ZAYNAB nolasi-MENING DARDIM.....
Ko'zlarimga keng dunyoni tor qildingiz,
Yuragimni muxabbatga zor qildingiz.
KUMUSHnimi, bilmam kimni yor qildingiz,
Hech bo'lmasa yurmasmidim ZAYNAB bo'lib?!

Peshonamning yog'dusida xijron rasmi,
Yorab, taqdir deganlari shuncha pastmi?
Ayol qalbi mexrga zor bo'lar asli,
Devonalar bo'lmasmidim ZAYNAB bo'lib?!

Xech ro'shnolik tatimaydi yuragimga,
Ko'zim yumdim ''ko'zim ochib ko'rganimga"
Achinaman Kumush bo'lib suyganimga,
Bilganimda suymasmidim ZAYNAB bo'lib?!

Siz "BEK" emas, muxabbatdan qalbi etim,
Hissiz qalbga umidimni qildim o'tin.
Kumushingiz "Kumush" bo'lsa, kuymasmidim,
Oxir jondan to'ymasmidim ZAYNAB bo'lib?!

Taqdir shuncha sinasa xam bardoshimni,
Qarg'ishlarga qorishmadim ko'zyoshimni.
Faqat.....qaytib bering ko'ngil quyoshimni,
Taftlarida kuymasmidim ZAYNAB bo'lib?!

XUDOYIMdan baxt so'radim o'zingizga,
Rozi bo'ling bergan nonu-tuzingizga .
Qolar bo'lsam boshim qo'yib izingizga,
Xazondayin so'lmasmidim ZAYNAB bo'lib?!