Iste’mol uchun yaroqli bo‘lgan qo‘ziqorin yetishtirish orqali daromad topish, yaxshigina biznes qilish mumkin. Arnasoy tumani “Chinobod” mahalla fuqarolar yig‘inida mazkur mahsulotni yetishtirish yo‘lga qo‘yildi.

🔰Qo‘ziqorin yetishtirish bo‘yicha G‘allaorol va Mirzacho‘l tajribasi asosida o‘rganib qaytgan mahalladagi hokim yordamchisi Axtam Isaxanov birinchilardan bo‘lib qo‘ziqorin yetishtirishni yo‘lga qo‘ydi.

Biz hozir qo‘ziqorinning “veshenka” navini yetishtiryapmiz, – deydi mahallada faoliyat ko‘rsatayotgan hokim yordamchisi Axtam Isaxanov. – Bu nav juda foydali va oqsilga boy. Xaridorlari ham ko‘p. Bu nav 27-28 kunda hosilga kirib, bir oyda to‘liq pishib yetiladi. Bitta ikki kilogramm sheluxa solingan qopga joylangan urug‘lar 10-12 kilogrammgacha hosil beradi. Afzallik tomoni, uni yil davomida yetishtirib, daromad olsa bo‘ladi, mavsum tanlamaydi.
🔰Jumladan, 6x3 xona peshtaxtalardagi polietilen qopchalarda yetishtirilayotgan ushbu qo‘ziqorin uchun 3 mln so‘m xarajat qilingan. Ushbu “veshenka” navli qo‘ziqorinning bir kilogramm ichki bozorda 25-30 ming so‘mdan sotilmoqda.