🔰Tuman hokimligi faollar zalida boʻlib oʻtgan tadbirda, viloyat hokimi o'rinbosari Latibjon Ahmadjonov, tuman hokimi Aziz Ergashev, huquqni muhofaza qiluvchi organlar xodimlari, Diniy idoralar, mahalla yettiligi, nuroniylar va keng jamoatchilik vakillari ishtirok etishdi.

🔰Mazkur tadbirda  soʻz olganlar hozirda yurtimizda jami 2357 ta diniy tashkilot va 16 ta diniy konfessiya boʻlib, ularning 2159 tasi musulmon tashkiloti qatorida, 197 ta noislomiy diniy tashkilotlar rasmiy faoliyat koʻrsatayotganligini qayd etishdi.

🔰Shuningdek, yoshlarni maʼnaviy sogʻlomlashtirish, ijtimoiy hayotga moslashtirish maqsadida jamoatchilik vakillari, imom-hatiblar va otinoyilar murabbiy sifatida biriktirilib, “Farzand tarbiyasida otaning oʻrni”, “Jaholatga qarshi maʼrifat”, “Ilmdan boshqa najot yoʻq”, “Diniy ekstremizm va terrorizm taraqqiyot dushmani”, “Men yot gʻoyalarga qarshiman” mavzularida targʻibot tadbirlari muntazam oʻtkazilayotganligi taʼkidlandi.