Қарақалпақстандағы 3 районда дерлик 499 млн сомлық "свет" ҳәм газден нызамсыз пайдаланыў жағдайы анықланды

Мәлим етилиўинше, Беруний районындағы "Т.Ч." фермер хожалығы жуўапкер шахслары коммерциялық мақсетлерде өзбасымшалық пенен электр энергиясы тармағына жалғанған. Бул арқалы жәми 288,2 млн сомлық электр энергиясынан нызамсыз пайдаланған.

Сондай-ақ, Департаменттиң Хожели ҳәм Елликқала районлық бөлимлери тәрепинен өткерилген тергеўге шекемги тексериўде "Н.-Ж." шаңарақлық кәрханасы ҳәм "Д.С." ЖШЖ шахслары улыўмалық пайдаланыўдағы электр ҳәм газ тармақларына өзбасымшалық пенен жалғанған. Бул арқалы жәми 210,5 млн сомлық энергия ресурсларынан нызамсыз пайдаланған.

Бул жағдайлар бойынша жынаят иси қозғатылып, тергеў ҳәрекетлери алып барылмақта.

✅ 👉 @KRuzuz — Қарақалпақстандағы ең исенимли хабарлар