🫀"Yashamoq" – Hayot Haqidagi Eng Chuqur Asarlardan Biri

Ba’zi kitoblar o‘qilgach, insonni chuqur o‘ylashga, hayotni boshqacha ko‘z bilan ko‘rishga majbur qiladi. Yu Xuaning "Yashamoq" romani aynan shunday asarlardan. Bu kitob inson hayoti shunchaki yashash emas, balki bardosh berish, kurashish va yo‘qotishlarga qaramay oldinga intilish ekanini ko‘rsatadi.

Asarning bosh qahramoni Fugui hayot yo‘lida boylikdan qashshoqlikka, baxtdan musibatga, oilasidan yolg‘izlikka yetib keladi. U boshiga tushgan sinovlarga qaramay, yashashdan voz kechmaydi. Kitobni o‘qir ekansan, Fugui bilan birga iztirob chekasanu, lekin oxir-oqibat uning matonati seni hayratga soladi.

Bu roman menga shuni o‘rgatdi: hayot oson bo‘lmaydi, u har doim o‘z sinovlarini beradi. Ammo inson tirik ekan, yashashga, oldinga intilishga majbur.