Vaysaqilar

Ruhim aro balchiq oyoqlari bilan yurgan
bola
badiiy namoyishlar, buyuk san’atkorlar, dirijorlar
haqida gapiradi
Dostoyevskiy romanlaridan bexabar holda;
Gapiradi qanday qilib ofitsiantni to’g’ri yo’lga solgani haqida
fransuzcha kiyinishni bilmagan ofitsiant
falon-falondan tarkib topgan ofitsiant.
U san’at haqida gapiradi to
men san’atdan nafratlanguncha,
va hech narsa yo’q
mayxonaga qaytish,
musiqaga qaytish,
shovqin-suron va vaysashdan holi narsalarni
kuzatishda davom etishdan yoqimliroq.
Gap, gap, gap,
kichkina og’iz tinmaydi, ko’zlar pirpiraydi
yigitcha, bolakay, san’at kasali
unga huddi onasining yupkasidek yopishgan bola
Va men tashvishdaman
unga o’xshaganlar
bir necha o’n minglab
yomg’irli tunlarda
serquyosh tonglarda
sokin kechalarda
konsert zallarda
kafelarda
she’riy namoyishlarda
Gapiradigan, rasvo qiladigan, tortishadigan.

U huddi go’zal xonim bilan
yotoqqa kirgan cho’chqaga o’xshaydi
Va sen ortiq
ayollarni xohlamay qo’yasan.

- Charlz Bukovskiy