#maʼrifat_ulashib

🗣“Ma’rifat ulashib“ loyihasining yangi mavsumi boshlanmoqda

🏛Talaba va o‘quvchilarning ijtimoiy faolligini oshirish markazida “Ma’rifat ulashib“ loyihasining 4-mavsumini tashkil etish bo‘yicha yig‘ilish o‘tkazildi. Unda Vazirlik va Markaz rahbarlari, hamkor tashkilotlardan mas’ul xodimlar hamda oliy ta’lim muassasalari vakillari ishtirok etdi. Yig‘ilish davomida loyihaning yangi mavsumini yanada katta ko‘lamda tashkil etish bo‘yicha takliflar muhokama qilindi.

Ta’kidlash joizki, “Ma’rifat ulashib“ loyihasi doirasida shu kunga qadar O‘zbekiston Yozuvchilar uyushmasi a’zosi bo‘lgan 156 nafar yozuvchi va shoirlar 210 ta oliy ta’lim muassasasi hamda ularga biriktirilgan 400 ga yaqin umumta’lim maktablari va mahallalarda adabiy-badiiy tadbirlarda ishtirok etdi. Mazkur tadbirlarga jami 270 mingdan ortiq talaba, 131 ming nafar maktab o‘quvchilari va 29,5 ming nafar mahalla fuqarolari qamrab olindi.

☑️Yig‘ilish yakunida talaba va o‘quvchilarning darsdan bo‘sh vaqtini mazmunli tashkil etish, bu boradagi ta’sirchanlik va natijadorlikni ta’minlash maqsadida tadbirlar namunaviy dastur va ssenariy asosida oldindan puxta tayyorgarlik ko‘rgan holda o‘tkazilishi bo‘yicha chora-tadbirlar belgilandi.

Bizni kuzating:

Instagram | YouTube | Telegram