⚡️Angarik mahallasida yangi maktab ochildi

Bugun Angarik mahallasida 330 oʻrinli yangi maktabning tantanali ochilish marosimi boʻlib oʻtdi. Tadbirda viloyat hokimligi, Xorazm viloyati bojxona boshqarmasi rahbariyati, taʼlim sohasi vakillari, mahalla faollari, keng jamoatchilik hamda oʻquvchilar va ularning ota-onalari ishtirok etishdi.

Mazkur maktab zamonaviy talablar asosida qurilib, eng soʻnggi rusumdagi mebel va oʻquv texnik vositalar bilan jihozlangan. Oʻquvchilar uchun oshxona, sport zali, kutubxona kabi zarur sharoitlar yaratilgan.

Yangi maktabning ochilishi Angarik mahallasi aholisi uchun juda ahamiyatlidir. Chunki bu yerda istiqomat qiluvchi oʻquvchi yoshlar avval qoʻshni mahalladagi maktabga 3-4 chaqirim masofani bosib oʻtib, hattoki ikki jamoat transportida qatnashga majbur edi. Endi esa ular oʻz mahallasidagi zamonaviy va qulay maktabda taʼlim olish imkoniga ega boʻldilar.

Mahalla ahli bu maktabning ochilishini uzoq vaqt kuta turib, uni katta xursandchilik bilan qabul qilishdi.

❇️ Xiva shahar hokimligi