Moddaga ruhni qurbon qilish yaramaganidek, ruh uchun bu moddadan voz kechish ham halokatlidir. Dunyo shunday yaratilganki, zarradan koinotga qadar hamma-hamma narsa juda ulugʻ va oʻta nozik zargarlik mahorati bilan oʻrni-oʻrniga qoʻyilgan hamda oʻzaro munosabat, mutanosiblik va muvozanat asosida aylanadi. Agar birining miqdori salgina oshib ketsa ham bas, meʼyor buzilib, buhron boshlanadi. Shunday ekan, sizu biz... butun odamzodning birlamchi va asos vazifasi –ana shu muvozanatga daxl qilmaslik, aksincha, uning hamisha qoimligi tadorigini olib yashashdan iboratdir.

Nazarimda, Xudoning yoʻlida yurish, musulmonlik deganlari ham mohiyatan va asosan shudir...