Nodirbek Yoqubboyevga qarshi aytilayotgan tanqidlar nohaq. U shaxsiy e’tiqodi asosida harakat qildi va bu uning shaxsiy huquqi. Hech kim o‘z dini, qadriyati yoki shaxsiy qarashlari tufayli tanqid qilinishga majbur emas! Shaxmat aql sporti, bu yerda eng muhim narsa bilim, strategiya va hurmat. Hurmat esa turlicha namoyon bo‘lishi mumkin. Qo‘l siqish bir madaniyatda odatiy hol bo‘lishi mumkin, boshqasida esa bunday emas. Agar hind qizining madaniyatida qo‘l uzatish hurmat belgisi bo‘lsa, Nodirjonning madaniyatida e’tiqodiga amal qilish hurmat belgisi!

Eng muhimi u raqibini haqorat qilmadi, kamsitmadi va hech qanday etiket qoidasini buzmadi! Uni majburlash esa haqiqiy hurmatsizlik bo‘ladi. E’tiqod va etiket bir-biriga zid emas! Har kim o‘z qadriyatiga amal qilishga haqli, va bunga hurmat bilan yondashish kerak.

Hurmat – ikki tomonlama tushunish hisoblanadi!