❓Мектеп ҳәм бақшаларда Жаңа жыл байрамы қалай өткериледи?

Министрликтиң 2024-жыл 17-декабрьдеги көрсетпе хатына тийкар, төмендегилер усыныс етиледи:

- Байрам мүнәсибети менен имарат аймағы, орны ҳәм классларды тәртипке келтириў, мәкемелер ҳәўлисинде тәбийий арша болса оларды қол мийнети менен безеў;

- Байрамды өткериў ушын тәлим шөлкемлери аймағын қол мийнети менен безеў;

- байрам илажларын топарларда ҳәм басланғыш класс оқыўшылары ушын класс бөлмелеринде, сабаққа кесент бермеген ҳалда өткериў;

- тәлим шөлкемлериниң жоқары класслары арасында қол мийнети менен таярланатуғын безеклер таңлаўы, “Ең шырайлы безетилген класс” ҳәм “Ең жақсы Жаңа жыл қутлықлаў хаты” сыяқлы көрик-таңлаўлар шөлкемлестириў;

Төмендегилер қадаған етиледи:

- байрам бәнеси менен тәбийий арша ағашы тереклериниң шақ ҳәм путақларын сындырыў ямаса оларды басқа жерге көшириў;

- Оқыўшылар ҳәм педагог хызметкерлер тәрепинен нызамға қарсы пул жыйнаў;

- Байрамды ресторан, кафе ҳәм басқа улыўма аўқатланыў шақапшаларында өткериў, мектеп яки бақша администрациясы ҳәм педагог хызметкерлерине ҳәр қыйлы сыйлықлар усыныў қадаған етиледи.

✅ @KRuzuz — Қарақалпақстандағы ең исенимли хабарлар