Тт

h

.

ENG YAQIN DOʻST

Eslamaydi dema har kun yodimdasan...
Yo'qlamasam ranjib yurma yodimdasan..
Bir hislating yoqar bor-u yog'imdasan..
Ardog'imda ardoqlagan eng yaqin DO'ST..

G'amga boshim egsam tog'im bo'lgan o'zing..
Yelka qoqib dalda bo'lar aytgan so'zing..
Yaxshi boʻlib ketishimga yetar ko'zing...
Qarog'imda qadrlangan eng yaqin DO'ST..

Og'ir kunim og'rinmasdan xizmat qilding..
Zarda qilgan paytlarimni xazil bilding..
Shodligimda chin dilingdan birga bo'lding..
Ardog'imda ardoqlagan eng yaqin DO'ST...

Omon bo'lgin ONANGGAKU mendan raxmat..
Men uchun ham kulib yasha yashashing shart..
Xudo SENI yetqazgani bu xam bir BAXT..
Qarog'imda qadrlangan eng yaqin DO'ST.

Sevgi

Avvaliga bir-birlarini tanimas edilar. Ularni sevgi degan g’aroyib kuch topishtirdi. Ular ana shu kuch sehriga maftun bo’lib qoldilar.

Ajab, Sevgi hech qachon yolg’iz yurmas ekan. Unga Hijron degan alanga ergashib keldi.

Ular ana shu alanga otashida baravar kuya boshladilar.

Nihoyat, Hijron alangasi so’ndi-yu, sevgi Visol degan entiktiruvchi tyyg’uni yetaklab keldi. Endi ular baxtiyor edilar.

Ajab, Sevgi hech qachon yolg’iz yurmas ekan. Endi I Sinov degan to’siqni yetaklab keldi.

Agar ular Sevgining qo’lidan mahkam tutishganida bu to’siqdan o’tishlari mushkul emasdi. Ammo bunday bo’lmadi. Ular sinov oldida chekindilar.

O’rtada Shubha, Rashk degan sharpalar o’rmalab qoldi. Shunda ular o’zlarini topishtirgan Sevgiga ilk bor ta’na toshi otdilar.

Sevgi shunda ham ularni kechirdi. Sabot, Mehr degan kuchlarga oshno qilishga urindi.

Ammo ular Sabotni ham, Mehrni ham unutdilar. O’zlarini topishtirgan Sevgi degan “yovuz kuch” ga la’nat aytdilar!

Shunda… Ularning qismatiga Xiyonat kirib keldi! Ular Sevgini ayblay-ayblay, oxiri… ajrashdilar…

Qismat chorahasida esa uchta begunoh go’dak chirqillab qoldi. Besh yashar o’g’il, uch yashar qizaloq va… yetim qolgan Sevgi…


O'tkir Hoshimovning Daftar Hoshiyasidagi Bitiklar asaridan .