Ey Tovus, mastona qilgaysan xirom,
Xirom aylab qilgin davron ahlin rom.

Toj bilan qushlarning xonisan go‘yo,
Latofat mahzani, konisan go‘yo.

Qaddu qomatingda husn va jamol,
Lol bular xattoki shoir barkamol.

Malohat payvasta otingga sening,
Mahbublik yarashar zotingga sening.

Yodingdan chiqibdi biroq maskaning,
Shoh qoshida jilva qilgan gulshaning.

Jannatday ma’voni unutmagin hech,
Zindondan farqi yo‘q bu dunyodan kech.

Shahanshoh bazmining sharofati mo‘l,
Go‘zal bo'ston sari sen ham olgin yo‘l


🖍 Alisher Navoiy