#26_maktab
#tadbir
#buyruq273


🇺🇿Oʻzbekiston Respublikasi Maktabgacha va maktab taʼlimi vazirining 2024-yil 23- avgustdagi 273-sonli buyrugʻining 4-ilovasi 🗂, Umumiy oʻrta taʼlim maktablarida 2024-2025-oʻquv yilida oʻtkaziladigan maʼnaviy-maʼrifiy tadbirlar Fevral – Buyuk allomalar oyligining “Adabiyot” haftaligi doirasida 5-8 sinflar kesimida "Alisher Navoiy va Zahiriddin Muhammad Bobur tavallud kunlariga bagʻishlangan gʻazalxonlik, baxru-bayt adabiy badiiy kechalar tashkil etish maqsadida Termiz shahar 26-sonli umumta'lim maktabida so'z mulkining sultoni,Mir Alisher Navoiy tavalludining 584 yilligiga bag'ishlangan adabiy badiiy kecha tashkil etildi.
Tadbirni Ona tili va adabiyot fani o'qituvchilari N.Xudoyqulova,F.Nurmatova va K.Ashurovalar tashkillashtirdi.

Ne navo soz aylagay

Ne navo soz aylagay bulbul gulistondin judo,
Aylamas to‘ti takallum shakkaristondin judo.

Ul quyosh hajrinda qo‘rqarmen falakni o‘rtagay,
Har sharorekim, bo‘lur bu o‘tlug‘ afg‘ondin judo.

Dema, hijronimda chekmaysen fig‘on-u nola ko‘p,
Jism aylarmu fig‘on bo‘lg‘an nafas jondin judo?

Hajr o‘lumdin talx emish, mundin so‘ng, ey gardun, meni,
Aylagil jondin judo, qilg‘uncha jonondin judo.

Bo‘lsa yuz ming jonim ol, ey hajr, lekin qilmag‘il,
Yorni mendin judo yoxud meni ondin judo.

Vasl aro parvona o‘rtandi hamono bildikim,
Qilg‘udekdur subh ani shami shabistondin judo.

Bu egasiz it bo‘lub erdi Navoiy yorsiz,
Bo‘lmasun, yo rabki, hargiz banda sultondin judo.

🔽Ijtimoiy tarmoqlarda bizni kuzatib boring 🔼

Termiz shahar 26-maktab matbuot xizmati - 📱