Assalamu Alaykum, xayrli tong samimiy o'qirmanlar. Erta tongdan kayfiyatingizni bir she'r bilan ko'tarmoqchiman.

Marhum adibimiz Muhammad Yusufning "Uzun ko'ylak Turkman qizga uylanaman" she'ridan ilhomlangan shekilik Bahodir Iskandarov ijodidan "Kimonoli Yapon qizga uylanaman" she'rini sizlar bilan ulashmoqchiman.

Yapon qizga uylanaman!

Aylanaman, sharqni kezib aylanaman,
O‘zimga bir yor topolmay qiynalaman,
O‘z yurtimning suluvlari til uqmasa,
Kimonoli Yapon qizga uylanaman.

Ko‘zim tushsa yuzlari lov-lov yonadi,
"Konnichiva" deya kulib tovlanadi,
Erkalanib va nozlanib sollanadi,
Kimonoli Yapon qizga uylanaman.

U erining qalbiga hech bermas ozor,
Beshikni ham orqasiga osib yuror)
Oyog‘ida "Oshin" kiygan shippagi bor,
Kimonoli Yapon qizga uylanaman.

U ajralib turar go‘zallar ichida,
Fuji tog‘i ko‘rinadi kulguchida,
Yapon choyin uzatadi qo‘l uchida,
Kimonoli Yapon qizga uylanaman!

Bir xil libos kiymish ko‘rdim nechalari,
Menga "Sushi" pishiradi kechalari,
Yashnab ketar yursa, Toshkent ko‘chalari,
Kimonoli Yapon qizga uylanaman.

Balki, bu she’r sizni biroz kuldiradi,
Uyga borsam, xotin meni o‘ldiradi,
Sevgi uchun o‘lsang arzir, jon bu nadir,
Kimonoli Yapon qizga uylanaman!

Oxirigi ikki qator to'rtligiga shoir o'zgacha urg'u beribdi ))