Shaxsiy kabinet

Random natijasi!

Hozir singlim yonimda "Bitta bo'ladimi? 3 ta qilmaysizmi?" dedi. 3 ta qilamizmi? 🌚

Buni siz hal qilasiz. Mana shu post 16:00gacha 100 ta reaksiya yig'sa 2 kishi tanlayman yana )
@kab1netim

🌎Vikipediya va WikiStipendiya

Vikipediyaga kirib kelishimga sababchi boʻlgan loyihaning 3-mavsumi yakunlandi. Birinchi mavsumdan beri shu marafonning ishtirokchisi boʻlsam, har mavsumda oʻzim uchun nimadir kashf qilyotgandim:

Birinchi mavsum — Vikipediya va undagilar (foydalanuvchi va tajribali administratorlar) bilan tanishuv;

Ikkinchi mavsum — oʻrinli tanqidlarni toʻgʻri qabul qilish, oʻzimdan xato topa olish va yana oʻzimdan xato izlashdan toʻxtamaslik (yomon ma’noda emas. Shunchaki, inson mukammalman deb oʻylagan paytidayoq rivojlanishdan, oʻsishdan toʻxtaydi. Shuni oldini olish maqsadida).

Uchinchi mavsumda kashf qilgan(lar)im haqida sal keyinroq…

Uchinchi mavsumda tanqidlar tahlil qilib, (maqola yaratish va tarjima qilish uchun) toʻgʻri yoʻnalish tanlab, asosiy e’tiborni maqolaning sifatiga qaratdim va jamoadan ham shuni qat’iy talab qildim.
Bu mavsumda marafon formati va qoidalari yoʻl-yoʻlakay bir necha marta oʻzgartirildi (albatta barchasi oʻrinli va asosli). Songa e’tibor bilan boshlangan mavsum qilingan xatolikni tushunish bilan yakunlandi. Erta-kechligi ahamiyatsiz. Muhimi — xato qilinganligi tushunildi. Va oʻylaymanki, agar bu loyiha kelgusi yillarda ham davom etadigan boʻlsa, faqat va faqat sifatga urgʻu beriladi.

….Uchinchi mavsumda gʻolib boʻldim. Lekin men kashf qilgan narsa bu emas. Gʻoliblik — nasib, qilingan mehnatlar samarasi. Va… Aynan shu gʻoliblik yaxshigina mas’uliyat ham. Bildirilgan ishonchni oqlash kerak endi. Men bu mavsumda Vikipediyani kashf qildim. “Endimi?”, — desangiz, ha, endi. Chunki endi yanayam aniqroq his qilyapman har bir tahrirni ahamiyatini, har bir xatoni oqibatini. Shu joyda sizdan bir iltimos: oʻzbekcha Vikipediyadagi biror maqolada xatolik (imlo, uslubiy, mantiqiy va hokazo) koʻrsangiz, tanqid qilmasdan, kulmasdan oʻzingiz tuzatib keting yoki menga xabar bering telegram orqali boʻlsa ham. Imkonim boʻlganda kirib tuzatib qoʻyaman albatta. Chunki til bizniki. Xatoliklarni koʻrib ham indamay oʻtib ketaversak hech qachon oʻzgarmaydi ular. Vikipediya esa katta ensiklopediya. Uni tahrirlab tugatishga bir kishi hech qachon ulgurmaydi, umri yetmaydi. Jamoa yordami kerak.

Xullas, aytsam gap koʻp, post uzaygandan uzayib ketyapti. Balki yana alohida post yozarman, koʻramiz.

Loyiha tashkilotchilari — Yoshlar ishlari agentligi va Oʻzbek tilida soʻzlashuvchi vikimediachilar foydalanuvchi guruhiga tashakkur. Hamkorlik bardavom boʻlsin.

Uzun postni sabr bilan oxirigacha oʻqiganingiz uchun esa sizga tashakkur😊

P.S. Taqdirlash marosimini toʻliq holatda mana bu yerdan tomosha qilishingiz mumkin

🕊@kab1netim