Jizzax viloyati IIB tezkor xodimlari tomonidan Doʻstlik tumanida joylashgan “Manas-14” YPX maskanida Jizzax shahrining Oʻratepalik mahallasida yashovchi 32 yoshli fuqaro boshqaruvidagi “Neksiya” avtomashinasi toʻxtatilgan. Tadbirda avtoulovning “Navroʻz” hamda “Xalqobod” mahallalarida istiqomat qiluvchi 1990 va 1994-yillarda tugʻilgan yoʻlovchilar xolislar ishtirokida shaxsiy tintuv qilingan. Jarayonda ulardan birining choʻntaklaridan 200 gramm ogʻirlikda gashish giyohvandlik moddasi aniqlanib, tegishli tartibda hujjatlashtirib olingan.
Eʼtiborlisi, ushbu shaxslar muqaddam qonunni buzganligi uchun jazolangan. Ammo bundan toʻgʻri xulosa chiqarmasdan takror shu yoʻlga qadam qoʻyishgan. Jinoyat uchun esa jazo muqarrar.

Website | Telegram | Facebook | Youtube | Murojaatyuborish