💚Мазкур монографияда ўн нафар Бухоро манғит амирларининг сиёсий фаолияти, ўзбек халқи давлатчилик тарихининг муҳим босқичи бўлган Бухоро амирлигида 1756-1920 йилларда юз берган муҳим тарихий воқеалар, Бухоро қушбегилари ва оталиқларининг амирлик бошқарувида тутган ўрни ҳамда ҳокимият учун кураши, ХХ аср бошларида мамлакатда юзага келган тараққийпарварлик ҳаракати ва Ёш бухороликлар фирқасининг ислоҳотлар учун кураши кўрсатилган. Асарнинг салмоқли қисмини Бухорога қизил армия босқини ва унинг оқибатлари, Россия давлатига қарши ХХ аср 20-йилларида Бухоро полвонлари ва қўрбошиларининг олиб борган ҳаёт-мамот кураши ташкил қилади