Unda viloyati hokimining o‘rinbosari Zafar Ro‘ziyev, tuman hokimi Shavkat Darvishev va boshqa mutasaddilar ishtirok etishdi.

Seminarda so‘z olgan Zafar Ro‘ziyev, qishloq xo‘jaligida yil yilga o‘xshamasligi, bu esa dehqonlarni sabot bilan ish olib borib ko‘zlangan marraga erishishga undayotganini alohida ta’kidladi.

Shuning barobarida o‘tgan yillardan g‘allachilik va paxtachilikda yo‘l qo‘yilgan xato hamda kamchiliklar yangi boshlanayotgan hosil yilida o‘ziga xos maktab bo‘lishi, ularda to‘g‘ri xulosalar chiqarib ish olib borish kerakligi aytib o‘tildi.

Ayniqsa, bugungi g‘alla parvarishida har bir agrotexnika talablariga qat’iy amal qilish, maysani mineral va mahallay o‘g‘itlar bilan vaqtida oziqlantirish yuqori hosil olishga garov bo‘ladi.

Zafar Ro‘ziyev paxtachilikda Davlatimiz Rahbari tomonidan yaratib berilayotgan imkoniyatlar, qabul qilinayotgan Farmon va qarorlar mazmun-mohiyati haqida ham gapirib, Do‘stlik tumani fermerlar bu borada ham ilg‘or bo‘lishini alohida ta’kidladi. Xususan, chigitni 76 sxema asosida ekishning afzalliklari aniq ilmiy asoslar bilan aytib o‘tildi.

Seminarda tuman hokimi Shavkat Darvishev hamda boshqa mutasaddilar dehqonchilikda yuqori hosil olish bo‘yicha o‘z fikrlarini bildirishdi.