Assalomu alaykum bolajonlar,
Buyuk insonlarning buyukligiga katta sabablardan biri, bu ularning onasiga bo’lgan hurmatidir(yuqoridagi video bunga yaqqol misol).
Bejizga payg’ambarimiz janobi Muhammad(S.A.V) dan yaxshilikni kimga qilay deb so’rashganda ketma-ket 3 marotaba “ONALARINGIZGA” deb takidlamaganlar.
Bundan tashqari insonni onasiga qilgan yaxshiligi, bu insonni Allohga eng yaqin qiluvchi amal deb ham hisoblanadi.
Ota-onalarimiz g’animat. O’zbekistonda o’rtacha hayot kechirish yoshi bugungi kecha kunduzda 71-72 yoshni tashkil qiladi. Ota-onangiz nechchi yoshdaligi esingizdami? Alloh ota-onamizni umrini uzoq qilsin va doimo bizga ularning duolarini olib yurmoqlik nasib etsin. Ammo statistikaga qarab bir xulosa qilib ko’ring, ularning o’rtacha qancha umrlari qoldi? Ularni biror bir orzularini amalga oshira oldingizmi? Hech bo’lmaganda ularning orzularini bilasizmi, hech qiziqib so’rab ko’rganmisiz? Agarda shu vaqtgacha qilmagan bo’lsangiz hozir ayni vaqti!
Ota-ona bu dunyoda sizni har qanday vaziyatda hech qanday shartlarsiz yaxshi ko’radigan, qo’llab quvvatlaydigan yagona insonlardir. Sizning har bir yutug’ingizdan boshi osmonga yetadigan, ularga qilgan ozgina e’tiboringizga ham dunyolarcha xursand bo’ladigan kishilardir. Shunday ekan keling bugun ularni bir xursand qilamiz. Ularga siz beradigan mol-u dunyolarning keragi yo’q. Shunchaki ularga ularni yaxshi ko’rishingizni aytishingizning o’zi, ularni bu dunyodagi eng baxtli insonga aylantiradi.
Onajon sizni yaxshi ko’raman!
@khumo_blog
