Muhtaram vatandoshlar!
Siz, azizlarni, ko‘pmillatli butun xalqimizni kirib kelayotgan Yangi yil bilan chin qalbimdan samimiy tabriklayman.
Barchangizga o‘zimning yuksak hurmatim va ezgu tilaklarimni bildiraman.
Yangi ish o‘rinlari tashkil etilib, aholi daromadlari va hayot darajasi oshmoqda.
Eng muhimi, yurtimizda tinchlik va barqarorlik, millatlar va dinlararo totuvlik hukm surmoqda.
Shu qutlug‘ ayyomda erishgan barcha yutuqlarimizning bunyodkori bo‘lgan siz, aziz hamshaharlarimga, butun xalqimizga yana bir bor minnatdorchilik bildiraman.
      Qadrli Kogonliklar!
Yangi 2025-yilda iqtisodiy va ijtimoiy sohalarda boshlagan keng ko‘lamli islohotlarimizni izchil davom ettiramiz!
Yurtimizda tinchlik va barqarorlik, millatlar va elatlar o‘rtasidagi totuvlik, o‘zaro hurmat va mehr-oqibatni mustahkamlash asosiy vazifamiz bo‘lib qoladi.
Xalqimizning turmush farovonligini oshirish, aholining ijtimoiy himoyasini kuchaytirishga alohida ahamiyat beramiz.
Aziz yoshlarimiz, mehnatkash va oqila opa-singillarimiz, muhtaram keksalarimizning hayotiy manfaatlarini ta’minlash e’tiborimiz markazida bo‘ladi.
Yangi O‘zbekistonni barpo etish, milliy yuksalish poydevorini yaratishga qaratilgan ulkan ishlarimizni qat’iy davom ettiramiz.
    Aziz vatandoshlarim, qadrdonlarim!
Qalblarimiz pok niyatlarga to‘lib turgan ushbu quvonchli lahzalarda sizlarni yangi – 2025-yil bilan yana bir bor chin dildan muborakbod etaman!
Barchangizga sihat-salomatlik, xonadonlaringizga fayzu baraka, oilaviy baxtu saodat tilayman.
Yangi yilning qadami qutlug‘ kelsin!
Barcha ezgu niyatlarimiz amalga oshsin!
Yurtimiz tinch, xalqimiz omon bo‘lsin!
Yangi yil barchamizga muborak bo‘lsin!
Shu go‘zal oqshomda barchamizning niyatimiz, tilagimiz bitta:
Yurtimizda yashayotgan har bir oila, har bir inson murod-maqsadiga yetsin!
Jonajon  O‘zbekistonimiz gullab-yashnasin, dunyomiz tinch, osmonimiz musaffo bo‘lsin!
Kirib kelayotgan 2025-yil ona diyorimizga fayzu baraka, yangi yutuq va zafarlar olib kelsin! 
Yangi yil barchamizga muborak bo‘lsin!