Keldimurodov

🍸🍸🍸🍸🍸 🎄

Help me help you

Dasturchilikda, va umuman boshqa sohalarda ham, tez o‘rganishning eng yaxshi usullaridan biri bu savollar so‘rash orqali. Ishxonadagi dasturchilardan, chat jipidi akadan, claude opadan, stockoverflowdan, mendan va boshqalardan savol so‘rash orqali tez va to‘g‘ri yo‘nalishda harakatlanish mumkin.

Shaxsan o‘zim va men bilgan ko‘pchilik yordam berishni chin dildan xohlaydi. Juda xursand ham bo‘ladi, agar yordam bera olsa. Lekin hech kim, qaytaraman hech kim, sizning ishingizni siz uchun qilib berishni xohlamaydi.

- Menga rezyume yozib bera olasizmi?

- Mana-bu ishni qila olmayapman, yordam bera olasizmi?

- Shu loyihaning arxitekturasini chizib bera olasizmi?

kabi savollar ochiqsachiga odamga yoqmaydi. Sababi bu va shunga o‘xshash savollarga to‘g‘ri va to‘liq javob berish uchun ancha bosh qotirish va vaqt sarflash talab qilinadi. Undan ham yomoni - savol berayotgan odam shu ishni qilishga yoki savolni to‘g‘ri yozishga erinayotganida.

Men ishda biror kishidan savol so‘rasam, odatda taxminan quyidagicha shaklda ifodalayman:

Salom Alexandro. Men loyihaning shu qismida bir muammoga duch kelyapman. Sen shu qismda juda ko‘p ishlar qilgan ekansan. Bilsang va yordam bera olsang zo‘r bo‘lar edi. Lekin agar boshqa odam yaxshiroq biladi deb o‘ylasang, iltimos o‘sha odamga meni jo‘natvor. Savolim: ‘Shu ishni qilmoqchiman. Uning uchun 3 ta yo‘ldan ketishim mumkin. 1 chisi bunaqa, 2 chisi shunaqa, 3 chisi esa munaqa. Menimcha 2 chi yo‘l eng zo‘ri, chunki shunday qilsam bunday bo‘ladi. Uni qilish mana bu yerda shunday o‘zgarish qilmoqchiman, lekin mana bunday xato chiqyapti. Bilasanmi, qayerda xato qilayotgan bo‘lishim mumkin?’

Mening maqsadim Alexandroga iloji boricha tez va to‘g‘ri javob bera olishi uchun sharoit yaratib berish. Butun contextni tushuntirib berish.

Umuman olganda birovdan nimanidir xohlasangiz, sizga u o‘sha narsani berishi uchun ishini osonlashtirishingiz kerak. Yana bitta misol. Odatda ishxonalarda promotion olishingiz uchun sizning manageringiz siz haqingizda report yozishi kerak va boshliqlarga siz promotionga arzishingizni isbotlab berishi kerak. Bu oson ish emas. Manageringiz siz qilgan ishlarni eslashi, aniq misollar berishi talab qilinadi. Siz manageringizga shu reportni yozib berish orqali katta yordam qilishingiz va promotion jarayonini ancha tezlashtirib berishingiz mumkin. Siz o‘zingiz nima ishlar qilganingizni manageringizdan yaxshiroq bilasiz har holda.

👥 Jahongir Rahmonov Software Engineer at Amazon

🔥 @Keldimurodov

“Umid yo’q. Siz xohlagan ishingizni topa olmaysiz. Balki 1000ta joyga topshirsangiz chiqib qolar. Vaqtingizni bekorga sarflayapsiz”

deb Computer Science yo’nalishini o’qib tugatgan bir odam dardini yozibdi.

Bu gaplarga Y Combinator kompaniyasi CEOsining javobini qarang:

Haqiqiy loyihlarda, side projectlarda, open source loyihalarda, shunchaki qiziqish uchun qilinayotgan loyihalarda ishlash bu muammoga davodir.

Computer Science bitiruvchilarining ko’pchiligi hech narsa yasay olmaydilar.

Agar siz nafaqat loyihalar qura olishingizni, balki o’zingiz qiziqqaningiz uchun loyihalar qilganingizni isbotlay olsangiz, imkoniyatlar eshiklari siz uchun ochiladi.

E’tibor beringa. Loyiha, loyiha, loyiha. Qurish, yasash, qiziqish.

Ish topa olmayotganlardan so’rasangiz qilgan ishi CRUDdan uyo’giga o’tmagan. Oddiy web loyihadan uyog’iga o’tmagan.

Dasturchilikdek imkoniyatlari cheksiz kasbni o’rganasizu, o’zingizga qiziq bo’lgan birorta proyekt qilib ko’rmaysizmi? Nima bu hamma yoq CRUD bo’lib yotibdi? Bu hamma yozayotgan blog, internet magazin, yangiliklar sayti hech kimni e’tiborini tortmaydigan bo’lib qolgan. Eng yomon tarafi bularning hammasi uchun deyarli bir xil qobiliyatlar kerak. Qisman farq qiladi holos.

O’yin yozib ko’rmaysizmi? Linux uchun Command-Line loyiha qilib ko’rmaysizmi? Data Engineering qilib ko’rmaysizmi? Bot yozib ko’rmaysizmi? 3D qilib ko’rmaysizmi? Yangi dasturlash tili yozib ko’rmaysizmi? Yangi framework yozib ko’rmaysizmi?

Boshqalardan ajralib turish vaqti keldi.

👥 Jahongir Rahmonov - Amazon kompaniyasida Software Engineer

🔥 @Keldimurodov

Yozishga undov ‼️

-Meni ishga olmaysizmi?
-Nima yutug’ingiz bor?
-IELTS writingdan 8.0 olganman.
-Ertadan ishga chiqavering.

Bir yil avvalgi suhbat.

Serial ko’rib, podkast eshitib listeningdan baland olish mumkindir.

So’z yodlab, maqola o’qib, readingdan baland olish mumkindir.

Yozmadan baland olish uchun esa jurnalist darajasida yoza olish kerak.

Writingdan 8.0 olish qiyinligini his qilmoqchi bo’lsangiz, o’zbek tilida insho yozishga harakat qilib ko’ring. 40 daqiqa vaqtingiz bor.

Yozma nuqtning zo’rligi faqat yozma nutq zo’rligini ko’rsatmaydi. Yozuvchida fikrlash, sabr, eruditsiya borligini ko’rsatadi.

Yozma ishlarini sun’iy intellektga to’liq yozdirayotganlar zalga chiqib, yukini damkratga ko’tartirayotganlarga o’xshaydi.

Shaxmatda yutish uchun o’z o’rniga kompyuterini o’ynatayotganlarga o’xshaydi.

Yozishdan maqsad matn emas. Ijodiy o’sish. Fikrlarni tartiblash. Ishontirishni o’rganish.

Bular bor bo’lsa, matn o’zi chiqaveradi.

📢 Aziz Rahimov - Rahimov school asoschisi.

🔥 @Keldimurodov

Inson ilm olishga majbur📚

Biz har birimiz inson ekanmiz har qanday sharoitda ham ilm olishga majburmiz, zero ilmgina bizni najot sari eltadi. Ilm deganda faqat kitob varaqlab oʼqish emas, ilm bu har qanday narsa masalan velosipedingiz ruli buzilib qoldi, uni qanday tuzatishni oʼrganish ham bir ilm. Inson yaratilganidan buyon ilm olib keladi, bizni faqat ilm najotga eltadi. Ota - bobolarimiz ham bekorga aytishmagan

Beshikdan to qabrgacha ilm izla

deya.

Inshaalloh niyat qildim har kuni eng kamida bitta post joylab boraman kanalga. Oʼrganganlarimni va oʼrganayotganlarimni, oʼqigan kitoblarim va oʼqiyotgan kitoblarim haqida maʼlumotlar ulashib boraman zero bir insonga boʼlsa ham foydasi tegsa.

🔥 @Keldimurodov

Hindlar va IT.

Hindlar deyarli barcha yirik IT kompaniyalarda rahbarlik lavozimlariga o‘tkazilmoqda, buning bir necha sabablari bor.

1. Hindlar qiyin sharoitdan faqat bilim bilan chiqib ketish mumkinligini tushunib yetishdi.
2. Tekin ta’limning o‘zi yetarli emasligini tushunib yetishdi, ota-onalar oxirgi pullarini sarflab bo‘lsa ham bolalarini o‘qitishga tikishdi va tikishmoqda.
3. Maqsadlar katta olindi, faqat Hindiston ichida emas, butun dunyoga yetuk mutaxassis chiqarish asosiy maqsad qilib qo‘yildi.
4. Bolalarga yoshligidan qanday qilib chet el grantlari yutish mumkin, qaysi yo‘llar eng qulay yo‘llar ekanligi o‘rgatib borilmoqda, hozir hindlarning birinchi sinfda o‘qiyotgan bolasi ham kelajakda Amerikaning qaysi universitetiga grant yutish mumkinligi to‘g‘risida o‘ylaydi.
5. Faqatgina ta’lim berib qolmay, bolalar erta yoshdan o‘z bilimlari orqali pul topishni o‘rgatib borishdi, ular darslarda turli prezentatsiya va soft skillar orqali o‘z bilim va ko‘nikmalarini boshqalarga namoyon qilishmoqda.

Natija:
1. Satya Nadella — Microsoft rahbari.
2. Sundar Pichay — Alphabet (Google)
3. Shantanu Narayen — Adobe
4. Arvind Krishna — IBM
5. Sanjay Mixrotra — Micron
6. Nikesh Arora — Palo Alto Networks
7. Rangaraj Ragxuram — VMware
9. Jayshri Ullal — Arista Networks
10. Parag Agvaral — Tvitter
11. Revatxi Advaitxi — Flex

🔥 @Keldimurodov

🗣️ Dushmanlarni kamaytirish

Eng mashhur amerikalik, Benjamin Franklinning dushmanlari ko'p edi.

Blogimni o'qiyotgan barcha odamni dushmanlarini qo'shsa ham Franklinning dushmanlari soniga yaqinlasha olmasak kerak.

Chunki u resurslarni taqsimlashda ishtirok etganlardan biri edi. Bu ishda esa dushman orttirmay iloji yo'q. Chunki resurslarni cheki bor.

Franklin bitta sodda usul orqali ko'plab dushmanlaridan qutilgan.

Dushmanlari bilan urishishni o'rniga u iltimos yoki maslahat bilan ularga murojaat qilgan.

Shu orqali u dushmanlarini do'stlariga aylantirgan.

Kimdir bizga maslahat yoki yordam so'rab kelganida qanday his-tuyg'ularni boshimizdan kechirganimizni eslaylik.

O'zimizni kerakli his qilamiz va eng muhimi, maslahat so'rab kelgan odamdan ustunligimizni sezganmiz.

Bu usul haqida ustozimdan yaqinda eshitdim, qo'llashni boshladim. Meni yomon ko'radiganlarda ishlatib ko'rdim. Zo'r ishlar ekan.

20 yoshimda tushunganimda edi ... deb qo'ydim o'zimga.

👥 Ulashildi.

🔥 @Keldimurodov

👨‍👩‍👧‍👦 OILA PASPORTI

Ota:
Sening asling, rizosi xotirjamlik, atosi sukunat, xizmati saodat va rohat, oq qilishi baxtsizlik va falokat, jannat eshiklaridan biri bo‘lgan zotdir.

Ona:
Senga berilgan eng ulug‘ rabboniy hadya, xizmati baraka, duosi katta boylik, rizosi oliy baxt, oyog‘i ostida jannat bo‘lgan, farzand boshidagi toji, jannat eshiklaridan biri bo‘lgan zotdir.

Aka-uka:
Seni himoya qiluvchi soya, dushmanlarga qalqon, eng yaqin do‘sting, yoshlikdan hamrohing, katta bo‘lganingda yordamchi bo‘lgan mehriboningdir.

Opa-singil:
Yaxshilikda akangni o‘xshashi, nasihati shifo, silai rahm rishtasini bog‘lasang, seni juda ko‘p savobga ega qiluvdi, faxring, turmushga chiqquncha qo‘lingdagi omonat hisoblanuvchi eng yaqin insoningdir.

O‘g‘il:
Sening aksing va siring. Yoshlikda ko‘z quvonching, yigitlikda faxring, qariganingda suyanchig‘ing va qalqoning, olamdan o‘tganingda ortingdan qoluvchi sadaqai joriya hisoblanuvchi dilbandingdir.

Qiz:
Tarbiyasini chiroyli qilsang, do‘zaxdan parda bo‘luvchi, farzandlaring orasida senga eng mehribon, yoshligidan xizmatingni qiluvchi huzurindagi omonatdir.

Jufti halol:
Diningning yarmi, oilang qo‘riqchisi, sirdoshing, bolalaring tarbiyachisi, umring oxirigacha hamxonang, taomingni tayyorlovchi oshpazing, suyanchig‘ing, mehribon juftu halolangdir.

🔥 @Keldimurodov

⚠️ XIYONAT

2003 - yilda Fransiyada issiqlik bo’ronidan 14 ming odam o’ldi.

Issiqroq va zichroq bo’lgan Makkadagi bo’ron esa 1300ta o’limga olib kelgan.

Saudiyaliklar issiq bilan doim kurashadi. Uylarning 100%ida konditsioner bor.
Fransuzlar issiqqa o’rganmagan. Uylarning 5%ida konditsioner bor.

O’limga sabab issiqlik emas, uning kelishiga tayyor bo’lmaganlik.

Xiyonat ham shunday.

Kutmagan joyingizdan keladi. Tayyor bo’lmaysiz. Og’ir ahvolga solib qo’yadi.

Sezar, Abdulhamid II, Avrangzeb, Doro III - xiyonatdan yiqilganlar ro’yxati cheksiz.

Xiyonat qilmang. Xiyonatni kechirmang. Uzoqlarga borasiz.

👥 Aziz Rahimov

🔥 @Keldimurodov

📈Lavozimingizni oshirishningiz, yani promotion olish uchun buni bilishingiz shart.

Ish xonangizdagi hamma loyihalarning o‘rni bir xil emas. 

Qaysidirlari juda muhim - bajargan inson hammaning nazariga tushadi, mijozlar rahmat aytadi, kompaniyaga pul keltiradi va hokazo.

Qaysidirlari esa o‘rtacha darajada muhim - kimdirlarning nazariga tushadi, biror kishi rahmat aytishi mumkin ha hokazo.

Qaysidirlari esa umuman muhim emas - hech kimga ko‘rinmaydi, hech kim rahmat aytmaydi va hokazo.

Mening oldingi strategiyam menga berilgan ishni zo‘r qilish edi. Menejerdan ish kelishini kutar edim va berilgan ishni juda zo‘r qilishga harakat qilar edim. Yaxshi ishlayapman-ku, meni shuning uchun rag‘batlantirishlari kerak deb o‘ylar edim. Lekin bu noto‘g‘ri strategiya. Ming zo‘r ishlaganim bilan, uncha muhim bo‘lmagan loyihalar ustida ishlasam, men qilayotgan ishlarning ta’siri sezilmaydi.

Menejer menga ish berishini kutish xuddi karyeramni uni qo‘liga topshirib qo‘yayotgandek tuyulishni boshladi. Bu esa albatta noto‘g‘ri. Karyeramda o‘sishni o‘zim boshqarishim kerak. Bu o‘zimning qo‘limda.

Boshqa strategiyaga o‘tdim.

Jamoamiz qilayotgan ishlarni yaxshilab o‘rganib chiqib, eng keraklilarini o‘zim uchun belgilab qo‘yadigan bo‘ldim. Hozirgi qilayotgan ishim tugashiga shu muhim bo‘lgan loyihalardan berishlarini so‘raydigan bo‘ldim. Natijada men qilayotgan ishlarning ta’siri sezila boshladi va bu bir nechta promotionlarga olib keldi.

Bu strategiya ish berishi uchun esa albatta menejer sizga ishonishi kerak. Uning ishonchini qozonish uchun esa karyerangiz boshida ishingiz qanchalik zerikarli va ahamiyatsiz bo‘lmasin, uni yuqori darajada bajarishingiz lozim bo‘ladi.

👥 Jahongir Rahmonov - Amazon kompaniyasida Software Engineer.

🔥 @Keldimurodov

📱 ChatGPT dan qiziq savol so'raldi?

Agar san shayton bo’lganingda, odamlarni maqsadlariga erishishlaridan, o’zlarini to’liq anglashlaridan qanday chalg’itgan bo’lar eding? Va buni qanday qilar eding?

🧠Uning javobi:

Agar men shayton bo’lganimda va odamlarni o’z maqsadlaridan va o’zlarini to’liq anglashlaridan chalg’itmoqchi bo’lganimda, insoniyatning zaif tomonlaridan foydalangan bo’lardim. Quyidagicha yo’l tutardim:

1. Zudlik bilan rohatlanishni targ’ib qilish: Odamlarni uzoq muddatli maqsadlar o’rniga qisqa muddatli lazzatlarga intilishga undardim. Bu ularning diqqatini asosiy maqsadlaridan chalg’itardi.

2. Chalg’ituvchi omillarni ko’paytirish: Ijtimoiy tarmoqlar, o’yinlar va boshqa ko’ngilochar narsalarni ko’paytirib, ularning vaqtini behuda sarflashlariga sabab bo’lardim.

3. Shubha va qo’rquvni oshirish: Ularning o’ziga bo’lgan ishonchini kamaytirish uchun shubha va qo’rquv hissini kuchaytirardim, bu esa ularni harakat qilishdan to’xtatardi.

4. Solishtirishni rag’batlantirish: Ularni boshqalar bilan doimiy ravishda solishtirishga undardim, bu esa hasad va norozilikka olib kelardi.

5. Munozaralar va nizolarni keltirib chiqarish: Oila va do’stlar orasida nizolarni keltirib chiqarib, ularning emotsional energiyasini sarflardim.

6. Qadriyatlarni buzish: Axloqiy me’yorlarni noaniq qilish orqali, ularni noto’g’ri yo’llarga yo’naltirardim.

7. Tanlovlarni ko’paytirish: Juda ko’p imkoniyatlarni taklif qilib, ularni qaror qabul qilishda qiynalishga olib kelardim.

8. Materializmni targ’ib qilish: Moddiy boylikni hayotning asosiy maqsadi sifatida ko’rsatib, ularni ichki o’sishdan chalg’itardim.

9. Noto’g’ri ma’lumotlarni tarqatish: Ularni chalg’itish va noto’g’ri yo’lga solish uchun yolg’on ma’lumotlarni yoyardim.

10. Keçiktirishni osonlashtirish: Vazifalarni keyinga qoldirishni odatga aylantirib, ularning samaradorligini pasaytirardim.

Bu usullar orqali odamlarni o’z maqsadlaridan va o’zlarini anglashlaridan chalg’itib, ularning hayotiga salbiy ta’sir ko’rsatardim.

➡️ Fikrbank

🔥 @Keldimurodov

Qasos haqida

-Qo’pol gapirdi. Gaplashib olishga bordik. Ko’pchilik bo’lib bizni do’pposlashdi. Endi nima qilaylik? Biz ham uraylikmi?

Shogirdlar maslahat so’rashdi. Javobini hamma bilishi kerak deb o’yladim.

Eng kuchlilar ham bir vaqtda 7ta odamga qarshi chiqolgan xolos. (Jack Dempsey). Kuchning chegarasi shu. Kuchi bilan tanilganlar pichoqlanish ehtimoli katta bo’ladi. Buni rahmatli sportchilarning oilalari tasdiqlaydi.

Aql va axloq bilan minglab odamga qarshi chiqish, ergashtirish mumkin. Bunga olimlar-u, bloggerlar yaqqol misol bo’ladi.

Qasos olmoqchi bo’lsangiz - zolimga o’xshamaslikka harakat qiling. Eng yaxshi qasos shu bo’ladi.

Qasos olmoqchi bo’lsangiz - yaxshi yashang. E’tibordagi odam bo’ling. Bitta shapaloq o’tadi, ketadi, bu qasos esa doimiy shapaloq bo’ladi.

Qasos olmoqchi bo’lsangiz - uni kechirib yuboring. O’zini yutgan hisoblayversin. Yutqazganini yillar o’tib tushunib yetadi.

Tushunganida - kech bo’ladi.

© Aziz Rahimov

🔥 @Keldimurodov

💸 Biz hammamiz aslida qarzga yashaymiz.

Nega bunday fikr? To'g'rimi , aslida bir o'ylab ko'rganmisiz qarzsiz inson bormi? menimcha yo'q hamma kimdandir qarzdor, do'stidan, bankdan, davlatdan. Dunyoda 3.3 milliard inson banklardan qarzdor shaklda yashaydi. Ular yillab kridit to'lashadi va achinarlisi shundaki yildan yilga bu raqamlar oshib bormoqda. Meni bir savol qiziqtirardi banklar qanday qilib xodimlarga maosh beradi, qanday qilib yopilib ketmasdan yildan - yilga foyda bilan chiqadi? Hammasi juda oddiy ekan, siz olayotgan kriditlaringiz tufayli ular hali ham bor. Eng achinarlisi nima hattoki O'zbekistonda ham yilda - yilga yangi banklar ochilib ketyapti. Banklar soni ko'paymoqda, demak qarzdorlar soni ham ortmoqda. Do'stim, akam, ukam va singlim hech qachon bankdan kridit olmang, biznes qilish uchun ham olayotgan bo'lsangiz o'sha qilmoqchi bo'lgan biznesingiz eng kamida 99 % o'xshab ketishini va eng kamida 6 - 12 oyda kriditni yopib quyishingizni aniq rejasi bo'lsa oling, bo'lmasam umringizni qanchadir qismi tekinga ishlash bilan o'tadi. Qarz shunday yomon narsaki o'zi bilan doim do'stlarini yetaklab keladi ya'ne oldin kichiq qarz, keyin kattaroq, keyin esa undan-da kattaroq qarz olasiz bora - bora qutulish qiyin bo'lgan sirtmoqni bo'yningizga olayotganingizni sezmay qolasiz. Dunyoda har yili 100 minglab insonlar qarzlarini to'lay olmagani uchun o'z joniga qasd qilishadi. Shunday ekan qarz olishni maslahat bermayman.

Qarz haqida so'z borganda men sizlarga 2021 yilda Netflix tomonidan suratga olingan Koreaning Kalmar O'yini ( inglizcha: " Squid Game " ) serialini ko'rishni tavsiya qilaman. Atiga 9 qismdan iborat serial sizni umuman zeriktirmaydi qaytamga insonlar qarzlari uchun hattoki jonlarini tikishga tayyorligini ochib beradi. Albatta bo'sh vaqt topsangiz ko'ring.

🔥 @Keldimurodov

Barcha hayvonlar teng, lekin ba'zilari tengroq.

Biz insonlar teng yaratilganmiz deb koʻp gapiramiz. Siyosiy tomondan bu hammaga birdek singdirildi ham.
Lekin, afsuski genetik tomondan hamma insonlar teng emasligini rad etolmaymiz. Masalan, kimdir tabiatan uzun oyoqqa ega va yugurish bilan shugʻullanadi. Uzun boʻyi bor va basketbol bilan shugʻullanadi. Kimgadir genetik tomondan chiroy nasib qilgan, kimgadir hamma havas qiladigan soch. Kuchli xotira yoki boshqa har xil faktorlarni ham esdan chiqarmaslik kerak. Semizlik va ozg'inlikda genetik taʼsirni ham rad etib boʻlmaydi. Shunaqa holatda, siz baʼzan yillab harakat bilan erishadigan narsaga kimlardir shunchaki genetik omadi chopgani uchun ega boʻladi.
Adolatsizlik boʻlib tuyuladi, lekin vaziyat shunaqa.

Inson kamolotga erishishi uchun qoʻlida bor imkonidan kelib chiqib harakat qilishi, oʻsishi zarur. Va oʻsgan sari oʻzini atrof bilan emas, kechagi oʻzi bilan ham solishtirishi muhim.
Shunaqa ekan, kimningdir genetik omadi borligiga eʼtibor qaratmay, nimadirga erishishning yoʻli harakat, mehnat va irodadir. Sportda mehnati bilan qobiliyatlidan yaxshiroq natijalarga erishganlar keysi koʻp boʻladi. Aslida, hayotda ham shunaqa, qoʻlidagi imkoniyatdan kelib chiqib harakat qilganlar yakunda doim nimadirga ega boʻladi. Nolib toʻxtab oʻtirish zararimizga ishlaydi.

Siyosat tenglikni taminlashi kerak deyishingiz mumkin. Siyosat nari borsa teng imkoniyatlarni, undan oʻtsa pozitiv diskriminatsiyani ta'minlashi mumkin. Lekin, bu ham genetik ustunlikni real maydonda yoʻldan chiqarolmaydi.

Harakat, mehnat va iroda, mana shular muhim. Faqat shular bizni real maydonda real natijalarga olib borishi mumkin.

© "Molxona" kitobidan

🔥 @Keldimurodov