Oliy Majlis Qonunchilik palatasidagi OʻZLIDEP fraksiyasi va mahalliy kengashlardagi deputatlik guruhi a’zolari hamda partiya faollaridan iborat ishchi guruh Zarbdor tumanida ta’lim sohasi vakillari bilan uchrashdi.

Ochiq va samimiy ruhda o‘tgan davra suhbati davomida ta’lim tizimiga oid dolzarb masalalar muhokama qilindi. Sohada davom etayotgan islohotlarni yanada rivojlantirish borasidagi zarbdorlik ta’lim tizimi xodimlarining taklif va mulohazalari tinglandi. Mavjud muammolar muhokama qilinib, ularni bartaraf etish chora-tadbirlari belgilab olindi.

Shundan so‘ng ishchi guruh a’zolari “Zarbdor parranda” MCHJ faoliyati bilan ham tanishdilar. Ta’kidlash kerak. Mazkur loyihaning ishga tushirilishi 64 nafar doimiy ish o‘rni yaratish imkoniyatini berdi. Kooperatsiya asosida hamkorlik qilish istagidagi xonadonlar soni ham ko‘payib bormoqda. Korxona bilan hamkorlikni yo‘lga qo‘ygan va o‘z xonadonida 1000 ta jo‘jani parvarish qilayotgan Shamsiddin Toshboyev doimiy daromad manbaiga ega bo‘lganidan mamnun.

Ayni paytda mazkur korxonada bir qator yangi loyihalarni amalga oshirish ko‘zda tutilmoqda. Bu esa yana 100 ta yangi ish o‘rinlari yaratish imkoniyatini beradi.

Ishchi guruh a’zolari rejadagi loyihalarning istiqboli bilan qiziqdilar. Mavjud muammolar atroflicha muhokama qilinib, ularni bartaraf bo‘yicha vazifalar belgilab olindi.