#Давра_суҳбати

🧑‍💻 Талабалик – олтин давр

⏳Тошкент ислом институтида "Қуръон илмлари" кафедраси ташаббуси билан талаба қизлар учун "Талабаликни ғанимат билиш ва вақт қадри" мавзусида давра суҳбати бўлиб ўтди.

💬Тадбирда кафедра мудири Жаҳонгир қори Неъматов ҳамда катта ўқитувчи Исломхон қори Убайдуллаев маъруза қилдилар.

🗣Қуръони карим хатми ва дуоси билан бошланган тадбирда Ж.Неъматов талабалик имкониятларидан тўғри фойдаланиш, илмдан чалғитувчи нарсалардан воз кечиш, асосий диққатни дарс қилишга йўналтириш каби йўналишда, И.Убайдуллаев илм олишни енгиллаштирувчи омиллар, устозлар эҳтироми, дунёқарашни кенгайтириш, кўпроқ мутолаага вақт ажратиш каби мавзуларда маълумот берди.

✅Учрашув давомида талабалар ўзларини қизиқтирган саволларига жавоб олишди, вақт қадри ва илм олишдаги муҳим жиҳатлар ҳақида фойдали билимларга эга бўлишди.

⏺Мазкур тадбир талаба қизлар учун вақтни тўғри тақсимлаш ва илм олиш жараёнида масъулиятни оширишга хизмат қилди.

✅ t.me/jahongirmuqriy

👉 youtube.com/@jahongirmuqriy
👉 instagram.com/jahongirmuqriy
👉 facebook.com/jahongirmuqriy