TUSH
Tun…
Koʻchada koʻppak ovozi,
Koʻzdan uyqu uchgan bir palla.
Momiq bulut oʻranib olib,
Besas xurrak otar mahalla.
Tamshanaman, ogʻzim quruqshar,
Axtaraman choynak, qultum choy.
Nigoh alang-jalang, manglay hoʻl,
Nimqorongʻu koʻrinadi joy.
Muzdek suvga yuzim bosaman,
Koʻngil notinch, nimadir noxush.
Nechun bizga rahna soladi,
Nega bizni uygʻotadi tush?
Mavjlanadi oʻylar dengizi,
Sukunatga xayol sachraydi.
Bagʻrin tutib barcha toʻlqinga,
Xarsangtoshday koʻnglim charchaydi.
Oʻzligimni tovlaganim-chun
Qargʻa, meni to abad qargʻa.
Qalbim yorugʻlikdan judo qil,
Zimistonga boʻlsin badargʻa.
Deylik, bular tushda roʻy berdi.
Sen begunoh, murgʻaksan, shaksiz.
Risoladagidek yashaysan,
Turolmaysan orzu-istaksiz.
Ammo oʻsha tushda turarding
Bepoyon kenglikda, noma’lum.
Tongda xotirangda aylandi
Tushda eshitganlaring mash’um:
“Tushlar ichra yashaymiz mudom,
Tush — dunyoda buyuk falsafa!
Oʻnging asli sarobdir, doʻstim,
Tushdan boshqa bari — safsata!”…
©️Xoliqov AbdurRohman
21.01.2025
Tun…
Koʻchada koʻppak ovozi,
Koʻzdan uyqu uchgan bir palla.
Momiq bulut oʻranib olib,
Besas xurrak otar mahalla.
Tamshanaman, ogʻzim quruqshar,
Axtaraman choynak, qultum choy.
Nigoh alang-jalang, manglay hoʻl,
Nimqorongʻu koʻrinadi joy.
Muzdek suvga yuzim bosaman,
Koʻngil notinch, nimadir noxush.
Nechun bizga rahna soladi,
Nega bizni uygʻotadi tush?
Mavjlanadi oʻylar dengizi,
Sukunatga xayol sachraydi.
Bagʻrin tutib barcha toʻlqinga,
Xarsangtoshday koʻnglim charchaydi.
Oʻzligimni tovlaganim-chun
Qargʻa, meni to abad qargʻa.
Qalbim yorugʻlikdan judo qil,
Zimistonga boʻlsin badargʻa.
Deylik, bular tushda roʻy berdi.
Sen begunoh, murgʻaksan, shaksiz.
Risoladagidek yashaysan,
Turolmaysan orzu-istaksiz.
Ammo oʻsha tushda turarding
Bepoyon kenglikda, noma’lum.
Tongda xotirangda aylandi
Tushda eshitganlaring mash’um:
“Tushlar ichra yashaymiz mudom,
Tush — dunyoda buyuk falsafa!
Oʻnging asli sarobdir, doʻstim,
Tushdan boshqa bari — safsata!”…
©️Xoliqov AbdurRohman
21.01.2025