karimova_design blog

2025-yilning ish haftasi ham boshlandi va bu yil o'zgartirishlar qilish, yangi kasb yoki yangi maqsadlar qo'yish va eski odatlarni o'zgartirish uchun ajoyib imkoniyatdir. Bu yil, yangi bilimlar o'rganish, yangi ko'nikmalarni rivojlantirish va o'zingizni boshqa sohalarda sinab ko'rishingiz mumkin. Har bir yangi yil bizga o'zgarishlar va rivojlanish uchun imkoniyatlar taqdim etadi. Blogimga kelsak, bu yil faqat grafik dizayn mavzularida emas, balki san'atning boshqa yo'nalishlari haqida ham qimmatli va kerakli bilimlar berib boriladi.

https://t.me/karimova_blog

Hozirda o'zim ham ustozman. Kimki tayyorlagan ishlariga fikr bildirishimni yoki shu yo'nalishni o'rgatishimni so'rasalar og'rinmay qo'ldan kelgancha fikr bildirishga va o'z bilimimdan kelib chiqqan holda o'rgatishga harakat qilaman.

https://t.me/karimova_blog

2024-yilning so'nggi kunida turibmiz. Ko'pchilik yil yakuni haqida yozar ekan, men undan avval shu sohani egallashimga yordam bergan ustozlarimni minnatdorlik bilan eslashni istadim. Logo va branding yo‘nalishida nafaqat o‘z ishining ustasi, balki foydali kontentlari bilan ajralib turuvchi ustozim Jahongir G‘ulomov;
Poligrafiya va package design yo‘nalishida katta tajriba va bilimga ega bo‘lgan ustozim Rahmatillo Jabborov;
Grafik va web dizayn yo‘nalishida katta tajribaga ega, nafaqat kasbiy, balki hayotiy bilimlari bilan ham meni ilhomlantirgan ustozim Rahim Azim;
Grafik dizayn bilan bir qatorda videomontaj va 3D dizayn sohalarida ham yuqori malakaga ega bo‘lgan ustozim Abdumalik Xudoyberdiyev — ularga chuqur minnatdorlik bildiraman.
Ustozim Rahim Azim aytardilar "Kim sizga kichik bo‘lsa-da, bir narsani o‘rgatgan, ishlaringizga fikr bildirgan yoki bilimini ulashgan bo‘lsa, u ham ustoz sanaladi.” Shu sababdan o‘z maslahatlari va qo‘llab-quvvatlovi bilan yordam bergan Sherzod Hasanov, Ilhom Jo‘rayev va Muhammad Ali Eshonqulov kabi bilimli insonlarga ham samimiy tashakkur aytmoqchiman.  Shuningdek, menejment yo‘nalishida qimmatli bilimlarini menga ulashgan Muhammadrizo Ali Muhammadga ham katta rahmat aytaman

https://t.me/karimova_blog

Shundan so‘ng, o‘z bilimlarimni yanada mustahkamlash va yangi texnologiyalar bilan tanishish uchun 2 haftalik intensiv veb dizayn kursiga yozildim. U kursda avvalgi bilimlarimni yana ham mustahkamladim va qisman bo'lsada no-code dasturlarida ishlash, veb sayt tayyorlash bo'yicha bilimlarga ega bo'ldim. Kursni yakunlangach 15-dekabr sanasida bo'lib o'tgan master klass va taqdirlash marosimida ishtirok etdim.
Shunday foydali va barchaga manfaatli bo'lgan kursni tashkil qilgan ustoz Ismoil Safarovga katta rahmat aytaman.

Agar siz ham veb dizayn sohasiga qiziqsangiz va o'z malakangizni oshirmoqchi bo'lsangiz ustoz Ismoil Safarov tomonidan tashkil qilingan yangi UX/UI praktikum kursini tavsiya qilaman. Ushbu kurs bilimlaringizni mustahkamlash va yangi bosqichga chiqishga yordam beradi.

https://t.me/karimova_blog

Tajribamdan kelib chiqib aytamanki, 'tanganing ikkinchi tomoni bor' deganlaridek: Agar siz biror ish joyi topgan bo'lsangiz va u yer sizga ma'qul bo'lsa, unda ish joyining muhitiga va jamoaga moslashish zarur. Jamoada o'z qobiliyatlaringizni ko'rsatib, o'zingizni namoyon qilishga ya'ni o'zingizni ko'rsatishga harakat qilishingiz kerak. Shunda jamoadagi hamkasblaringiz bilan yaxshi o'zaro aloqalarni o'rnatib, muvaffaqiyatli ishlashingiz mumkin

http://t.me/karimova_blog

Bir shogirdim tushkun kayfiyatda avvalgi ish joyimdan ketdim hozircha offline ishlamay online buyurtmalar bo'lsa ishlab turibman deb qoldi.  Men unga tushkunlikka tushmaslikni, chunki bu kasb hali bozorda yangi ekanligini tushuntirdim. Shogirdim esa vakansiyalar ko‘p ekanligini va doimo kuzatib borishini aytdi. Ha, bu soha hali yangi bo‘lsa-da, rivojlanayotgan va turli xil o‘quv kurslari tashkil qilinmoqda. Ammo ish joyining muhimligi haqida gapirganimda, eng muhimi, ish joyidagi muhit ekanligini ta’kidladim. Jamoa va ish joyining sizning qadriyatlaringizga mos kelishi, o‘zingizni rivojlantirishga yordam berishi kerak. Ishga borishga undaydigan, ishlashni istagan jamoa bo‘lishi zarurligini aytdim.

http://t.me/karimova_blog

Grafik dizayn elementlari muallifi Aleks Uayt shunday tushuntiradi: “Vizual birlikka erishish grafik dizaynning asosiy maqsadidir. Agar barcha elementlar mos kelsa, dizayn birlashtirilgan hisoblanadi.

http://t.me/karimova_blog