Қиш хам кириб келди, бизни хонамизга печка ёқиб иситар эдик. Қорним каттайиб, анча қийнала бошлаган эдим. Кечалари оғриб ухламай юриб чиқардим.
__Яна ичдингми? Жонимга тегдинг.
Қайнонамни эшикдан бақирган овози келди.
__Сен қанжиқсан, ўғрисан, мени уйимдан қанча нарсаларни ўғрилаб сотгансан, домда нечтаси билан хохлаганингни қилиб юргансан.
Қайнотамни гапларини эшитиб, эшикка мўраладим. Қайнотам аямай урарди. Қайнонам қочиб бизни хонага югуриб кирди. Бобур ухлаб ётар эди. Қайнонам тўғри кириб Бобурни олдига, яни мени жойимга ётиб олди. Қайнотам бақира-бақира хонасига кириб кетди.
Мен пастга, печкани олдига битта тўшак ташлаб ётдим. Кўзим илиниб қолибди. Уйғониб кетиб, қайнонам ётган жойга қарадим, йўқ эди.
__Ишқилиб, эри судраб чиқиб кетмадимикин.
Ичимда ўйлаб, ташқарига мўраладим.
Қайнотам қайнонам билан, эшикда оғиз бурун қилишар эди. Юрагим ғалати бўлиб, секин жойимга чўзилдим. Бир оздан кейин, қайнонам қўлида пақирда сув билан, хонамизга кириб пақирни печка устига қўйди.