Ma'rifat manzili

#Ибратли_ҳикоялар

БУНГА НИМА ДЕЙСИЗ?

Ялангоёқ, ҳеч вақосиз бир дарвеш ҳажга боришни ният қилибди. Кўфадан йўлга чиққан ҳожилар карвонига қўшилибди. Жуда хурсанд, бахтиёр кўринар, ўзига-ўзи шеърлар ўқирмиш:

На эшак каби юк ташийман.
На бой каби туя устидаман.
На бир қулим бор.
На ўзим бировга қулман.
Ҳеч вақойим йўқ.
Нақадар бахтлиман.

От устида кетаётган йўловчилардан бири обиднинг ҳолига ачиниб:
– Йўл узоқ ва таҳликали. Менимча, ҳали йўл юрмасдан қайтганинг яхши. Аллоҳ асрасин, қийинчиликларга чидай олмай, ўлиб кетасан, ҳеч қўрқмайсанми? – дебди.
– Қўрқадиган ҳеч нарсам йўқ, – деб жавоб бериб дарвеш яна шеърларини ўқиб, масрур ҳолда йўлида давом этибди.
Бир неча кундан сўнг дам олиш учун тўхтаганларида дарвеш унга қайтишни тавсия этган отлиқнинг вафот этганини эшитибди. Отлиқнинг жасади ёнига бориб, қулоғига пичирлабди:
– Мен машаққатдан ўлмадим, аммо сен от устида роҳатдан ўлдинг. Бунга нима дейсан?
Югурган итлар йўлда қолиб кетди. Чўлоқ эшак манзилга етди.
Қанчадан-қанча соғлом одамлар ерга кўмилди. Ҳаётдан умидини узган қанча хасталар эса, оёққа турди.

Саъдий Шерозийнинг “Гулистон”идан.

📲 Дўстларингизга ҳам улашинг.

http://t.me/marifat_manzili

#суннат_амаллар

Мажлиснинг каффороти
Пайғамбар соллаллоҳу алайҳи васаллам айтдилар: «Ким бир мажлисга ўтирганда, у ерда беҳуда гап-сўзлар кўпайиб қолса, туриб кетишдан илгари: “Субҳанакаллоҳумма ва биҳамдик. Ашҳаду алла илаҳа илла анта астағфирука ва атувбу илайк”, – деса, ўша мажлисда ҳосил бўлган гуноҳлари кечирилади». Термизий ривояти.
Пайғамбар соллаллоҳу алайҳи васаллам айтдилар: “Қайси бир қавм бирор мажлисда ўтирганда Аллоҳни зикр қилмаса, расулига салавот айтмаса, Аллоҳ тарафидан уларнинг устига надомат тушади. Хоҳласа, уларни азоблайди, хоҳласа, кечириб юборади”. Абу Довуд ва Термизий ривояти.

Ангор туман Маърифат жоме масжиди имом хатиби Мансур домла Раҳимқулов.

http://t.me/marifat_manzili

БУЮК ТАҚВО ТИМСОЛИ

Абул Фараж келтиради:
Маккада бир соҳибжамол аёл яшар эди. Бир куни юзини ойнада кўриб эрига "Шу гўзал юзни кўриб фитнага тушмайдиган эркакнинг ўзи йўқ бўлса керага?" деди. Эри "Бор" деди. Аёл "Ким экан у?" деди. У "Убайд ибн Умайр" деди. Озгина тортишувдан сўнг аёл эрига "Менга рухсат беринг унда, синаб кўрамиз, мен уни фитнага сола оламан" деди. Эр рухсат берди. Фатво сўраган одам бўлиб Масжидул Ҳаромга кириб борди. Масжид четида ўтирган Убайд ибн Умайрнинг олдига келди ва юзини очди. Гўё ойнинг бир парчаси ерга тушгандек бўлиб кетди. Убайд "Эй Аллоҳнинг чўриси! Юзингни ёп деди. У "Мен таърифингизни эшитиб сизга ошиқ бўлиб қолдим" деди. Шунда Убайд "Майли мен сендан бир неча нарса сўрайман, ростини айтиб турасан, кейин кўрамиз" деди. Аёл "Хўп" деди.
– Менга айтчи, бир кун ўлим фариштаси жонингни олгани келади. Шунда сўраган ишингни қилганимиздан хурсанд бўласанми?
- Йўқ.
- Бир кун қабрга кирасан ва сўроққа тутиласан. Шунда бу ишни қилганимиздан хурсанд бўласанми? – Йўқ.
– Бир кун қиёмат бўлса ва инсонларга номалари ўнг қўлидан берилса, сен қайси қўлингда олишингни билмасанг. Шунда бу ишни қилганимиз сени хурсанд қиладими? – Йўқ.
– Бир кун сирот кўпригига келасан, ундан ўтасанми, йиқиласанми билмайсан. Шунда бу ишни қилганимиздан хурсанд бўласанми? – Йўқ.
– Бир кун амалларинг тарозуда тортилади. Шу ҳолатда сен сўраган ишни қилганимиздан хурсанд бўласанми? – Йўқ.
– Бир кун Аллоҳнинг ҳузурида савол-жавоб учун турасан. Шу вақтда бу ишни қилганимиз сени хурсанд қиладими? – Йўқ?
- Унда Аллоҳдан қўрқ, Аллоҳ сенга кўп неъмат ва яхшиликлар берибди.
Аёл уйига қайтиб борибди. Эри ундан "Нима бўлди?" деб сўрабди. У "Сен билан мен бекорчи баттол одамлар эканмиз" деб ўша кундан бошлаб намоз, рўза ва ибодатга берилибди. Кейинчалик эри айтган экан: "Мен Убайдга нима қилган эдим. Хотиним ҳар тунда янги келинчак эди. Ҳозир роҳибага айланди қолди".

Убайд ибн Умайр буюк тобеъин. Умар розияллоҳу анҳунинг даврида биринчи бўлиб ваъз учун ўтирган етук олим. Ҳадиснинг ишончли ровийларидан. Унинг ваъз мажлисларига Ибн Умардек саҳобалар ҳам келиб ўтирарди. Туни билан йиғлаб чиқадиган обид зот...
•┈•┈•┈•┈•❁✿❁•┈•┈•┈•┈•

☝️ДЎСТЛАРИНГИЗГА ҲАМ УЛАШИНГ!!!

Бизни кузатиб боринг.

👇👇👇
t.me/marifat_manzili

НИКОҲ–МEНИНГ СУННАТИМ!

✨ Расулуллоҳ (соллаллоҳу алайҳи васаллам) марҳамат этадилар:
«Никоҳ - менииг суннатим. Ким менинг суннатимдан юз ўгирса, мендан эмасдир».
Яна шундай марҳамат этадилар:
«Никоҳ - менинг суннатим. Ким менинг фитратимни севса, менинг суннатим билан
суннатлансин».
(Абу Аъло Абдулло ибн Аббосдан (р.а.) ривоят этган).

✨ Яна шундай дейдилар:
«Уйланинг, кўпайинг. Чунки тушган бир бола билан бўлса ҳам, қиёмат куни ўзга умматлар олдида сиз билан фахрлангайман». (Абдулло ибн Умардан (р.а.) Байхакий ривоят этган).

✨ Яна марҳамат этадилар:
«Тирикчиликдан қўрқиб уйланмоқни тарк этган киши биздан эмас». (Анасдан (р.а.)
Бухорий ва Муслим ривоят этганлар).

✨ Яна марҳамат этадилар:
«Сиздан уйланмоққа қодир бўлган уйлансин. Чунки бу кўзни тийдирувчи ва фаржни соғлом этувчи (бузуқликдан сақловчи)дир. Йўқса, имкони етмаган киши рўза тутсин. Чунки рўза унинг учун қўрувчи бир қалқондир». (Абдулло ибн Маъсуддан (р.а.) Бухорий ва Муслим ривоят этганлар).

✨ Яна марҳамат этадилар:
«Динидан ва омонатдорлигидан ўзингиз рози бўлган ишончли бир киши ҳузурингизга келганда (уйланишига ёрдам сўраганда) уни уйлантириб қўйингиз». Абу Хурайрадан (р.а.) Термизий ривояти)

✨ Яна марҳамат этадилар:
«Ким Аллоҳ таоло (ризоси) учун уйланса ва Аллоҳ (ризоси) учун уйлантирса, ўша киши Аллоҳ таоло дўстлигига эришади». (Муоз ибн Анасдан (р.а.) Ахмад ибн Ханбал
ривояти.)

✨ Яна марҳамат этадилар: «Ким уйланса, динининг ярмини қўриган бўлур. Қолган ярми ҳақида ҳам Аллоҳдан қўрқсин». (Анасдан (р.а.) Табароний «Авсод»ида ривоят этган).

✨ Абдуллоҳ ибн Маъсуд (р.а.) шундай дейдилар: «Бордию, умримдан ўн кунгина қолганини билсам, Аллоҳ таоло ҳузурига уйланмаган ҳолда бормаслик учун уйланган бўлардим».


Абу Ҳомид Ғаззолий «Уйланиш одоби» китобидан.

Ангор туман Маърифат жоме масжиди имом хатиби Мансур домла Раҳимқулов.

http://t.me/marifat_manzili

АБУ БАКР МУҲАММАД ИБН АБДУЛБОҚИЙ АНСОРИЙ КАЪБИЙ РОҲМАТУЛЛОҲИ АЛАЙҲНИНГ ҚИССАСИ

Қимматбаҳо тақинчоқ топиб олиб, эгасига қайтариб берган, сўнг тақинчоқ эгасининг қизига уйланган ва вақтлар ўтиб аёли вафот этгач меросида ўша тақинчоққа эга бўлган зотдир.
Қози Муҳаммад ибн Абдулбоқий роҳматуллоҳи алайҳ айтади: “Мен Маккага яқин жойда турар эдим. Бир бор қаттиқ оч қолдим. Очликни аритиш учун менда ҳеч нарса йўқ эди. Ўша вақтларда ипак ҳалтача топиб олдим. Унинг оғзи ипак боғич билан боғланган эди. Уйга келиб уни очган эдим, ичида қимматбаҳо тақинчоқ бор эди. Бунақасини хечам кўрмаган эдим. Уйимдан чиқдим. Бир киши ўша тақинчоқ ҳақида эълон қилаётган экан. Қўлида 500 дийнор солинган бир ҳалтача бўлиб, ҳалтачани топиб, қайтариб берганга бераман, деб турган экан. Мен эса оч ва муҳтож эдим. Тиллани олиб, тақинчоқ солинган ҳалтачасини қайтариб бермоқчи бўлдим ва олдимга келингчи, дедим. У менга тақинчоқ солинган ҳалтачани сифатлаб, ундаги тошлар сонини айтиб берувди, халтачани унга топширдим. У менга 500 динор берди. Мен эса олмасдан, уни сизга қайтариб бериш менга вожибдир, эвазига нарса олишим яхшимас, дедим. Кейинчалик Маккадан кетдим. Кемага миндим. Кема ҳалокатга учраб одамлар ғарқ бўлишди. Мен кеманинг бир парчасини устида жон сақлаб, саломат қолдим. Ёғоч парчаси мени оқизиб, одамлар яшайдиган бир оролга олиб келди. У ердаги масжидлардан бирига бориб қўним топдим. Тинмай Қуръон ўқирдим. Қироатимни эшитган одамлар менга ҳам Қуръон ўргатсангиз, деб олдимга кела бошлашди. Шу орқали куним ҳам ўтар, ризқим ҳам етар эди. Одамлар мендан ўқиш ёзишни ҳам биласизми, деб сўрашган эди, мен ҳа, деб жавоб бердим. Натижада уларнинг болаларига ҳам ўқиш, ёзишдан сабоқ бера бошладим.
Кейинчалик улар менга мол дунёси кўп бир етим қизга уйланиш таклифини килишди. Мен кўнмадим. Улар қаттиқ туриб олишгач мен рози бўлдим. Никоҳдан кейин қизнинг қариндошлари билан бир хонада ўтирган эдик, қарасам қизнинг бўйнида ўша мен Маккада топиб олган тақинчоқ шодалари турар эди. Ёнимдагилар мени тақинчоққа ажабланиб қаттиқ тикилиб қолганимни кўриб, “Эй шайх, сиз қизнинг жамолига қарамай тақинчоғига қараб қизнинг қалбига озор бердингиз”, дейишди. Мен эса уларга бу тақинчоқ қиссасини айтиб бердим. Одамлар баланд овозда такбир айтиб юборишди. Уларга бунча қичқирмасангиз, сизларга нима бўлди, десам, улар сиздан бу тақинчоқни қайтариб олган киши бу қизнинг отаси эди. У доим “Аллоҳим, уни мен билан учраштирсангу, мен унга қизимни никоҳлаб берсам”, деб дуо қилар эди. Унинг бу дуоси қабул бўлган экан дейишди.
Мен у аёлдан икки ўғил кўрганимда у аёл вафот этди. Кейинчалик иккала ўғлим ҳам вафот этгач тақинчоқ менга мерос бўлиб қолди. Мен уни 100 000 динорга сотдим. Шайх Абдулбоқий бу ривоятни қисса қилиб берар экан, атрофдагиларга “Сизлар кўриб турган бу барча мол дунёим ўша тақинчоқдан қолганидир”, деди.


http://t.me/marifat_manzili

АЛЛОҲГА СУЮКЛИ ХОНАДОН

Меҳмон кўп ташриф буюрадиган хонадон – Аллоҳга суюкли хонадондир.

Каттаю, кичикларга бирдек эшиги очиқ уй нақадар гўзал. Бундай уйга осмондан раҳмат ва барака нозил бўлур.

Расулуллоҳ саллаллоҳу алайҳи васаллам: "Аллоҳ бир қавмга яхшиликни истаса, уларга ҳадя ато қилади", деганларида, саҳобалар: "Ўша ҳадя нима экан?" деб айтишди. Шунда у зот: "(Бир хонадонга) меҳмон ризқи билан кириб келиши, кетишида бўлса ўша хонадон аҳлининг гуноҳини олиб кетишидир", дедилар. (Абу Нуъайм ривояти).

Яна Расулуллоҳ саллаллоҳу алайҳи васаллам: "Меҳмон жаннатга йўлловчидир", дедилар.
Яна Расулуллоҳ саллаллоҳу алайҳи васаллам: "Ким Аллоҳга ва охират кунига иймон келтирса, меҳмонини ҳурмат қилсин", дедилар.

Имом Бухорий ва Муслим ривояти

Ангор туман Маърифат жоме масжиди имом хатиби Мансур домла Раҳимқулов.

http://t.me/marifat_manzili

ШОМ НАМОЗИ ТЕЗ ЎҚИЛИБ ТАСБЕҲЛАР АЙТИЛМАЙДИМИ?
#намоз

❓865-CАВОЛ: Шом намози бошқа намозларга нисбатан тез ўқилиб тасбеҳ айтилмас экан. Бу фикр қанчалик тўғри?

💬 ЖАВОБ: Бисмиллаҳир Роҳманир Роҳим.
Шом намозининг вақти бошқа намозларнинг вақтига нисбатан қисқароқ бўлгани сабабли уни вақти кириши билан адо қилишга тарғиб қилинади. Бу ҳақда Пайғамбаримиз саллаллоҳу алайҳи васаллам бундай деганлар:

لا تَزالُ أمَّتي بخيرٍ ، ما لم يؤخِّروا المغربَ إلى أن تشتبِكَ النُّجومُ (رواه الإمام أبو داود عن عقبة بن عامرٍ)

яъни: "Умматим модомики, шом намозини юлдузлар чиққунича кечиктирмасдан ўқисалар, яхшиликда бардавом бўладилар" (Имом Абу Довуд ривоятлари).

Лекин бундан Шом намозини бошлаган киши шошилиб ўқиши кераклиги тушунилмайди. Балки бошқа намозлар сингари намозни хушу ва хузу билан ўқилади. Шунингдек, Шом намозида ҳам бошқа намозлар каби "Оятал курси" ва 33 мартадан тасбеҳлар айтиш мустаҳаб амал саналади. Валлоҳу аълам.

Ўзбекистон мусулмонлари идораси
Фатво ҳайъати.

Telegram | Instagram | Facebook | Tiktok