Tolibi ilm, bu yilga yangi maqsadlar, yangi rejalar tuzdingiz. Shu maqsadlarga erishish va yilingizni unumli, muvaffaqiyatli oʻtkazishingiz uchun sizga bularni yozdim. Diqqat bilan oʻqing.

Ey ilm izlovchi, bilingki, ilmning nuri qalbning zulmatini yoritadi, hayot yo‘lingizni ravshan qiladi va sizni haqiqiy erkinlikka eltadi. Ilm izlash yo‘li oson emas, lekin bu yo‘l oxirat saodatiga olib boruvchi eng oliy martabadir.

Alloh taolo aytadi:

“Alloh sizlardan iymon keltirgan va ilm ato etilgan zotlarni(baland) daraja-martabalarga ko‘tarur” (Mujodala surasi, 11-oyat).

Bu oyat sizni ruhlantirishi kerak, chunki Alloh ilm egalarini yuqori maqomga qo‘yadi.

Unutmang, har bir o‘rganilgan harf va tushunilgan mavzu sizni nafaqat o‘zingizga, balki butun ummatga foyda keltiruvchi shaxsga aylantiradi. Sizni hozir erishayotgan har bir kichik muvaffaqiyatingiz, oxiratda buyuk ajrga aylanishi mumkin. Har bir qiyinchilik, charchoq yoki sabr sinovi sizni yanada kuchliroq qiladi.

Ilm izlash – payg‘ambarlar yo‘li.
Siz bu yo‘lda yurganingizda, nafaqat dunyoviy muvaffaqiyatlarga erishasiz, balki Alloh taolo roziligini topasiz.

Qalbingizdagi shijoatni yo‘qotmang!
Siz bu yo‘lda yurganingiz bilan nafaqat o‘zingizni, balki jamiyatni ham yaxshilash uchun xizmat qilasiz.

Har safar charchagandek his qilsangiz, o‘zingizga shunday deng:

“Men hozir bilmaydigan narsalar ertaga mening ustunligim bo‘ladi. Sabrsizlik bilan o‘rganishdan to‘xtamasam, Alloh meni yuksak darajalarga ko‘taradi.”

Shijoat bilan davom eting, chunki ilm yo‘li — abadiy barakot manbaidir!

@MudarrisAbdulvaliy

#profayling #psixologiya

📌 Odamni "o‘qidigan" soha

Ancha vaqtdan beri bu sohani o‘rganaman va o‘rganishni tavsiya qilib kelaman. 2025-yil bu sohaga ko‘proq vaqt ajratmoqchiman. Keling bu yo‘nalish haqida shaxsiy ta'rifimni ham yozib o‘tsam, sizga ham tanish bo‘lsin.

Profayling — bu insonning psixologik va xulq-atvor xususiyatlarini aniqlash va tahlil qilish usullar majmui. Profayling insonni tashqi ko‘rinishi, tana harakati, so‘zlashuvi, yuz ifodalari va boshqa belgilar asosida baholab, uning xatti-harakatlarini tushunishga va kelajakdagi xatti-harakatlarini prognoz qilishga yordam beradi.

📜 Profaylingning kelib chiqishi

Profayling dastlab kriminalistika sohasida qo‘llanilgan. U jinoyatchilarni kuzatish, ularning ruhiy portretlarini yaratish va jinoyatni bashorat qilish maqsadida ishlatilgan. Zamonaviy profayling esa psixologiya, biznes, boshqaruv va shaxsiy rivojlanish kabi turli sohalarda qo‘llaniladi.

📍 Profaylingning asosiy yo‘nalishlari

1. Kriminal profayling: Jinoyatchining ehtimoliy portretini yaratish uchun foydalaniladi (xulq-atvor, motivlar, psixologik holat).
2. Ijtimoiy profayling: Odamlar bilan muloqotda, ularning xarakterini tushunish va samarali aloqa o‘rnatish.
3. Biznes profayling: Ish joyida xodimlarning motivatsiyasi, xulq-atvori va layoqatini tahlil qilish.
4. Shaxsiy rivojlanishda: O‘zingizni va boshqalarni chuqurroq tushunish uchun.

🛠 Profaylingda ishlatiladigan asosiy metodlar

1. Yuzni o‘qish: Inson yuzidagi mimikalar, ifoda va mikroifodalarni tahlil qilish.
2. Tana tilini tahlil qilish: Qomat, qo‘l harakatlari, gavda tutishi va masofadan foydalanishni o‘rganish.
3. Nutq tahlili: Ovoz balandligi, intonatsiya va so‘z tanlovi asosida insonning kayfiyati va shaxsiyati haqida xulosa chiqarish.
4. Psixologik testlar: Savol-javob asosida insonning ichki dunyosini aniqlash.
5. Xulq-atvor tahlili: Ma’lum vaziyatlarda insonning qanday harakat qilishini kuzatish.

✅ Profaylingning afzalliklari

• Samarali muloqot: Odamlarni yaxshi tushunib, ularning ehtiyojlariga mos keladigan yondashuvni tanlash.
• Qaror qabul qilish: Odamning niyatlarini oldindan aniqlash va to‘g‘ri strategiyalar ishlab chiqish.
• Muammolarni oldini olish: Konflikt yoki xavfni prognoz qilish va bartaraf etish.

🛡 Profayling qanday sohalarda qo‘llaniladi?

1. Huquqni muhofaza qilish organlari: Jinoyatchilarni aniqlash va kuzatishda.
2. Psixologiya: Mijozlarning ichki muammolarini tushunish uchun.
3. Savdo va marketing: Mijozlarning xatti-harakatlarini tahlil qilish va ularga mos mahsulotlarni taklif qilish.
4. Kadrlar boshqaruvi: Ishga yollashda yoki xodimlarni rag‘batlantirishda.
5. Ta’lim: O‘qituvchi va talaba o‘rtasidagi munosabatni yaxshilash.

📚 Profaylingni qanday o‘rganish mumkin?

1. Kitoblardan o‘qish:
• “Lie to Me” muallifi Pol Ekman — tana tili va mimika tahlili bo‘yicha.
• “Profiling People” muallifi Joe Navarro — FBI agentidan profayling haqida.
2. Kurslar va treninglar: Online va offline profayling bo‘yicha maxsus kurslarda qatnashish.
3. Amaliyot: Tana tilini kuzatish, suhbatlarda diqqat bilan tinglash va analiz qilishni mashq qilish.

@MudarrisAbdulvaliy

📍 Dars boshlanishiga 5 daqiqa qoldi…

Mavzu: Ommaning diqqatini jalb qilishni 2 (sirli) usuli

- Savollaringizni shu postni izohlar qismiga yozishingiz mumkin👇

#shaxsiy_rivojlanish

XATOLAR DAFTARI - KO'NIKMA

2025-yil uchun o'zingizni isloh qilishning eng muhim ko'nikmalaridan biri, Bejamin Franklin usuli deb ham nomlanadigan bu metod oʻzingizni oʻzingiz tarbiya qila olish koʻnikmasini ham beradi. “Odobni odobsizdan oʻrgandim”. Ushbu naqlni biz bu metod orqali amaliyotga tadbiq etamiz.

Qanday?

1. Bitta “bloknot” yoki varaqlari koʻproq boʻlgan daftarni oling.

2. Daftar boshiga “Xatolar daftari” deb yoziladi.

3. Kun davomida kimlar qanday kamchiliklarga, xatolarga yoʻl qoʻydi, siz shularni yozib borasiz. Faqat ularning ismini yozmagan holatda.

Misol: Shunday holat bo'ldi, Sarvar Ustozga gap qaytardi. Daftarga yozasiz. Ustozga gap qaytarish kerak emas ekan. Shu tariqa sizni shaxsiy konstitutsiyangiz ham shakllanib boradi. Eng muhimi siz yozganingizga o'z o'zidan amal qilishni boshlaysiz. Nega? Chunki sizni miyangiz yana yaxshiroq bildiki u ishni qilish mumkin emas ekan. Bo'lmasa bu ish daftarga yozilmas edi. Bu bir sodda tushuntirish.

Men bu metodga biroz boshqacharoq yondashdim. @kerakemasekan nomli kanal ochdim. Shu kanalga kun davomida xatolar va kamchiliklarni yozib bormoqchiman. Siz ham o'zingiz uchun blog ochib olsangiz bo'ladi lekin eng ma'quli men daftar va ruchka bilan qo'lda yozish deb bilaman. Sharoitga qarab yo'l tutaverasiz ;)

Franklin metodini qo'lashni boshlaymizmi?

@MudarrisAbdulvaliy