“Yoshlar bilan ishlash, ma’naviyat va ma’rifat bo‘limi” boshlig‘i Abdulvosi G‘aniyev, “O‘quv uslubiy bo‘limi” boshlig‘i Farxod Asatullayev, “Qur’on karim va tajvid” o‘quv kursi ustozlari B.Balbekov, X.Boyxo‘rozov va A.Isaqovlar qatnashdilar. Davra suhbatida “Yoshlar bilan ishlash, ma’naviyat va ma’rifat bo‘limi” boshlig‘i Abdulvosi G‘aniyev, “Allohning kalomiga muhabbat va Qur’oni karim fazilati” mavzusida ma’ruza qilib, Allohning kalomini o‘qiguvchiga beriladigan ajrlar, Qur’onga muhabbatli kishi qanday odoblarga ega bo‘lishi lozimligi haqida zarur ma’lumotlarni berib, undan keyin o‘z ma’ruzasi davomida noqonuniy diniy ta’lim olish va berishning qonun tomonidan taqiqlanganligi va qanday oqibatlarga olib kelishi, bugungi kunda O‘zbekistonda davlat va din munosabatlari, diniy islohotlarning jadal suratlarda rivojlanayotgani va boshqa masalalarga alohida to‘xtalib o‘tdi. Undan tashqari “O‘quv uslubiy bo‘limi” boshlig‘i Farxod Asatullayev tinglovchilarining tartib-intizomga rioya qilishlari, o‘z vaqtida darsga kelishlari, belgilangan darslarga muntazam ishtirok etishlari va boshqa intizomga oid so‘zlarni aytib o‘tdi. O‘z navbatida tinglovchilardan ham kerakli takliflar hamda fikr-mulohazalar tinglandi va ularni bilim yurti rahbariyati e’tiborga olishi aytib o‘tildi.