Muallima hayoti

Mana shu kuyni eshitsam, ilk kelinlik davrim esimga tushadi. Har tong soat 5 da budilnik shu kuyni chalardi. Boshqa tumanga, oilamdan aaancha uzoqqa, kelin bo‘lganim, yangi hayot, yangi oila, yangi odamlar, yangi muhit, yangi joy...

Hayot yo‘limga birgina yangi insonni qabul qilish orqali hammasi yangilandi.

Kelinlik gashtingni surasan, ammo ichingda nimadir bor. G‘imirlab, ko‘zyoshingni qitiqlaydigan achchiq nimadir bor... Kun bo‘yi quvonchli, shodon yurasan. Yangi ota-onang, yangi uyingga moslasha boshlaysan. Kech kirib, o‘z xonangga yuzlanasan. Izlaysan. Ota uyingdagi yuzlarni, ko‘zlarni izlaysan. So‘zlarni izlaysan. Har onni xotirlaysan. Ota uyning har burchi ko‘z oldingdan o‘tadi. Onangni qo‘msaysan... Zotan, bir ona bo‘lmoq uchun yo‘lga chiqqansan. Yig‘lasam deysan, yig‘lolmaysan, lekin ichingda g‘imirlayotgan narsa bo‘g‘zingga tiqiladi.

Asal oyi...
Na bu lazzatli onlardan huzurlanishni bilasan, na ota uyingni sog‘inib yig‘lashni bilasan. Yoring panohing bo‘lsa-ku, xo‘p-xo‘p. Biroq qahriqattiq insonga uchragan bo‘lsang(Alloh asrasin) bundan buyon uysizsan. Yolg‘izsan.

Kelinlik. Kelinchak. Kuyunchak aslida. Bu qanday tuyg‘u o‘zi? Alamli rohatmi? Sog‘inchli saodatmi?

Kelinlik - baxt, saodatli maqom. Har qizga nasib qilsin. Qiz borki, go‘zal. Har go‘zalga go‘zal hayot, go‘zal yor ato etsin. Vafoli yor uy demak, baxt demak, tog‘ demak... Har peshonaga vafoli yor yozilsin.

✏️ Muallima hayoti

Kelinlar, siz kelinlik davridan nimalarni xotirlaysiz? Qanday eslaysiz? Biiirr yozing-chi...

Uy ishlari zanjiri

Kompyuter qarshisida yozuv qilib o‘tirgandim. Chanqab qoldim. Suv ichmoqchi bo‘lib, termosga qarasam, suv yo‘q. Termosni to‘ldirib kelay deb oshxonaga chiqdim. Termosni stol ustiga qo‘ydim.

Choynakda qaynagan suv yo‘q ekan. Qaynatay deb choynakni to‘ldirish uchun rakovina yoniga keldim. Endi jo‘mrakni ochmoqchi edim. Rakovina kir bo‘lib ketibdi, buni ko‘rib vijdonim uyg‘onib ketdi. Chip-chiroyli qilib yuvib qo‘ydim.😊

Suv to‘ldirdim, gazga choynakni qo‘ydim. Ne ko‘z bilan ko‘rayki, gaz ham bir ahvol. Sodda vijdonim yana titrab ketdi va birpasda gazni ham yaltillatib qo‘ydim. ☺️

Gaz yonidagi qutichada gugurt yo‘q. Gugurt olay deb oshxona shkafidagi yashikka qarasaaamm... Eh bu yog‘ini aytmay qo‘ya qolay, hamma uy bekalari sezgandir vaziyatni... 🤦‍♀

U yashik bechorada mendan boshqa hamma narsa bor. Yashik bahona butun boshli shkaf ham tartibli bo‘ldi-qoldi. 😌

Gazni yoqay deb gaz yoniga kelsam, qo‘limda gugurt emas, haligi yashikdan chiqqan bir dunyo keraksiz taqir-tuqurlar... 😳

Oshxonada taqir-tuqur nima qiladi, deysizmi? Ixtirochi shumtakalar sharofati bilan un bochka ichidan oyoq kiyim, gilam tagidan karam salat topish ham odatiy hol... 😂

Xullas, shu keraksiz narsalarni olib chiqib tashlay deb tandirxona yonidan o‘tganimga afsusdaman haliyam... 😭

Meni supur, deb mo‘ltillab turgan tandirxona yeri vijdonimni o‘ziga rom etdi... 🥹

O‘zi shu vijdonimning ko‘ngli bo‘shda. Tirnoq tagidan kir axtaradi doim. Yoki men umuman ish qilmaymanmi uyda. Hayronman...😞

Shunday qilib tandirxonaga qo‘shilib butun hovli-joy vijdonim ko‘nglibo‘shligidan foydalandi. Endi supurgini joyiga qo‘yay deb turgandim, o‘g‘lim suv deb qoldi.

Uyga kirib termosni qidirdim. Topolmadim. Qayerda qoldirganimni bilmaysizmi, mabodo?😱

⚡️Muallima hayoti

Erdan pul so‘rash sanʼati haqida eshitganmisiz?

Ritorik usulda so‘rang, yaʼni bermasdan iloji qolmasin.

Hatto ro‘zg‘or uchun so‘raganda ham o‘zgacha yondashuvda murojaat qiling, kayfiyat ko‘tariladi, mehr ziyoda bo‘ladi.

⚡️Masalan, Gaz va Elektr energiyasi uchun to‘lov qilinishi kerak bo‘lsa, hisob raqamlarini yuboring va shunday deng:

Mana bular takkoy qizlarning nomerlari.😎 Bittasining ismi Gazxon, ikkinchisi Sveta. Shu nomerlarga gap emas, pul otib qo‘ying...💸

5 daqiqada ijobiy javob olasiz😁😍

Sinalgan usul💡
https://t.me/+4mzvx1j-FWBkYTMy

Agar ertalab turib, shirinlik yegingiz kelsa, sizga Magniy yetishmayapti.
Yog‘li narsa yegingiz kelsa, Xrom.

Hech narsa yegingiz kelmayotgan bo‘lsa, ikkalasi ham yetishmayapti.

Ikkalasini ham yegingiz kelayotgan bo‘lsa, siz yosh bolalisiz... Shunchaki, nonushtaga xohish bor-u, vaqt yo‘q... 😁