Rus tili imtihoni O‘zbekistonning o‘zidagi "Сахарово"da ham topshirilishi mumkin bo'ladi

Bu haqda Migratsiya agentligi xabar berdi. Mazkur masala Migratsiya agentligi va Tashqi ishlar vazirligi delegatsiyasining Moskva shahridagi uchrashuvlaridan birida muhokama qilingan. Ma'lum bo'lishicha, uchrashuvda Moskva shahar meri o‘rinbosari Mariya Bagreyeva hamda "Сахарово" ko‘p tarmoqli migratsiya markazi mas’ullari ishtirok etgan.

"Uchrashuvda Rossiyada vaqtincha mehnat faoliyatini olib bormoqchi bo‘lgan o‘zbekistonliklarga yashash va ishlash patent rasmiylashtirish jarayonlarini yengillashtirish, "Cахарово" markazining Toshkent shahridagi filiali faoliyatini takomillashtirish masalalari muhokama qilindi. Patent olishda zarur bo‘lgan rus tili imtihonini O'zbekistondagi "Сахарово"ning filialida yo‘lga qo‘yish bo‘yicha mexanizm Rossiya tomoni bilan hamkorlikda ishlab chiqiladigan bo‘ldi", deyiladi Migratsiya agentligi xabarida.

Web-sayt | Instagram | YouTube | @migrantuz | RuTube | VK