📍 Yangiobod tumanida O‘zbekiston Respublikasi Prezidentining 2025-yil 14-fevraldagi PQ-62-son qarorining mazmun-mohiyatini tushuntirish, uning ijrosini ta’minlash va yosh tadbirkorlarni qo‘llab-quvvatlash maqsadida ochiq muloqot tashkil etildi.

Muloqotda Yangiobod tumani hokimligi, Jizzax viloyati Yoshlar ishlari boshqarmasi boshlig‘i, Markaziy bank, AT "Aloqabank" viloyat boshqaruvchisi, Milliy bank viloyat boshqarmasi rahbariyati, shuningdek, yoshlar yetakchilari, tegishli mutasaddi tashkilotlarning mas’ullari hamda tadbirkorlik faoliyatini boshlash istagida bo‘lgan yoshlar ishtirok etishdi.

AT “Aloqabank” rahbarlari yosh tadbirkorlarga mazkur qaror asosida ajratiladigan kreditlar va yaratilgan qo‘shimcha imkoniyatlar haqida batafsil ma’lumot berdi. Muloqot davomida yoshlarning savollariga mutaxassislar tomonidan tushuntirishlar berildi.