Hozircha

Hozircha
yolgʻizsan,
sezmading alhol
Bu yorugʻ dunyoda bormi-yogʻimni.
Bir dilni koʻzlagan baxt kabi xushhol
Ruhing
izlap topar tongda ruhimni.

Hozircha
falakdan boʻlmadi izn –
Ilohiy rishtani bogʻlamadi koʻk.
Yurakning chetiga xattotlar
hazin
Baytlar aro isming bitganicha yoʻq.

Hozircha
koʻngilga tushmadi chaqin,
Muhabbat kirmadi diydamiz ochib.
Qismat kundasiga kelmasdan yaqin,
Xaloyiq ichinda
yuribmiz qochib.

©️ Avliyoxon Eshon

@kumush_odina