💧 MediaDataLab jamoasi “Zamonaviy media makonda suv mavzusi: vizual kontent yaratish orqali yoshlarda suv resurslariga oqilona munosabatni shakllantirish” loyihasi doirasida yoshlar orasida so‘rovnoma o'tkazgan edi.

So‘rov doirasida respondentlardan ular O'zbekistonda ichimlik suvi tanqisligi muammosini qay darajada baholashlari so'raldi. Qatnashchilarning 40,4 foizi butun mamlakat bo'ylab ichimlik suvi tanqisligi xavfidan xavotirdaligini bildirdi. Shu bilan birga, 29,2 foiz respondentlar bu muammoni O‘zbekistonning ko'pchilik hududlarida mavjud deb hisoblaydi. Yana 19,2 foizi mamlakatning ayrim hududlaridagina bunday muammolar mavjud deb baholamoqda.

Umuman olganda, yoshlarning 88,8 foizi O‘zbekistonda ichimlik suvi taqchilligi muammosi haqiqatda mavjud ekanligiga ishonch bildiradi. Bu qo'rquvning mavjudligi, bizning fikrimizcha, suvga nisbatan ehtiyotkorlik bilan munosabatda bo'lishning psixologik motivlaridan biri bo'lishi kerak.

💧 Eslatib o'tamiz, MediaDataLab jamoasi O'zbekistondagi suv resurslarining holati, miqdori va sifatini o'rganuvchi "Suv bormi?" loyihasini ilgari suryapti.

_____
Loyiha USAIDning Mintaqaviy suv resurslari va atrof-muhit loyihasi ko‘magida amalga oshirilmoqda.

⚜️ Ijtimoiy tarmoqlardagi sahifalarimiz:
Facebook | Telegram | Instagram